الأحد، 31 مارس 2013

كن وحيدًا !



كن كما شئت وحيدًا .. ولا تسلنى أبدا أن أكون جوارك !

كلما اقتربنا تبتعد وكأن للقرب طعم تكرهه وترفضه ..

سئمت كونَك ترغب الوحدة وتطلبها

تُشعرنى بالعجز .... :(

تشعرنى بأنى لستُ من تريد أن يخفف عنك

أو من تريد ان تفرح معه

لستُ أنا من ترغب فيه .. 

..

اذا فلماذا تقترب اذا ابتعدت أنا ؟!

هل يحلو لكَ عذابى ؟ أم أنكَ تخاف الهجر !

تستبقى الأشياء جواركَ إلى أن تموتَ ولا تفكر يومًا فى إسعادها

آهٍ منك .. أتعبتَ قلبى حد الانهيار ..

..........

لا تتعجل الوحدة فهى آتية ٌ لا محالة

فالعمر يجرى بنا   ..

سأموتُ وأتركك وحيدًا

حينها .. ستأتى لك الوحدةُ ولن تسعى لها

وستنال القدر الكافى من وحدتك !

أما الان فأنت الساعى لها ..

فهل تريد أن تقضى حياتك كلها وحيدا ؟!

.......
 

الخميس، 28 مارس 2013

عن الموت والقبر والخوف !

وازاى مبتفكرش ؟

دا كل ما بمشى خطوة وتبدأ الدنيا تكبر فى عنيا

أفتكر انها متساويش عند ربنا جناح بعوضة !

انت متخيل ؟

الدنيا بناسها بأرضها بعيلتك ونفسك وكليتك وولادك ومراتك

وكل اللى يخصك ويخص غيرك .. ميساااااويش اصلا جناح بعوضة !

.. 

عارفة .. بقيت بخاف أوى 

الموت طلع أقرب مما كنت أتصور

وكل ما يبقى عندى مشكلة واجيلك اعيط فى حضنك

افتكر انى لما هموت هموت لوحدى .. 

والروح هتتسحب من جسدى وانا لوحدى

مهما كنتى جنبى وحواليا .. محدش هينفعنى .

ملك الموت وعظمته وازاى هشوفه وانا بطلع فى الروح

وسكرات الموت ووجعه .. 

والقبر وسؤال منكر ونكير ..

وفكرة ان جسمى دا يتحط فى القبر ويندفن ويترمى عليه التراب

عارفة انا خايفة أوى 

قد ايه الدنيا دى ولا تسوى اى حاجة

مقدار الوجع اللى هنشوفه واللى هنقابله سواء فى سكرات الموت

او ضمة القبر او سؤال منكر ونكير

صعبة والله ... أوى

ازاى يعدى الوقت ونضيعه فى اى حاجة واحنا اللى هنتسأل

ولوحدنا .. 

والله الخلق دول كلهم ولا هينفعونى بحاجة

ولا حتى حد هيفضل جنب قبرى فى ليلتى الاولى فى القبر !

خايفة أوى .. وكل ما أفكر اخاف اكتر

الموت .... بنفضل نتكلم عنه كإنه بيحصل للناس كلها الا احنا !!

مع انه قريب أوى

يارب هوّن يارب هوّن يارب هوّن

..

بالله عليكم .. صحبتى يسرا توفت .. ادعولها كتير ربنا يارب يرحمك يا يسرا يارب
ويجعل قبرك روضة من رياض الجنة يارب يارب
ويثبتك عند سؤال الملكين ويوسع فى قبرك ويجعل العمل الصالح مؤنس لك 



الجمعة، 15 مارس 2013

:(


أوقات المطر بيكون بُــكى ..