الجمعة، 30 يوليو 2010

يارب


اسألكم الدعاء...

الخميس، 29 يوليو 2010

...

حوار بين عقلى وقلبى

مش قادرة افهم ليه بتعمل معايا كده؟؟!!!

...ممكن تبقى هيه متضايقة ....

بس ليه مقالتش؟؟

...منتى يا سارة متحبيش ترغمى حد انه

يحكيلك زى مانتى مبتحبيش حد يرغمك

على حاجة

بس دى مرايتى وصحبتى واختى

ولما بتكون جوايا اى حاجة بقولها

حتى لو حاجات عادية

...ممكن تبقى هيه صاحبتك بس انتى مش صحبتها

لأ ازاااااى هيه قالتلى اننا صحاب

واخوات كمان

...انتى طيبة اوى يا ياسارة هوه اى حد يقولك

اى حاجة تصدقيها

يعنى ممكن تبقى قالت كده عشان متكسفنيش؟؟؟

...اه طبعا مش بعيد

لا يا عقلى انت اكيد مش فاهم

...انتى اللى مش حاسة انك مجرد حد عادى مش مميز

فى حياتها

انت مش فاهم صدقنى ..بكرة تفهم

...افهم ايه بس يا سارة

احنا بيننا عهد ولو مكنتش وافقت عليه كنت ممكن اصدقك

...وانتى شايفة انها عملت بيه؟

اسسكت بقى معرفش معرفش انت ليه عايزنى ابعد

انا مصدقت الاقيها

...يمكن هيه مش مرحبة بيكى بس مش عايزة تجرحك

بس انا ..... انا...ايه اللى بتقوله ده

...نفسك تقولى حاجة؟؟

نفسى اقول حاجات بس هيه تسمعنى

نفسى اقولها انى حبيتك اوى ومصدقت لقيتك

لانى لقيت اختى لقيت الحد اللى شالنى فى حاجات

كتيرة اوى..لقيت الحد اللى احتضنى فى مواقف

معرفش كنت هعمل فيها ايه لو كنت لوحدى

لقيت النور اللى خد بايدي بعد ما كنت فى ضلمة

ولوحدى

بس انا مش عايزة اتقل عليكى فى حياتك

يكفينى انى اشوفك مبسوطة وفرحانة

خلى بالك من نفسك ......

صدقينى مش عارفة هوه في ايه

ولا الدنيا مالها ولا انا فاهمة غلط

ولا صح

صدقينى مش عارفة فين الصح من الغلط

سامحينى لو كنت غلطت فى حقك فى يوم

ولو كنت عملت فى يوم حاجة تفرحك

مكنتش بكون عايزة مقابل غير انى اشوف

ابتسامتك وفرحتك فى عينيكى

بس...

...خلصتى كلامك يا سارة

مهما قلت مش كفاية بس بشكرها على الايام

الحلوة اللى قضيناها مع بعض

همه مش ايام همه سنين

...متستعجليش يا سارة ممكن تبقى فاهمة حاجات

كتير غلط

اتمنى اكون فهمت غلط

اوقات بتتصرفى بغرابة وببقى نفسى افهم ليه!!!

الأربعاء، 28 يوليو 2010

عندى ثانوية عامية ^_^


حسنة قليلة تمنع بلاوى كتيرة

الاهى يكرمكم قادر يا كريم

ياجماعة ارفعوا من معنوياتى

داخلة على ثانوية عامية ومحتاجة

دعوتين حلوين ونصيحتين لوووز

وسمعونا سلااااااااااااام

انا مهما زاكرت بدبلر ..انا مهما زاكرت

بشيل ..مش ممكن يوم هتقدم

مش ممكن اجيب تقدير....^_^

السبت، 24 يوليو 2010

مأساة كاميرا...قصة مبنية على احداث حقيقية

موقع الجريمة....اهئ اهئ اهئ

صحيت الصبح بدرى وقعدت استعد بقى
لرحلة جميلة مع العائلة السعيدة
المهم بدأنا رحلتنا ولله الحمد ورحنا الى
الكومو-مدينة فى ايطاليا-..مدينة وهمية كلها جبال بجد فيها جمال رباااااااااانى
رهييييييييب
المهم رحنا لمكان زى رصيف على الشارع كده ونازل بسلمتين
وتلاقى البحيرة
بحيرة الكومو..حاجة كده مشهورة اوى..^_^
المهم قعدنا على الرصيف وقعدنا نفطر واتلم الحمام والعصافير
والبط حوالينا يفطروا معاانا..امال هنفطر لوحدنا لازم ونس بردو
المهم
از فجأة معرفش ايه اللى حصل
وقمت وقفت ويااااااااااارتنى ما وقفت
وفحأة لقتنى برجع برجع برجع
ووقعت فى البحيييييييييييييييييييييييييييرة
وغرقت فى شبر مييييية وانا مبعرفش اعوووووووووووم
واتفضت قدام السياااااااااااااااح يا جودعان
المهم انى از فجأة بردو لقيت كاميرتى غرقانة جنبى
هعهعهعهعه..
.وحسيت انها بتنادينى وتقولى ساااااارة
الحقيييييييييييينى
وقعدت الطش فى المية واتزحلق طبعا
وكل ده وانا حاسة انى بحلم وان حد هييجى
يصحيييينى
ولكنى فوجئت بصوت ماما بتقول سااااااااارة بنتى اررررررررجعى
ولقيت الحج الوالد جه والتقطنى من بين افواه الميه الشرسة
المفترية الله يسامحها بقى
وبعد ما طلعنى من البحيرة بابا انقز الكاميرا..
وزى ماتكون خير اللهم اجعله خير
ازازة مية ..قعدت تنزف تنزف تنزف تنزف بشده
ععععععععععععع
واستعوضنا ربنا فيها
وقلت البقاء لله فيكى يا كاميرتى وحسيت كده خير والله اعلم
ان بابا وماما بس هيكلونى ومشفقين عليا فى نفس زات الوقت
..^_^
وانا اقولهم انا كويسة الحمد لله فدايا فدايا ..المهم انى بخير..^_^
لكنى لا انكر انى حسيت بتأنيب الضمير بردو
...وفقدنا الامل..البقاء لله فيكى يا كاميرتى
...
...
...
...
والمفاجئة ان الكاميرا اشتغللللللللللت
سبحان الله..^_^

الثلاثاء، 20 يوليو 2010

صناع الحياه..^_^


قبل ما اروح صناع كنت واحدة عادية
وعايشة عادى وحياتى عادية
وكانت اهدافى عادية...كله عادى
يعنى مفيش تجديد
مفيش تطور
مفيش تغيير
وقررت اعمل حاجة فى حياتى
وروحت صناع الحياه
بدأت اشتغل واحس بمعنى الحياه
واحس يعنى ايه تسعد حد زعلان
وتمسح على راس يتيم وتحسسه بحنانك
وبدأت احس يعنى ايه اسرة فقيرة
اللى كنا بنشوفها فى التليفزيون
ويعنى ايه ناس غلابة محتاجة بس حد يبتسم ليهم
ويقولهم انتو مش لوحدكم..
حسيت بجو من الحب للعطاء..
الكل بيدى بلا مقابل
ولا نرجو الا اجر من الله
حسيت بتعاون وحب بين الاعضاء
حسيت انى بين اهلى
حسيت انى بعمل حاجة...الكلمة دى كبيرة اوى
صحيح تعبنا واشتغلنا وكنا بنسهر مع بعض نحضر
لمشاريع واجتماعات وافكار
بس ده مكنش ببلاش
لان ربنا ادانا حاجات كتيرة اوى
ادانا نفس سمحة صبورة
ادانا حب للحياه وللناس
ادانا صحبة صالحة وحط تحتها عشرين خط
ادانا امل وتفاؤل وخبرة
..
كنا زمان لما كنا عاديين كان لما حد يقولنا
مطلوب منكم تحضروا لحفلة او اجتماع كبير مهم
كنا بنحس ان ده عمل كبير اوى والموضوع صعب وازاى ومش عارف ايه
بس لما بقينا صناع لقينا الموضوع سهل جدا
وعايز حاجات بسيطة
..... ربنا بيسهل علينا حاجات كتير وبيرزقنا من حيث لا نحتسب
انا معرفتش معنى الحياه بجد الا دخلت صناع
............
بجد يا جماعة اللى مجربش العمل التطوعى لازم يجررررررررررررررررربه
بما اننا فاضيين وقاعدين فى البيت ما ننزل نعمل حاجة
ونساعد فى نهضة امتنا ونشتغل
مينفعش نقعد ننادى بالنهضة واحنا قاعدين فى البيت
دعوة للعمل ......لـــــــــــــلـــــــــــه
اشتغل عشان ربنا ...مش دايما بندعى ونقول
اللهم استخدمنى ولا تستبدلنى
طيب يلا مستنى ايييييييييه خلى ربنا يستخدمك وتشتغل عنده
........................

وده احدث حاجة شغالين فيها حاليا شنطة رمضان وده البوستر
والله المستعان ..^_^

السبت، 10 يوليو 2010

الحياه



فيلم ...ممكن يبقى طويل وممكن يبقى قصير

وممكن ينتهى فى اى لحظة

وعندما نشترك فى التمثيل فيه

شأنا او أبينا فاننا لا نرى الحقيقة كاملة

لاننا ننحصر بداخل مشهد او اتنين

وواوقات ينتهى الفيلم وتعرف الحقيقة

بعد فوات الاوان

...انها ببساطة حياتنا ودنيتنا

فعندما يصيبنا ابتلاء من الخالق يصيبنا هرع

وخوف واضطراب

..واسمحولى اكمل بالعامية عشان اعبر اكتر..

ووبتوتر ونتعب ونحس بظلم وقهر ..

بس احنا منعرفش ان ربنا بيحبنا اوى

وعمره ما هيضرنا لانه هوه سبحانه اللى خالقنا

واللى خالقنا ادرى بمصلحتنا

منعرفش ان ربنا حنين اوى علينا وبيحبنا اوى

منعرفش ان ربنا هوه اللى لينا فى الدنيا

وهوه اللى بايده يسعدنا او يتعسنا

بس ربنا بيحبنا وعمره ما هيتعسنا الا لحكمة

لا يعلمها الا هو

الحمد لله يارب
..
ياااااااااه ..الواحد لو فكر وافتكر هيلاقى انه

ياما غلط فى حقك يارب

وانت اللى خالقنا ورازقنا وراحمنا وبردو بنعصيك

ووياما اعترضنا على ابتلاءاتك يارب بطريقة مباشرة

او حتى جو نفسينا...بس احنا منعرفش ان ده خير لينا

منعرفش....

بجد ياربنا لما بتكلم معاك بستريح اوى ...بحبك يارب

لما بكون قريبة منك بحس ان ليا سند وليا ضهر

بحس ان فيه حد حامينى معايا واقف جمبى

وبردوا لما بعصيك بتقف جمبى وبتسترنى

مكنتش اعرف انك رحيم اوى كده يارب

....بحــــــــــــــــــبك يارب ياااااااااااااااااااااااااااااارب

...
كان كلام مخنوق جوايا حبيت اطلعه..عشان استريح

الحمد لله يارب...

...وكلمتين على جنب بعيد عن ده كله

فى وسط كأبة اليوم جالى خبر جميل من حد عزيز عليا

رضوى صحبتى واختيتى وانتيمتى صاحبة مدونة تستمر الحياه

جابت مجموع حلو اوى ماشاء الله فى الثانوية

وبحب اهنيها على الفضائيات يا مشرفانا ورافعة راسنا

يا روووووووووودى يا قلبى مبروووووووووووووووووووووووك

يا حبى..بحبــــــــــــــــــــــــــــــــــــــــــك فى الله

....
انشغلت عن الروايه اللى كنت بقراها بحاجات كتير

ادعولى اخلصها..عموما هيه رواية حتى لا تموت الروح

الاثنين، 5 يوليو 2010

لا تكن امعة !!



لا تتقمص شخصية غيرك ولا تذب فى الاخرين

وكثير هم الذين ينسون انفسهم واصواتهم وحركاتهم

وكلامهم ومواهبهم وظروفهم

لينصهروا فى شخصيات الاخرين.....

..من ادم الى اخر الخليقة لم يتفق اثنان فى صورة

واحدة..فلماذا يتفقون فى المواهب والاخلاق
...
انت شئ اخر لم يسبق لك فى التاريخ مثيل

ولن يأتى مثلك فى الدنيا شبيه..

أنت مختلف تماما عن زيد وعمرو

فلا تحشر نفسك فى سرداب التقليد

والمحاكاة والذوبان

....

انطلق على سجيتك وهيئتك..

عش كما خلقت لا تغير صوتك..لا تبدل نبرتك

لا تخالف مشيتك..هذب نفسك بالوحى ولكن

لا تلغى وجودك وتقتل استقلالك.

أنت لك طعم خاص ولون خاص

ونريدك أنت بلونك هذا وطعمك هذا

لأنك خلقت هكذا وعرفناك هكذا

..فلا تكن إمعة....

نقلا من كتاب لاتحزن