السبت، 12 ديسمبر، 2009

حد يجاوبنى..بليييز


هوه الانطباع الاول بيدوم فعلا؟؟؟

هوه ليه الواحد بيحس بالندم بعد ما يعمل حاجة غلط؟؟؟

وهوه كل الناس كده؟؟؟

ليه الانسان طماع بطبعه ؟؟؟؟

ليه بنحب ناس ونكره ناس تانية؟؟؟

ليه بنستنكر على الناس يعملوا حاجة معينة؟؟

مع اننا اوقات بنعملها!!!!

ليه دايما فى اخر الفيلم العربى ابن البواب يتجوز

بنت الوزير؟؟؟؟

ليه لما نلاقى حد ماشى يغنى فى الشارع

نقول عليه اصله رايق؟؟طيب واحنا ليه

مش رايقين؟؟

لييه دايما بنقول على المدارس مرمطة ؟؟

مع انى بحس انها احلى مكان يجمعنى بصحابى!!

ليه انا قاعدة اكتب الكلام الغريب ده؟؟؟؟!!!!!!!!!!


الجمعة، 23 أكتوبر، 2009

الحب..ولكن


ما اجمل ان اعيش قصة حب
ما اجمل ان اسرح بخيالى فيمن احب
ما اجمل ان تسمع اذنى همسات من احب
ما اجمل ان اسمع واعيش مع اغانى الحب
ما اجمل ان اشعر بان هناك من يهتم بى
ويشعر بى ويسأل عنى
ما اجمل ان احب واشعر ان هناك من يحبنى
ما اجمل ان نتبادل النظرات المحبة
ما اجمل وما اجمل وما اجمل...
ولكن......

ما اسوأ ان اعصيك ربى
وما اسوأ ان اعلم انى اعصاك ولا اخافك
وما اسوأ ان اعيش حلم اعلم ان نهايته سوداء
وما اسوأ ان اضيع حياتى فى معاصى بلا توبة
ربما الحب يهوى بنا احيانا..

اذا لم يكن فى وقته...

ربما الحب جميل ولكن حبى لك ياربى اجمل

حقا....من ترك شيئا لله عوضه الله خير منه

الاثنين، 28 سبتمبر، 2009

كلمة هزتنى


جدو قالى فى مرة
انا بكره ايطاليا
عشان اخدت منى
حبايبى
وبكره كل الدول العربية
عشان اخدت
ولادى منى
وسكت شوية
وقال
انا بكره مصر
عشان خلت ولادها
يطلعوا بره
ويسيبوها
ساعتها ملقتش كلام اقوله
وسكت....
بس بعدها لما فكرت فى كلام جدى
حسيت ان كلامه عايز يقول
ليه يا بلدى تفرطى فى ولادى وولادك
... امنية حياتى
انى اشوفك يا بلدى احلى

ومهما حصل
بحبك يا بلدى
والله بحبك
وهفضل احبك لحد ما اموت

الأحد، 20 سبتمبر، 2009

العيد فرحة هيييييييه


كللل سنة وانتو طيبييييييين مبسووووطين وفرحاااااانين
عيييييييييد سعييييييييييييد
الواحد فرحااااااااااان جداااااااااااااااا
عشان رحنا نصلى العيد هنا (ايطاليا)
ولاقينا كم هاااااائل
من الناس ومن كل الجنسيات
ما شاء الله

والحاجة الحلوة بقى ان فى اربعة ايطاليين
اسلموا
وواحد قرأ الفاتحة فى المايك
والكل كان مبسوط جداااا
الحمد لله
..^_^
وباركولى بقى يا ناس عشان خلاص
نازلة بلدى مصر بكرة (التلات)
ان شاء الله
اكييييد هنور مصر ^_^ ههههههههه
مش اوى يعنى
^_^...^_^
وكل سنة وانتو طيييييبيييين
بس مش تنسونى بالعيدية بقى

الخميس، 10 سبتمبر، 2009

اللهم بلغنا ليلة القدر

اللهم بلغنا ليلة القدر....يارب

الجمعة، 4 سبتمبر، 2009

ليه يا نفسى ليه..


جربت قبل كده تقف قدام نفسك

وتحاسبها....

وتسألها انا مين؟؟وعملت ايه فى

حياتى؟؟وهوه انا ليا قيمة اصلا

ولا لأ.......

جربت تبص فى عينيك وتعاتبها

وتقولها ليه عملتى فيا كده..

وليه؟؟ ليه مش قادر عليكى

لييه يا نفسى مش قادر اقاومك

ليه يا نفسى بس لييه

.....

ليه خليتى اللى معايا ضدى

ليه عمتينى عن الحق

ليه يا نفسى ليه

ليه بس حرام عليكى

ليه.....

..قبل ان تحاسبوا..


الجمعة، 28 أغسطس، 2009

اكرهك وما اكره سواك

اكرهك ايتها السيجارة المميتة
اكرهك واكره دخانك
واكره رائحتك عندما تنطلقين
من فوه ابى
وليس ابى فقط
ابى وجدى وهذا وذاك
وكل من استسلم لكى
انكى مرض وليس بأى مرض
انكى لشئ حقييييير
حقا اكرهك
حقا اريد الانتقام منك
حقا اريد الا يستسلم لكى ابى مجددا
حقا اريد ان اقتلك
وكل يوم يزيد كرهى لكى
انكى من سرقتى منا هذا وذاك
ولم يتعظ منكى الاخرين
بل ادمنووووووكى
حقا اكرهك
اكره عندما يحملك ابى
وكأنما يحمل شيئا مصيريا
اكره عندما تذوبين فى فوه
الصغار
اكره عندما يختلط سمك بهوائى
فيتسلل الى رئتى ويدمرها
اكره كل ما فيكى
اكرهك واتمنى ان تزوووولين
اتمنى ان يدرك الاباء جرم
ما يفعلون بهذا السيجار المميت
لعلهم لم يدركوا ما يفعلوا
ولكن
اتمنى ان يهجرووووها
لأنها لا تستحق السعى اليها
لأنها حقييييييييرة
قاااااتلة
ممييييييتة

الجمعة، 21 أغسطس، 2009

رمضانك يامصر..رمضان شارعنا


رمضااااااااااان السنة دى هيغير كل حياتى

رمضان..رمضان..رمضان..رمضان

كل سنة وانتو طيبين يا احلى واجمل ناس


الصراحة انا مش عارفة اكتب ايه ولا ايه


الواحد فرحان فرحة فظييييعة برمضان


بس النهاردة نفسى احكيلكم وافضفضلكم


على رمضان شارعنا ايوة والله رمضان


شارعنا


كل سنة بتعدى علينا فى رمضان بنتجمع


قبلها بيومين كل الحتة بتتجمع


بنات وولاد واطفال وشباب


ونتفق كلنا نجيب زينة وفوانيس طبعا


عشان نزين الشارع


وفعلا بنلف على البيوت نلم الفلوس


والناس بتبقى فرحانة جداااا


وهيه بتدينا الفلوس


ياااااااااااااااه كانت ايام تحححفة


وبعدها الاولاد يروحوا يشترولنا


الزينة والفوانيس


ونسهر لحد الفجر فى الشارع بنعلق الزينة


وكلنا شغالين مع بعض


والكل فرحاااان يااااااااااااه احساااااااس رائع


واول يوم فى رمضان ننزل كلنا بالفوانيس


ونجرى فى الشارع ونغنى حالو يا حالو


ونتجمع قبل المغرب بشوية نصبر بعض


هههههههههههه ايام ما كنا صغيرين بقى


ولما كبرنا شوية وبقينا بنروح الدروس


فى مواعيد الفطار..بقينا نرجع فى الشارع


والمغرب يأذن علينا ونلاقى شباب شارعنا


واقفين بيوزعوا تمر على الناس الماشيين


والعربيات


والفرحة مالية قلوبنا


وبعد الفطار نتجمع كلنا عشان نروح التراويح


ونرجع مع بعضنا


ونتفق على التهجد ويا سلام على العشرة الاواخر


دايما نفكر بعض ونروح المسجد نعتكف لغاية الفجر


ونتسابق نشوف مين هيختم قبل التانى


ياااااااااااااااااااه


بجد كانت ايام جميييييلة


بجد رمضان مصر مفيش زيه


ربنا ياااااااااارب يجمعنا فى الدنيا على خير


وفى الاخرة على خيير


وكل سنة وانتو طيبيييييييييييين ^_^

الخميس، 6 أغسطس، 2009

امتى هتكون بنى ادم؟؟!!

هتكون بنى ادم لما ترضى ربنا
هتكون بنى ادم لما ترضى ضميرك

هتكون بنى ادم لما تكسب نفسك
كفاية كده ..ضيعت فرص كتييير من ايدك
اكسب نفسك بقى ومتفرطش

اوعى تبيع ضميرك

اوعى تخسر نفسك

مترجعش عن مبادءك لأنك هتخسر كتتير
اوى

وهنفضل نسأل نفسنا

امتى هكون بنى ادم؟؟!!

الاثنين، 13 يوليو، 2009

صورتين وبس..مش اتنين بس اوى يعنى..تصويرى

الغروب ...عظيم الغروب

احلى وردتين لأحلى قلبين

سحاااب سحااب يعنى

غالبا دى عبارة عن شجرة
هدية كل محب ..بحب الصورة دى اوى

دى بقى صورة المنتخب المصرى وهوه ساجد بعد ما غلبنا ايطاليا..
مصوراها من جريدة ايطالية


السما..شكلها غريب شوية مش كده !!

خضرة..نور..حياة


تقريبا دى كلمة محمد..صورتها من السما..وده السحاب بردو
الريف الاوروبى..ايطاليا بالتحديد

الأحد، 5 يوليو، 2009

ونظرت....



ونظرت الى عينيها وهى تبكى وتحاول ان تدارى الدموع
وتقول لى لا تتركينى هنا وحدى بين شحناء الجموع
لم أكن أدرى ماذا اقول فعيناها بالدمع كانت تنوح
كانت تشير إلىّ بعينيها وتتمنى الرجوع
......
ولكن قدر الله ان تفرقنا الايام
وأذهب وأسافر فى ارض الانام
ونلتقى بعد كل هذه الاعوام
وأجدها وقد ملأت عينها بالأحزان
ففراقى لها لم يترك فى قلبها سوى الالام
لم أكن اقصد هذا فهذا قدر الرحمن
لم أكن أقصد هذا صدقينى فوالله انتى اغلى الاحباب
صديقتى..قد ع
دت لكى فلنبقى معا فى درب الحياة
فلنبتسم ..فما عاد للأحزان من باب
صديقتى..لا تتركينى فإنى من بعدكِ ليس لى حياة
ليس لى حياة ....
بيتين كده كتبتهم لصحابى بعد ما حسيت بقيمتهم بجد
ربنا يخليهم ليا يارب..يارب

الجمعة، 26 يونيو، 2009

اخيرا رحت المسجد



السلاام عليكم ورحمة الله وبركاته
وحشتونى جدا ..بجد متتصوروش فرحتى
وانا بكتب البوست ده
اخييييرا رحت المسجد
ايون النهاردة رحنا كلنا المسجد نصلى الجمعة
وكانت اول مرة اروح مسجد هنا
والصراحة مكنتش متوقعة انى الاقى حد هناك
والمفاجأة انى لقيت سبحان الله عدد كبير جدا
ما شاء الله بجد ومن كل الجنسيات
بجد فعلا زى ما الرسول عليه الصلاة والسلام
قال: الخير فى وفى امتى الى يوم الدين
سبحان الله الصراحة انا انبهرت وفعلا
بجد فهمت قد ايه الاسلام ده عظييم
يعنى كل الناس دى مبتتجمعش غير فى الصلاة
فى المسجد....
كما قال الصحابى العظيم عمر بن الخطاب
نحن قوم اعزنا الله بالاسلام فاذا ابتغينا العزة
بغيره اذلنا الله
الحمد لله بجد على نعمة الاسلام
فعلا اليهود والمشركين ليهم حق يحسدونا على
تجمعنا وقت الصلاة وصيامنا مع بعض فى
وقت واحد وفطارنا مع بعض بردو فى وقت واحد
الحمد لله .
ومن احلى الحاجات اللى فى المسجد ان مش كل اللى
هناك عرب لا دا فى هناك ما شاء الله ناس
ايطاليين وناس من اوروبا ومسلمين
وكلنا بيجمعنا ...الاسلام..الحمد لله

الجمعة، 19 يونيو، 2009

نعكشة فراااخ


الصراحة فى الحقيقة انا مش عارف اكتب اقول ايه

بس فى مليون حاجة فى دماغى فقررت الموضوع

ده اكتب فيه من كل حاجة حتة

يعنى بالظبط نعكشة فراااااخ

اولا مبرووووووووووووووووووك لمصر

حبيبتنا الحمد لله فزنا اخيييرا بعد ماتش بجد

وهمى وراااائع

ثانيا احب اقولكم انى الحمد لله وصلت بالسلامة

ايون وصلت هنا من هنا احدثكم من قلب الحدث

من ايطاليا هههههههه

وكمان شفت الماتش هنا والمصريين كانوا عاملين

شغل جاامد هنا وقعدنا بقى نشغل اغانى بصوت

عالى ونطبل ونردد الاغانى بس بجد الماتش هنا

كان ليه طعم تانى خااالص

ثالثا اخيييييييييرا جبت النتيجة والحمد لله عدت على

خيير ومبروووووووووووك لكل اصحابى وحبايبى

رابعا عايزة اقول وحشتونى بجد يا اهلى ويا اصجابى

وحشتونى والله بجد ووحشتنى مصر

بلدى وان جارت عليا عزيزة

الاثنين، 8 يونيو، 2009

شكرا بجد




رسالة شكر بوجهها للامن اللى كان

سبب خروج شخص عزيز علينا بره

مصر ومش للامن بس
للامن ولكل اللى شارك فى الامر ده

شكرا ليكم يا اللى طردوا اعز الناس لينا

شكرا يا اللى حرمتونا من شخص غالى علينا

شكرا بجد شكرا
يعنى بعد ما نلاقى اللى ياخد بايد الشباب وايدنا
تعملوا فيه كده

بعد ما خلاص حال البلد وحالنا كان هيتظبط
بس انتو اللى مش عاوزين كده

شكرا يا اللى بجد بتحبوا البلد وخايفين على مصلحتها

شكرا يا اللى بتخدموا البلد بجد

لا يسعنى سوى قول شكرا لكم
...
حسبنا الله ونعم الوكيل
اقدمى اسفى للاستاذ عمرو خالد لما حدث

له فى بلده
وارجو ان يكون بخير

الجمعة، 29 مايو، 2009

baaack


السلااااااااااااااااااام عليكم

وحشتونى وحشتونى وحشتونى مووووت

بجد انا مش مصدقة انى خلاص اخدت افراااااااج

ايوة افراااااج بمعنى الكلمة

خلاص وداعا للمذاكرة ..وداعا للكتب الكتييير اوى اللى

قطعناها اخر يووم...وداعا للمساترة

اخيرا اخدنا نفسنا

مش معقول

بغض النظر ان الاسبوع اللى فات كان مليان بالاحداث

الصعبة والغريبة

وبغض النظر عن تسريب الامتحانات وغيره

الحمد لله خلصنا

واخيرا هرجع للمدونة تانى

وبجد وحشتووووووونى كلكم

وانا اسفة انى مردتش على التعليقات اللى فاتت

عشان كنت مشغولة بالامتحانات

المهم دلوقتى انى خلاص فضيت بقى للمدونة بتاعتى

^-^ ^-^ ^-^

الجمعة، 24 أبريل، 2009

نفسى ارجع تانى


نفسى اغمض عينى وافتحها الاقى كل حبايبى جنبى

نفسى الاقى الخير فى قلبى

نفسى اكون انسان تانى

,,

نفسى اغير كل حياتى

وانسى اوجاعى واهاتى

ياما نفسى تتحقق احلامى

,,

نفسى انسى اى جرح فى حياتى

وامحيه من قلبى وذكرياتى

,,,,,,,,

انا نفسى ارجع زى زمان لما كنت صغيرة ومش فاهمة

وعايشة الحياة عادى زى ما تيجى تيجى

ونفسى ارجع لنفسى واقعد معاها واحاسبها

وارجع اشوف حياتى

ونفسى اقفل باب الحزن ومفتحلوش

مهما حصل

نفسى ارجع البنوتة المبتسمة للحياة على طوول

والمتفائلة دايما

نفسى ارجع لحياتى وللمود بتاعى

السبت، 18 أبريل، 2009

ما احلى المشاكل !!


يمكن استغربتوا من العنوان شوية

فعلا بجد والله ما احلى المشاكل
لو فكرنا كده شوية هنلاقى ان المشاكل دى نعمة من ربنا
مش نقمة زى ما احنا فاكرين

اولا فوائد المشاكل:
1- بتخلينا نرجع لربنا ونكون قريبين منه اوى
2- بتشغل تفكيرنا وعلى الاقل بنفكر فيها احسن من لما نكون مش بنفكر اصلا
3- لما بتتحل المشكلة بنحس بسعادة كبيرة اوى
يعنى من الاخر ليها فوائد احنا مش واخدين بالنا منها
واصلا الحاجة اللى احنا بننساها ان ربنا مش بيعمل حاجة وحشة لينا ابدا
يعنى كده كده المشاكل ديه فيها خيير لينا
.....
انا كتبت البوست ده عشان اقول اننا لازم نفكر فى اى حاجة بطريقة ايجابية

مهما كانت

والله لو عملنا كده فعلا حياتنا هتتغير للاحسن

لازم يكون عندنا تفاؤل وامل وحيااااة

لازم نعيش صح

ديه وجهة نظرى واختلاف الرأى لا يفسد للود قضية انتو ايه رأيكم بقى

الجمعة، 10 أبريل، 2009

شوية مواقف محرجة موووت


لما تكون ماشى فى الشارع ولابس بقى اللى على الحبل

وكله تمام وفجأة تتكعبل فى زلطة هههههههه ياااه بتبقى جاحة محرجة اوى

ويا سلام بقى لما تيجى تقوم تتكعبل فى رجلك وتقع تانى ههههههههههههه

.........

لما تقول نكتة ومحدش يضحك عليها وانت هتموت من الضحك

واصحابك يقعدوا يبصولك ويستغربوا !!! ههههههههههه

.........

لما تكون ماشى فى الشارع مع اصحابك والعصر اذن عليكو مثلا يعنى

ورحتوا مسجد عشان تصلوا ...وقمت وانت داخل وبتقلع الدزمة لقيت الشراب

فيه فتحات تهوية هههههههههههههه

.........

لما تشبه على حد جاى من بعيد وتفضل تقرب منه اوى وتاخده بالحضن

وفى الاخر تطلع متعرفهوش ههههههههههههه

.........

لما تكون قاعد فى البيت ومستنى اخوك ييجى من بره

وفجأة لقيت الجرس ضرب فروحت قعدت ترخم وتقول مش فاتح

وتستهبل وتقعد تقول مش عايزين لبن النهاردة

ولما فتحت لقيتها بنت الجيران هههههههههههههه

الأربعاء، 25 مارس، 2009

احساس من القلب


احساس

لما تلاقى نفسك وحيد ومش عارف انت صح ولا غلط

لما تحس انك ضايع تايه غلبان ضعيف محتاج
لما تحس انك نفسك تعيط ومش قادر

لما تلاقى نفسك مش عارف حاجة خالص

لما تحس انك نفسك تاخد نفس عمييق وتنام من غير ما تصحى

ولما تقول هفوق تلاقى نفسك بتغرق

مش عارفة ليه الحياة كده كلها مشاكل

بدوون راحة

يا الله

ارحمنى

يارب

الأربعاء، 4 مارس، 2009

وحشتنى اوى ايام زمان


وحشتنى اوى ايام المدرسة وايام الدراسة

مش تستغربوا وتقولوا مانتى بتروحى المدرسة كل يووم

لا انا مش بروح ولا حد من زمايلى بيروح عشان احنا اعدادية

ومفيش اعمال سنة واصلا مفيش اماكن لنا فى المدرسة

المهم يعنى

وحشتنى اوى ايام الشقاوة واللعب

وكمان اصحابى والفصل بتاعى

ياااااااااااه دى كانت ايام حلوة اوى والله

قول للزمان ارجع يا زمان

يا سلام بقى لما كنا بنعمل رباطية على المدرسين

ونعمل اللى احنا عايزينه هههههههههه

ولما كنا بنجنن التربية العملى ونطلع عينيهم

وكنا دايما لما نحتج على حاجة نروح للمديرة

شلة مع بعض ونقولها احنا عايزين اييه

والله كان لينا شخصية فى المدرسة

ويا سلام بقى لما كنا بنتأخر على المدرسة

خصوصا لما يكون علينا حصة رياضة فى الاول

كنا بنتطرد ههههههههههههههه

وكنا نقعد بقى فى الهواء الطلق نشم شوية هوا

عادى جداااااااااااااا

ولما يكون حد فى الفصل تعبان او متضايق

الفصل بينقلب ولازم الكل يساعد

ولما يكون عندنا حفلة ياااااااااااه بيبقى يووم جاامد

بناخد اليووم من اوله حفلة ونقعد بقى نعمل بروفات

وتجهيزات

بجد بجد بجد وحشتونى يا كل اصحابى بجد

كفاية اننا كنا لما بيحصل بيننا حاجة كنا بنقول لينا

فصل واحد يلمنا

دلوقتى بقى لنا الذكرياااااااااااااااااات

الاثنين، 23 فبراير، 2009

قربت اكون مصرى


قربت اكون مصرى......
والله يا جماعة العبارة ديه زعلتنى اوى لانها اتقالت فى موقف غلط
يعنى بصراحة
لما كنت انا واصحابى بنتكلم عن تنظيم الوقت وكده يعنى
لقيت واحدة منهم بتقول انا المواعيد عندى بايظة خالص
انا خلاص كده بقى قربت اكون مصرية بجد
الصراحة انا استغربت اوى
وكمان اتضايقت اوى لما قالت كده
احنا ليه كده دايما لما بنعمل حاجة غلط
لازم نقول اصل مصر...اصل مصر...
دى بلادنا يا جماعة لازم نحس
بقيميتها
مش عشان عندنا شوية مشاكل تبقى
مصر وحشة
والحاجة كمان اللى بسمعها كتيير
بس بردو بتضايق منها
يا عم دا احنا فى مصر
عايز اييه يعنى!!!!
يعنى مثلا اى سلوك غلط او اى حاجة وحشة تحصل
تتقال العبارة ديه
بجد يا جماعة لازم نرجع نحس بقيمة الوطن
ونرجع نحس بالانتماء الذى بدأ يغيب عن ناس كتيير

الثلاثاء، 10 فبراير، 2009

النتيييجة وصلت..


فرحاااااااااااااااااااااااااااااااانة الحمد لله

اخيرا ظهرت النتيجة

وجبت نتيجة حلوة الحمد لله

وحققت جزء كبير من هدفى الحمد لله

بجد ....من اكتر الحاجات اللى بتفرح الانسان انه يحقق هدفه

اللى تعب علشانه وسخرله حاجات كتيير عشان يحققه

فعلا الواحد مش بيحس بالحياة

الا لما يعمل حاجة صح

ويحس بقيمته فى الحياة.

اما بعد....

النتيييجة وما ادراكم ما النتيجة

كان يوووم صعب اوى عليا وعلى كل اللى قدى

احنا قعدنا 3 ايام على النت عشان نشوف النتيجة

عشان كل يووم كنا بنسمع اشاعة انها هتطلع النهاردة

وكنا بنصدقها رغم اننا عارفيين انها اشاعة

وكنا على اعصابنا

لغاية ما جه اليوم الموعود

وجت النتيجة واصابتنا حالة غريبة

كنا نضحك ونبكى ونغنى و...و....فى وقت واحد

لا اعرف كيف

ولكن هكذا تكون الفرحة!!!!!!!

الأربعاء، 4 فبراير، 2009

سلامى لمن جرحنى


حقيقة لا اعرف ماذا اكتب

ولكنى احسست برغبة كبيرة فى الكتابة حتى اخرج ما بداخلى

فبداخلى نار لا يقوى على اطفاؤها شئ حتى المياه

للاسف لقد فوجئت باقرب الناس لى

يخونوننى

للاسف لقد علمت امس ان اقرب صديقاتى الى

قد كانوا سرابا ولم يكونوا حقيقة

فانى اوجه اليهم شكرا بالغا

فانى اقول لهم اشكركم يا من جرحتونى

بعمق

لقد اصبحت الان تائهة فى طريق ملئ بالشوك

لا ادرى اين المخرج

انه لاحساس صعب حقا عندما تدرك حقيقة كهذه

فالصديق اقرب الناس الى صديقه

هما روح واحدة

وقلب واحد ومشاعر واحدة

ولكن

اذا ظهر غير ذلك

انقلبت الموازين واصبح الصديق عدو

والعدو صديق

_-_-_-_-_-_-_-_

يارب يارب يارب

هون علينا المصائب

الجمعة، 30 يناير، 2009

عودة بعد تعب كبيير


السلام عليكم

وحشتوووووووووووووووووونى بجد

انا مش عارفة انا قدرت ابعد عن المدونة المدة دى كلها ازاى

انا جواية كلاااام كتييير مووووت عايزة اتكلم فيييه

ولكن هصبر شوية

المهم طمونونى عليكم كلكم

انا لسة واخدة الاجازة امبارح وجواية حماسة كبيرة

عشان اعمل حاجة مفيدة ان شاء الله فى الاجازة ديه

وعايزة حضراتكم تقترحوا عليا

اعمل ايييه؟؟؟

واخيرا وليس ااخرا احب اوجه سلامى لكل المدونين

خصوصا غادة ورفيدة وبذرة امل وكل شلة جروب الاسلام

وكل الباقيين

وبجد انا مستنية اقتراحاتكم