الجمعة، 25 فبراير 2011

شوية نعكشة


لما حسيت فى لحظة من اللحظات انى فقدت الامل
رجعتى وقومتيه فيا
ولما انتى تعبتى ... حاولت اساعدك بس معرفتش
حسيت بعجزى قدام يأسك
....
لما قلبى اتقبض فى الدرس اول حد فكرت فيه انتى
وخفت عليكى اوى
...
استأذنت المستر ومكملتش الدرس
لانى كنت فى حالة غير طبيعية
نزلت الشارع وجالى خبر وفاة والد واحدة صحبتنا
...
قلت يبقى قلبى كان مقبوض من كده...
كملت طريقى
وقابلت اخويا فى حملات التنظيف فرحت اسلم عليه
وفجأة لقيت عربية جت خبطت بنت صغيرة
قدامى والبنت طارت من الخبطة
.... الكل طلع يجرى عليها
وانا فضلت واقفة فى مكانى مش قادرة اتحرك
وحاطة ايدى على وشى... خايفة اشوف ايه اللى بيحصل
.... الحمد لله البنت كانت كويسة
وبعدها مشيت وكملت طريقى لما مصطفى قالى روحى وخدى
الجاكت بتاعى معاكى
قلتله حاضر ومشيت....
وطول الطريق كنت حابسة دمعة خانقانى
مسكت الموبيل وكلمتك ... كنت خايفة عليكى اوى
لقيت موبيلك مقفول .....
ولما كلمتينى بعدها بدقايق معرفش ليه زعقتلك
وقلتلك انا بكون محتجاكى...
لقيتك صوتك حزين.... وفعلا قلبى كان مقبوض عشانك
......................................
لما لقيتك محتاجة نفسك زى ما قلتى.... قررت ابعد شوية
بعدى عنك مكنش خيانة...انا بعدى عشان اسيبك لنفسك
بس مخبيش عليكى
اليومين اللى بعدت فيهم كانوا اسوأ يومين فى حياتى
كنت حاسة ان حياتى ناقصها نصها الحلو
ناقصها الحد اللى كنت برجع اقوله كل حاجة عملتها
الحد اللى يقعد يتريق عليا عشان مش بعرف انطق الانجليزى كويس
الحد .... اللى بحبه وبحلم بيه كل يوم

..........

انتى بالنسبالى
مش حلم
ولا وهم
ولا صورة
وبلوج
وصوت
...
انتى عالم كبير اوى بيحتوينى
انتى عشى اللى برجعله اخر النهار
...
كنت كل شوية امسك الموبيل عشان اكلمك
بس كنت بمسك نفسى واشدها
مش عايزها اقطع الهدنة ولا اشغلك عن نفسك
استنيتك ... وما زلت انتظر
....
لازم تعرفى انى محبتش حد قدك... ارجوكى .... زى ما قلتلك مش كل الكلام يتقال

الأحد، 6 فبراير 2011

أمس

السلامو عليكم ورحمة الله وبركاته

انا عارفة ان البوست ملوش علاقة باللى بيحصل

فى البلد بس بجد تعبت وقلت اغير الجو شوية ^_^

............

أمس..

كان يجب ان اقابلها


بعد ان خططنا لكل شئ واتفقنا على كل شئ...


أخبرتها بأنى سأرتدى الرداء الازرق..

ولكنى لم اخبرها بانى سأرتديه من اجلها


لأنى اعرف حبها للون الازرق..


أخبرتنى بأنها ستشترى ثوبا جديدا


احتفالا بهذه المناسبة التاريخية فى حياتنا..


وعدتها بأنى سأحضر قالبا كبيرا من الشوكولا


وسأحفر عليه عهد صداقتنا


ورمز حبنا وصبرنا الطويل على اللقاء..


وعدتنى بأنها ستجعله يوما تاريخيا


وستغنى وتفصح عن حبــنا ..


وستأخذنى بحضن عميـــــــــق


يعوض ثلاث سنوات من الغياب


ثم تدغدغنى لأضحك وتتعالى ضحكاتنا..


وعدتها بأنى سأمسك يديها الرقيقتين وسندور


وندور وندور


إلى ان نقع ضاحكين ومقهقهين


ونتهم بعضنا البعض بالجنون اللاإرادى


وسنشعر بالسعادة المفرطة..


.._.._.._.._.._.._


وعدتنى ووعدتها بالكثير الكثير


رغم أن نصف هذه الوعود لم نصرح بها إلى


بعضنا


لأننا شديدى الخجل...


ولكن القلوب تشعر ببعضها وتعلم بمن يحبها..


كانت هذه بعض امنياتنا ولكن ...


حدث ما حدث


ولم نتقابل ولم تنفذ الوعود والامانى التى حلمنا بها .

.

أصابنى الحزن


وامتلكنى اليأس من اللقاء


وشعرت بأننا سنظل فى بعد طويل..


ولكنها رغم حزنها..


حاولت أن تبعد عنى هذه الحالة من اليأس والحزن وقالت


لى :


سنلتقى يوم الجمعة أو الاثنين


ولن نلتقى الأربعاء لأنه يوم غير مميز


صدقينى فأنا أثق بحدسى


وداخلى أشعر بأن يوم لقائنا سيكون يوما عظيما


^_^


فرحت بكلماتها فأنا أدرى


أن تعبيراتها عن حبها دائما مختلفة عن باقى البشر


فهى تخجل كثيرا من التصريح بحبها


وأنا أقدر ذلك جيدا


وأثق بالله أنه سيجمع يوما ما


قلبين اجتمعا على حبه وطاعته


وأتمنى أن يكون هذا اليوم.......قريبا

الجمعة، 4 فبراير 2011

دعاء


انا لله وانا اليه راجعون توفى الى رحمة الله تعالى والدة احدى صديقاتى ارجو الدعاء لها بالرحمة والمغفرة ووالدعاء لاهلها بالصبر والسلوان .. وارجو الدعاء لامى مصر ان ربنا يحمينا من الفتن ويوحدنا وينصر الحق عالباطل