أنا عشقت ..

عندما نعشق فإننا نعيش الدنيا بمقاييس مختلفة 

 , مقاييس تتعالى على مقاييس البشر ..

نتحول من كل ما هو سئ الى كل ما هو مثالى ..

نعطى من عشقنا كل ما نملك , 

ونعده بأن نعطيه ما لا نملك , 

ونتمنى لو أعطيناه نجوم السماء وأقمار العاشقين ..

تتسع أرواحنا وتفيض , تخرج منها السعادة لتملأ الدنيا سلاما وسكونا ..

تعلو روحانياتنا ونزهد كل ما هو مادى ..

نعشق السماء والبحار والأقمار والأمنيات المنسية والفراشات ..

نقوى ونشعر بالأمان .. 

تزهر قلوبنا وتنير ...

 .

.

.

.

.

أنا عشِقت .

.......................

اسم البوست هو اسم كتاب لمحمد المنسى قنديل

عتاب !!!

لما الشوق يفوق الحد ممكن ينقلب لعتاب او شئ بيوجع

واما أجيلك بجرى عليك فرحانة بشوفتك ومستنياك تفتحلى

حضنك .. ألاقيك ماسك سيجارة بايد والتانية ماددها ليا عشان تسلم !

تفتكر مش هتوِجع !

لما تحرمنى من حضن اللقا وكلمة وحشتينى ..مش هتوجع !

لما تفضل تحكيلى عن كل حاجة عملتها وتنسى تسألنى ازيك ؟ مش هتوجع !

لما ولما ولما .. وفى الاخر تسألنى مالك .. اقولك مفيش .. تصدق !!

...........

" لو تعرفى أنا قد ايه موجود تملى فى سكتك , وحلم دافى لسة تحت مخدتك

, انا قوتك , حريتك , حنيتك ... "

..............

كل اللى يقولك انا عارف حدودى كويس كداب

لانه طالما تنازل عن الايمان بالحدود اللى ربنا حطهاله كإنسان 

ووضع نفسه كإله يحط لنفسه حدوده فهو كداب .. ليس اكثر

تلاقيه يفضل ينسحب مع الموج لغاية ما يغرق ويوم ما يفوق 

يقولك غلطة .. عادى انسان وبيغلط 

وا عجبى !!

...........

تعبت من الناس اللى بتوحشنى وملهاش وجود ..

تعبت من الخيال ,, سارة حاولى تكونى واقعية

ويوم ما قررت اكون واقعية كرهت نفسى والناس اللى حواليا

, لازم الانسان يتعلق بشئ خيالى يسرح فيه كل ما الواقع يزنقه

.......

مشكلتى معاكى انك قطعتى الاتفاقيات اللى بيننا والعهود

ومخدتيش بالك .. ولما اسألك وسط حكاويكى

اللى عملتيه دا عادى ؟ ..فتقوليلى بكل ثقة اه عادى

مش فاهمة ايه اللى بقى عادى وايه اللى مش عادى 

!!

وبتقوليلى اه عادى من ايمانك بيه فعلا ولا مش عايزة تحسى

انك اتكسفتى من سؤالى او انى احرجتك !!

بس احنا من امتى بيننا احراج او كلام من دا !

...............

 ولما بتحصل حاجة وحشة بنرفضها بفطرتنا ونبعدها عننا

لكن لما نسيبها ونتعود عليها .. فيحصل انتكاس للفطرة

ويبقى الغلط عندها صح وتفقد البصيرة 

............

ضعيفة اوى .....

عيناها السوداوين ..

عيناها السوداوين ..آخ منهما ..

تخترقنى نظراتها ببراعة

فتنفذ الى روح الروح

وتشعرنى بذلك القلب ينبض من جديد

وكأنها كانت الغيث الذى أحيا الارض بعد جدوبها

تشعرنى بالدفء .. 

لم تفعل شئ سوى انها نظرت إلى ..

وجهت تلك اللؤلؤتين إلى عينى الضعيفتين

فاستسلمت لها بكل سهولة دون ادنى محاولة للهرب

ولم الهرب ؟ 

ألآن نهرب ؟ 

كيف نهرب بعد ان وقعنا فى الاسر

انها الشباك التى مهما حاولت الهروب منها ماستطت

انها القدر .. انه الحب

نظرة :)

فقط .. نظرة واحدة من عينيك تكفيـــــــنى 

لينتفض قلبى ولا يسكــــــــــــن..