الأحد، 10 يناير 2016

يسرا

يسرا , على بالي اوى 

عنيكى ازاي كانت كدا .. كان اول واخر لقا ..

سبحان الله , ليه اتقابلنا ؟

ليه اتقابلنا وحبيتك ... وبعد فترة تعملى حادثة وتموتي

سبحان الله يا يسرا , كل شئ بيجي بقدر ..

صورك وكلامك , 

عنيكى وهى بتهرب مني وترجع وتخطف نظرة كدا .. وتهرب تانى

وانا كمان كنت بعمل زيك ..

اه كنت عايزة اقولك " هو احنا نعرف بعض ؟؟ .. انتى مألوفة أوي ! "

كل ما أقرب جنب جرار وانا ماشية جسمى يقشعر ..

الموت بالحوادث صعب , ربنا يرحمك يايسرا ..

اختك كانت حتة منك , حسيت ان روحك جت قدامي .. 

كانت شغوفة ان حد من صحاب يسرا اهو ! , واول مرة كنا نشوف بعض

وجملتها " أنا أخت يسرا .. " كانت بتوجع اوي .. انا حتى معرفش اسمها

الدنيا قصيرة اوى يا يسرا , خايفة اقابل الموت .. ازاى قابلتيه ؟

ربنا يرحمك يا يسرا ..

سنتين يا يسرا عدوا , او يمكن 3 سنين ..

يسرا .. 

انتى ليه على بالى اوى كدا ! :( .. ربنا يرحمك يا حبيبتى