الثلاثاء، 23 ديسمبر 2008

للاسف سلااااام!!!!



السلام عليكم ورحمة الله وبركاته


اااه من الصعب عليا جدا انى اقول الكلام اللى هقوله ده


للاسف قرار ديكتاتورى من فوق (كلكم فاهمين طبعا منيين)


للاسف هضطر انى انقطع عن الكمبيوتر عشان الامتحانات


عشان الشهادة الاعدادية


اتمنى يا جماعة ياريت كلكم تدعولى كتييييير على قد ما تقدروا


عشان نفسى احقق هدفى ان شاء الله وياريت حضراتكم


تكتبولى فى التعليقات ايه النصائح اللى لازم امشى عليها


ياريت ياريت مش تنسونى فى الدعاء


وسامحونى على تقصيرى


_______________


__________


_______


الأربعاء، 10 ديسمبر 2008

انى غاضبة




بسم الله الرحمن الرحيم


كل سنة وانتم طيبين


يارب تكونوا كلكم بالف خيير وصحة


ندخل بقى فى الموضوع


انى غاضبة ....


فعلا والله لقد اصبح الغضب يملأنى


كلما احاول ان اخرج


اكييد انتم مستغربين


وديه حاجة طبيعية


بس صدقونى فعلا


شئ يغضب


لما تكونى ماشية فى الشارع فى امان الله


وتلاقى المعاكسات وال.... وغيره وغيره


والشباب خلاص فقدوا معنى النخوة والرجولة والشهامة


بالزمة مش حاجة تغضب


ولا لما تحصل سرقة او حاجة فى الشارع


والناس تقعد تتفرج ومش بتعمل حاجة


مش ديه باردو تبقى حاجة تغضب


للاسف


لقد انتشر مرض فقدان الشهامة والرجولة والنخوة


عند الشباب


للاسف


كل هذا بسبب البعد عن الدين


ولقد اصبحت المعاكسات شئ عااادى جدا عند الشباب


واللى مش بيعاكس بيبقى شخص منبوذ


لا وايه سعات الاهل بيشجعوا اولادهم كمان على كده


والله


الواحد بقى بيخاف يخرج


ويخاف يتعرض لاى حاجة


للاسف


بقينا بنمشى فى الشارع خايفيين من بعض


نفسى


والله نفسى


نرجع احسن من كده بكتيير زى زمان

الأحد، 30 نوفمبر 2008

ياريت..دعوة للتفاؤل


بسم الله الرحمن الرحيم

ازيكم يا جماعة

ايييييه اخباركم


ياترى انتم من الناس اللى هحكى عليهم النهاردة ولا غير؟؟؟


الصراحة الواحد بقى كل لما يمشى فى الشارع


يلاقى الناس ركبها همومها من ساسها لراسها


مش عارفة لييه احنا غاويين نحمل نفسنا فوق طاقتنا


هوه اينعم المشاكل كتيير بس بردو مش ده الدافع لاننا


نكشر ونحس ان فى جبال فوق راسنا


يا جماعة


دعوة للتفاؤل


دعوة للعمل بحب وعطاء


دعوة للتغير


دعوة للابتسام


حتى نعود كما كنا


وياريت الواحد يرجع يشوف البسمة على وشوشكم


تااااااااااانى


ياريت

الثلاثاء، 4 نوفمبر 2008

تاااج ومابعده تااج


بسم الله الرحمن الرحيم

ازيكم كلكم فى الاول

اكييييد اكيييييييييييييد اكييييييييييييد

وحشتكم موضوعاتى

انا عارفة انا عارفة

بلا فخر يعنى

هههههههههههههههههه

المهم

الحمد لله جالى تاج من مدونة محمد غالية

واخيرا هجاوب على تااااااااااج



السؤال الاول:ما هى السعادة من وجهة نظرك؟؟

السعادة ان الانسان يكون مرتااااح نفسيا هادى مطمأن

مش شايل هموم الدنيا واللى حواليه كمان يكونوا سعداء

..............

السؤال الثانى:كيف تصل الى السعادة؟؟

عشان السعادة تتحقق للانسان لازم اول حاجة انه يظبط علاقته بربنا

وبعد كده يرتب مبادؤه.ويحاول يسعد اللى حواليه ومش يشيل نفسه هموم الدنيا

................

السؤال الثالث:هل السعادة وهم ام انها حلم صعب؟

والله مفيش حاجة مستحيلة .هيه السعادة مش سهل الوصول اليها

بس مش مستحيل وممكن نعتبرها حلم صعب بس لا يمكن تكون وهم

.................

السؤال الرابع:هل السعادة طريق للنجاح؟وضح؟

والله انا اعتقد ان النجاح ممكن يكون هوه طريق من طرق السعادة

.................

السؤال الخامس:ماهى اكثر الاوقات التى شعرت فيها بالسعادة؟؟

لما حالى مع ربنا يكون كويس ولما احس انى بعمل حاجة ليها معنى سواء لوحدى

او مع اصدقائى

................

السؤال السادس:هل ممكن ان تحقق كل شئ؟؟

بيتهيألى انه ممكن نحقق حاجات كتير بس مش بنقدر نحقق كل اللى عاوزينه

...............

السؤال السابع:السعادة تجعلك تقبل على الحياة ام لا؟

اكيييييييييييييييييييد وبحس بالتفاؤل كمان

...............

السؤال الثامن:هل احسست يوما انك وصلت لقمة السعادة؟؟

لا اظن ذلك لانه كلما اشعر بالسعادة اجد المصائب ورائى

فلا تكتمل السعادة

..............

السؤال التاسع:لماذا تمر اوقات السعادة بسرعة؟؟؟

لاننا لا نترك وقت لنريح فيه ونسعد انفسنا ولكننا نحمل انفسنا ما يفوق وسعها

..............

السؤال العاشر:هل ترى السعادة فى التدين؟؟

نعم

..............

السؤال الحادى عشر:هل انت متفاؤل وعندك امل؟وضح؟

اكييد متفاؤل لان من غير التفاؤل مش هنصلح حاجة ولا هنعمل حاجة

بس المشكلة ان الانسان سعات بتجيله اوقات يفتقد فيها التفاؤل والامل

.............

السؤال الثانى عشر:اذا شعرت بالحزن ماذا تفعل؟؟

ابكى لكى اخرج ما بداخلى واناجى ربى واكلمه وادعوه ان يفرج همى

ثم احكى واتكلم مع احد قريب الى قلبى كى يساعدنى

...............

السؤال الثالث عشر:هل يستمر معك الحزن فترة ام ينقضى فى الحال؟

ساعات بيقعد فترة طويلة وساعات بيروح بسرعة بس الجرح مش بيتداوى بسرعة

................

السؤال الرابع عشر:مارايك فى الافراد المتشائمين؟؟

ممممممممممم ممكن يكونوا احد عوامل هدم السعادة

وياريت يتغيروا

......................

اااااااه اخييييرا خلصت

اسفة انى طولت عليكوا

بس سامحونى اصلى اشتقت للكتابة اوى وللمدونة

وتحيااااااااااااااااااااااااااااااااااااااااااااااااااااااااااااتى

الاثنين، 20 أكتوبر 2008

كدت ان اموت


ازيكوا يا جماعة عاملين يمكن العنوان يبقى غريب شوية


بس بعد شوية هتعرفوا انا قولت كده لييه


المهم...


امبارح واحنا راجعين (انا والاسرة المبجلة يعنى) من السفر


كنا ماشيين عادى خالص والجو كان زى الفل وكل حاجة


وفجاة وبلا مقدمات

لقينا تريلا لزقت فينا ولله الحمد

والباب اللى كان جنبى الحمد لله اتعجن

ولم يوجد خسائر بشرية الحمد لله

فطبعا نزل سواق التريلا يعاتب فينا ويقول ان احنا ال ايه خدشنا التريلا

واحنا اصلا اللى كنا هنتعجن

لأ والانيل ان عسكرى المرور ولا هوه هنا اصلا

احنا عمالين نتخانق وهوه فى التراوة

لا اله الا الله

حاجة عجيبة والله زى مايكون ....

المهم

الموضوع خلص ومشينا الحمد لله(بس طبعا بعد ما الناس هدوا الموقف مش العسكرى)

شوفتوا بقى كنت هموت ازاى؟؟!!!

انا بس اللى عايزة اعلق عليه

انى ملاحظة ومش انا بس اللى ملاحظة

ان الحوادث كترت اوى فى بلدنا سواء مرور سواء كهرباء سواء....

بس ياترى ده بقى بيرجع لايه ؟؟؟؟

ياترى بيرجع لضمائر الموظفين او العاملين فى اى منصب مهما كان صغير او كبير؟

او بيرجع للظلم والجشع اللى موجود فى الناس نفسهم؟؟

ياريت تجاوبونى؟؟؟؟؟!!!!!!

الاثنين، 13 أكتوبر 2008

تعلمت...




تعلمت ...


تعلمت من هذه الدنيا ألا اشكى همومى لأحد لأن كل انسان له همه ولا يستطيع ان يتحمل هموم الغير


تعلمت ...


تعلمت ان الحياة ليست طويلة مهما طالت ولكنها ايام معدودة فقط


تعلمت...


تعلمت ان الاصدقاء الحقيقيون صعب ايجادهم


تعلمت...


تعلمت ان هذه الدنيا كالرياح يجب ان نقاومها بقوة


تعلمت...


تعلمت ان هذه الدنيا ليست كلها افراح وليست كلها احزان


تعلمت ...


تعلمت ان الصديق الحقيقى يظهر وقت الضيق والشدة


تعلمت...


تعلمت ان الدنيا لا تستحق ان نجرى وراءها وننسى خالقنا


واخيرا وليس اخرا ...


تعلمت ان تقوى الله هى سر جمال الحياة


الجمعة، 3 أكتوبر 2008

جاوب يا حدق...


بسم الله الرحمن الرحيم

اخيييييرا رجعت لمدونتى الحبيبة




والله وحشتونى اوى




وانا بعتذر لانى طنشت المدونة الايام اللى فاتت ديه


بس والله مش بايدى


المهم




تقبل الله منا ومنكم جميعا



كل سنة وانتم طيبين



انا حبيت النهاردة اسألكوا شوية اسئلة كدة



بتخطر على بالى ساعات وبكون محتارة فيها



وعايزاكم تساعدونى فى الاسئلة ديه



وياريت كل واحد يفكر مع نفسه الاول قبل ما يجاوب

ويلا نبدأ





ما هو هدفك الحقيقى فى هذه الحياه؟؟ ياريت تفكر كويس


بتحب وطنك بجد ؟؟ولا دايما تنتقده وتشتم فيه؟؟




انت مؤمن بالله وبالرسول؟؟؟



طيب بتنفذ اوامر ربنا ونواهيه؟؟ بتطبق سنة نبينا؟؟؟



عملت ايه عشان تنصر دينك؟؟



ياترى بر الوالدين عامل ايه معاك؟؟



ماذا تحب من هذه الدنيا؟؟السؤال ده عايز تفكير كتيير اوى



كفاية كده احسن تزهقوا



بس فكروا كويس اوى قبل ما تجاوبوا الاسئلة ديه مش سهلة



ولو بجد لقيتوا الاجوبة ديه


هتكونوا اخذتوا خطوة كبيرة اوى فى حياتكوا



ولا تنسونا من صالح دعائكم

السبت، 30 أغسطس 2008

يلا بينا نغير نفسينا


جاء شهر الصيـام بالبركـات فأكرم به من زائرٍ هو آت

أني رمضـان مزرعـة العبـاد لتطهير القلوب من الفساد

فـأدّ حقوقـه قـولاً وفعـلاً وزادك فاتخـذه للمعـاد

فمـن زرع الحبوب وما سقاها تأوّه نادماً يوم الحصـاد

:::::::::::::::::::::::::::::::

رمضان ....كلنا فى انتظارك

اخييييييييييييييييييرا

رمضان جاااااااااااااااااااااااااااااى

يا سلام

الحسنات هتنزل علينا زى المطر

ونمشى فى الشارع بليل نشوف الفوانيس منورة البيوت

ونلاقى الاطفال عمالين يجروا فى الشارع ويغنوا رمضان جانا اهلا رمضان

يااااااااااااااااااه الشهر ده الواحد مستنيه من زمان عشان يطهر نفسه من الذنوب والسيئات

................

وطبعا كلنا عايزين نستغل رمضان افضل استغلال

فكنت عايزة اقول فكرة يمكن تساعدنا على كسب الحسنات

يعنى كل واحد يقول خططه ايه فى رمضان وهيعمل ايه

وكلنا نشوف هيعمل ايه ونعمل اللى نقدر نعمله

وبكده نكون خدنا افكار جديدة نعملها عشان ناخد ثوااااب

وطبعا دا يا ريت يعنى محدش يكبر ويطنش

لان الفكرة دى اذا مشيت صح هتكون فيها ثواب كتير

دا غير ان الدال على خير كفاعله

وارجو من الجميع المشاركة

..........

ويلا بينا نغير نفسينا

..........

وبداية احب ادعوكم لزيارة مدونة غادة وروفيدة

عشان فيها فكرة هايلة جدا

مش تبخلوا على نفسكم بالثواب

واللينك بتاع المدونة


الأحد، 17 أغسطس 2008

كفاية ....بجد


مش كفاية بقى لغاية كده




مش كفاية تطنيش وتكبير




انا حبيت النهاردة احاول اصحيكوا من نومكوا




وافتح معاكوا موضوع مش جديد




بس موضوع مهم حقا




انه المقاطعة




يا ترى لما عرفتوا ان الموضوع عن المقاطعة افلتوه




ودورتوا على موضوع بيتكلم عن الحب والرومانسية والموضة




والحاجات ديه




يا ريت تبقى اجابتكوا لأ












انا بس عايزة اسأل اللى مش بيقاطع انت مش بتقاطع لييه؟؟؟




وعارفة ان اجابته هاتكون حاجة من دول




1-اصل انا اساسا مش مقتنع بحكاية المقاطعة ديه




2-لالالالا يا شيخة مقاطعة ايه وبتاع ايه غيرى الموضوع




3-اصلى مش اقدر اعيش من غير الشيبسى والبيبسى








والصراحة من رأيى كل ديه مبررات هايفة








تخيل








تخيل نفسك مطارد لا تعيش فى امان








تخيل انك تنام وعدو يقف فوق رأسك








تخيل ان اهلك واصحابك واحبابك قد ضاعوا فى ظلام الطغيان








تخيل ابنك واخيك وابنتك يقفون امام العدو ويضربونه بالحجارة








تخيل انك تسير وفى يدك سكين لانك خائف








تخيل ان الصهاينة يتراهنون لقتل زوجتك و امك وابيك








تخيل تخيل تخيل








ما هو شعورك الان؟؟








هل تسمح بأن تترك امتك تهان ...اخواتك يقتلون ...دينك يبعثر








لا تعليق




ولكن يجب ان تعلم انك يوم القيامة سوف يسألك الله ماذا فعلت لإخوانك فى الاراضى المحتلة




وغيرها




وعندئذ بماذا سوف تجيب؟؟؟








ان المقاطعة هى اقل شئ ممكن انك تساعد بيه اخواتك








الموضوع مش سهل








الاحتلال مش سهل يا امة الاسلام








محتاجين ضمائركم تفيق




محتاجينها بجد








اللهم انى بلغت اللهم فاشهد

الاثنين، 4 أغسطس 2008

فيينك يا ام الدنيا


الصراحة انا مش عارفة ابدأ ازاى

على العموم انا هقول كل اللى فى قلبى عشان الكبت يروح

هههههههههههه

من يومين كده رحنا على مستشفى الجامعة اللى فى الزقازيق

وذلك لأن........

لا داعى لذكر السبب

المهم

الصراحة فى البداية كانت المعاملة كويسة نوعا ما فى المستشفى

وطبعا ده كان بسبب ان معانا وسطة

وبعد كده بدأت المعاملة تكون مش حلوة تدريجيا

وطبعا ده بسبب غياب الوسطة

انا كنت عايزة اشكى المستشفى ديه لأى حد

ومش لقيت غيركوا

اولا مميزاتها

ما شاء الله مميزاتها تتحسد

يعنى تاخد 1 من 10

اما بقى بالنسبة للعيوب

فتاخد 100من 10

والصراحة مش تنفع مستشفى خالص

اولا الممرضات المفروض يساعدوا المرضى وده

مش بيحصل الا بنبح الصوت واشراف الوسطة

وغير كده المستشفى غير نظيفة بالمرة

يعنى تمشى تلاقى جنبك شاش كله دم وقطن

وسرنجات وحاجات تانية مقرفة كتيير

وغير كده الاطباء (مش كلهم طبعا) بيقعدوا ساعات

عشان ييجوا لمريض

وده فعلا حصل معانا لما كنا فى المستشفى ...

كنا محتاجين دكتور ضرورى وفعلا جيه الدكتور

بس بعديها بيوم

بجد والله انا مش بهزر

وكمان ده غير الصوت العالى الصادر من العاملات

والممرضات اللى مش عايزين يعملوا حاجة

وعايزين يستريحوا ويشغلوا المرضى


كفاية كده ..كفاية فضايح


الصراحة ده مثال من مليوون الامثلة

اللى بتدل على ان مصر دولة مش بتمشى الا

بالرشوة والوسطة


كان نفسى بلدى تكون احسن من كده

الثلاثاء، 22 يوليو 2008

اطفال زى العسل..ايه رأيكم



انا زى العسل ......مش كده بردو...

هاتوهالى بجد مش قاااادر جعاااااااان يا جماعة الحقونى

يا ترى السما لونها لبنى ولا سماوى؟؟؟؟!!!!!!


انا الساحر العظيم....شوفتوا طلعت الارنب من الطاقية ازاى...سبحان الله....


كتكوتة وحلوة وامورة ... يا حبيبتى اجمل بنوتة(شبهى بالظبط)ههههههههههه

ايه رأيكم فى النيو لوك الجديد؟؟؟؟؟اكييد جااامد

انا هطلع شيف..وانا كاتب..وانا راقصة باليه..وانا ضابط..وانا معهد دقدق ان شاء الله هههههههههه

الراجل ده بيسرق شعرى...يا ماما الحقيينى...

الأحد، 13 يوليو 2008

الصديق الحقيقى؟؟؟!!!!؟؟؟

ص: الصدق...

د : الدم الواحد...


ي : يد واحدة...


ق : قلب واحد ...

فمن هو الصديق الحقيقي وهل يوجد صديق في هذا الزمان ؟..

الصديق الحقيقي : هو الصديق الذي تكون معه , كما تكون وحدك ..أي هو الإنسان الذي تعتبره بمثابة النفس .


الصديق الحقيقي : هو الذي يقبل عذرك و يسامحك إذا أخطأت و يسد مسدك في غيابك .


الصديق الحقيقي : هو الذي يظن بك الظن الحسن و إذا أخطأت بحقه يلتمس العذر ويقول في نفسه لعله لم يقصد .


الصديق الحقيقي : هو الذي يرعاك في مالك و أهلك و ولدك و عرضك .


الصديق الحقيقي : هو الذي يكون معك في السراء و الضراء و في الفرح و الحزن و في السعةِ و الضيق و في الغنى و الفقر .


الصديق الحقيقي : هو الذي يؤثرك على نفسه و يتمنى لك الخير دائما .


الصديق الحقيقي : هو الذي ينصحك إذا رأى عيبك و يشجعك إذا رأى منك الخيرويعينك على العمل الصالح .


الصديق الحقيقي : هو الذي يوسع لك في المجلس و يسبقك بالسلام إذا لقاك و يسعى في حاجتك إذا احتجت أليه .


الصديق الحقيقي : هو الذي يدعي لك بظهر الغيب دون أن تطلب منه ذلك .


الصديق الحقيقي : هو الذي يحبك بالله و في الله دون مصلحة مادية أو معنوية .


الصديق الحقيقي : هو الذي يفيدك بعمله و صلاحه و أدبه و أخلاقه .


الصديق الحقيقي : هو الذي يرفع شأنك بين الناس و تفتخر بصداقته و لا تخجل من مصاحبته و السير معه .


الصديق الحقيقي : هو الذي يفرح إذا احتجت أليه و يسرع لخدمتك دون مقابل .


الصديق الحقيقي : هو الذي يتمنى لك ما يتمنى لنفسه .


تغير مفهوم هذه الكلمة في زماننا و أصبحت هناك صداقة واحدة تسمى صداقة المصالح لا تتخيل كل الناس ملائكة ... فتنهار أحلامك ... ولا تجعل ثقتك بالناس عمياء ... لأنك ستبكي ذات يوم على ثقتك بهم

الأربعاء، 2 يوليو 2008

الموضة!!!!


مارايك فى شباب اليوم؟


انى اسأل كل الشباب والبنات

هل منكم احد راض على حياتة وعن افعالة وعن مايفعلة؟

هل منكم احد فخور بشىء فعلة؟

كل هذة تساؤلات اريد الاجابة عليها من الشباب انفسهم

فشباب اليوم لايوجد فى حياتة مايفتخر بة ويقول انا عملت حاجة بجد

ولكننا لا ننكر ان شباب اليوم الى حد ما مفروض علية هذا الوضع

لانة هذا هو الواقع ولكنه لا يحاول جادا حتى ان يرفض هذا الواقع

ويحاول بجدية ان يغيره من حولة بل مستسلم له ويتماشى مع رياح التغير

مهما وصلت. ولازم انه يتماشى مع العصر ويلبس على الموضة ويمسك موبيل على الموضة

وعلى فكرة انا لاارفض ذلك ولكنة يكون باعتدال وعشان هو عايز كده

وليس عشان الموضة كده وصحابة كده

ياريت ياشباب اليوم تفكروا شوية فى حياتكم وتحبوها اكتر من كده

ياشباب فكروا بجدية شوية فى حياتكم ومتستسلموش للواقع زى ماهو

وحاولوا ان تغيروا فيه

وبلاش التقليد الاعمى لاى حاجة نشوفها

دلوقتى بقينا لما ننزل الشارع بنشوف البنات والاولاد منهم اللى

بنطلونه ساقط واللى لبسها ضيق اوى وحاجات تانية كتييير

وده كله عشان الموضة

ويارتها كانت موضة عدلة

بس ايه الغرض يعنى لما الولد يمشى بنطلونه ساقط

او البنت لما تكون هدومها ضيقة

ايه الغرض

المشكلة ان احنا بنقلد الغرب وخلاص من غير تفكير

ونسيينا ان عندنا دين

يا خسارة يا شباب


ياريت تفكرو فى كلامى وشكرا






السبت، 28 يونيو 2008

محمد..الدرة


كلمات قرأتها فأعجبتنى فاردت ان اعرف رأيكم فيها

للشاعر حامد بن عبد المجيد

فقال


هذه الأبيات كتبتها وأنا أتذكر منظر رامي !!! - محمد الدرة - ( هكذا بلغني اسمه في ذلك الحين ) ،



ويصرخ ابنيَ المفجوع رامي : ....

تدرّع يا أبي فهناك رامي
أُعلله ، أُلحّفه الحنايا ....

أُحصنه ، أدرّعهُ عظامي
ورامي يطلق الصرخات حولي ....

فتنهره رصاصات اللئام
أصيح تجنبوا طفلا صغيرا....

رويدكمو ، ألسنا في سلام؟!!
فتضحك مني الطلقات غدراً ....

تجاوزني ، وتسكن في الغلام
فديتك يا بني ألا تجلّد ....

سيأتي المسلمون للانتقام !!
وتنهشني رصاصات فأغفو...

ولكن همي المكلوم رامي
بُنيّ ! بُنيّ ! أرمُقه بعيني....

وتختلط الدماءُ مع الرغام
بُنيّ ! بُنيّ ! أسحبه لحجري ....

أقلبه ، ومنه الرأس دامي
فيرمقني ، ويخلد في سبات....

أكلمه ، ولكن مات رامي !!

الخميس، 26 يونيو 2008


حسبنا الله ونعم الوكيل.....ربنا ينتقم منهم....
دعوات تردد على كل لسان
بسبب مهازل الثانوية العامة

وشكاوى الطلاب لا تنتهى
لقد كانت امتحانات هذه السنة من اصعب امتحانات الثانوية العامة
خصوصا امتحانات الرياضة بفروعها
لقد اثرت هذه الامتحانات فى الطلبة تاثيرا سلبيا
فمنهم من انتحر ومنهم من توفى نتيجة صدمات عصبية
ومنهم من اصيب بشلل ومنهم من اصيب بانهيار عصبى
ومنهم من اصيب بالاكتئاب
ولقد تحطمت طموحات الطلاب فمن المستفيد؟
هل هى الجامعات الخاصة ام ماذا
والذى اثبت صعوبة الامتحانات تعاطف المدرسين
مع الطلاب وعدم مقدرتهم على حل الامتحانات اساسا
ولقد علمت اليوم ان المعلمين اضربوا عن تصحيح امتحان الاحصاء

نظرا لتعدد نماذج الاجابة والاضطرابات الاخرى

لا نستطيع قول شئ سوى

حسبنا الله ونعم الوكيل

حسبنا الله ونعم الوكيل

الاثنين، 23 يونيو 2008

الحياة...


رغيف خبز يابس تأكله فى عافية

وكوز ماء بارد تشربه من صافية

وغرفة ضيقة نفسك فيها راضية

ومصحف تدرسه مستندا لساريه

خير من السكنى بأبراج القصور العالية

وبعد قصر شاهق تصلى بنار حامية


ايه رأيك ...

بتفضل انك تعيش بسيط مرتاح

ولا تعيش غنى مهموم

الأحد، 22 يونيو 2008

نكت على زوقى




شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟




مرة مذيعة أتجوزت واحد شخصيته مهزوزة ... ركبتله أريال




مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته
مرة فيل اتجوز نمله وبعد ايام زهق منها فقالها انتي طالق فقالتله والفيل اللي في بطني


مسطول راح المحكمه القاضى بيسأله انت متجوز مين؟قاله متجوز واحده ست القاضى:انت بتهرج هو فى حد بيتجوز واحد راجل
المسطول:اه اختى


واحد رخم عرف ان الاموات بتحس وتسمع باللى بيحصل حواليها راح الترب و شغل الكاسيت على العالى باغنية الحياه حلوه


واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك اتغير قوى يا محمد رد عليه وقاله انا مش محمد قاله ياه وكمان غيرت اسمك

طفل يعرب كلمة فلسطين

طفل يعرب كلمة فلسطين إعرابا تدمع له العين ... فلسطين واقع مرير وهى فى حقيقتها ارض شاهدة لصراع الحق والباطل على مر العصور وان كنا نغفل عنها بين الحين والحين فهناك أطفال نمت (فلسطين) فى داخلهم وتملكت مشاعرهم فأصبحت جزءا من كيانهم لا يتجزأ ونحن يمتلكنا الخجل لاننا أصبحنا عجائز فى زمن الرجال ... وهذه قصة بطلها رجل الا انه يلبس ثوب الأطفال ليكون دليل الادانة لرجولتنا التى وأدناها وأد الأنثى فى جاهليتنا.
قال الأستاذ للتلميذ .....
قف وأعرب يا ولدي:"عشق المسلم أرض فلسطين"
وقف الطالب وقال:الأول: فعل مبني فوق جدار الذل والفاعل: مستتر في دولة صهيون
والمسلم: مفعول!! بل مكبل في محكمة التفتيش
وأرض فلسطين: ظرف مكان مجرور قصراً مذبوحٌ منذ سنين
قال المدرس: يا ولدي مالك غيرت فنون النحو وقانون اللغة؟؟؟
يا ولدي إليك محاولة أخرى ....
"صحت الأمة من غفلتها"أعرب..
قال التلميذ ....
الفعل: ماضي وولى ... والمستقبل مأمول
والتاء: ضمير تخاذل ... ذلٌ وهوان
الأمة: اسمٌ كان رمز النصر على أعداء الإسلام
أما اليوم فقد بات ضمير الصمت في مملكة الأقزام
وحرف جر الغفلة ..... غطى قلوب الفرسان
فباتوا للدنيا عطشىوشروها بأغلى الأثمان
الهاء: نداء رضيع ... مات أسير الحرمان
قال المدرس: مالك يا ولدي نسيت اللغة وحرفت معاني التبيان؟؟؟
قال التلميذ: بل إيمان قلْ .... وقلبٌ هجر القرآن
نسينا العزة .... صمتنا باسم السلم .... وعاهدنا بالاستسلام
دفنا الرأس في قبر الغرب .... وخنا عهد الفرقان
معذرة حقاً أستاذي
فسؤالك حرك أشجاني
وألهب وجداني
معذرة يا أستاذي .....
فسؤالك نارٌ تبعث أحزاني وتهد كياني ...وتحطم صمتي ...
عفواً أستاذينطق فؤادي قبل لساني
عفواً يا أستاذي؟؟؟؟؟؟

تحيااااااااتي





احييكم وبكل رخامة من كل قلبى ...........

واكيد واكيد مدونتى هاتعجبكم...........

وعلى فكرة للعلم فقط مش غرور ولا حاجة انا هنال
جائزة نوبل على المدونة ديه........

وتحياتى لكل المدونين

اصغر مدونة فى مصر
ريحانة الاسلام