الأحد، 24 يوليو 2011

عودة السباعى!!


عاجل : السباعى يعود إلى المكتب الفنى للطب الشرعى



تفاصيل الخبر:


وكان السباعى قد أقصى من منصبه كبيرا للأطباء الشرعيين


إلى مساعد كبير الأطباء الشرعيين لمنطقة شمال سيناء والقناة


، قبل شهرين


، بعد اتهامه بتغيير الصفة التشريحية لشهداء الثورة.


واللى ميعرفش السباعى


احب افكركم ان السباعى ده هو اللى قال على خالد سعيد الله يرحمه


ان مات بلفافة بانجو

............................

ايـــــــــــــــــه يا مصر

وجعتيــــــــنى اوى

حرام عليكى

ليه مصّرة تبقى كده

كل ما اقول حالها هيتعدل

الاقى الكفة مايلة

تعبـــــــــــــــــــــــــــــــــــــــــت بقى

أرجووووووكى تفوقى وتلمينا

قبل ما نتجنن ونهج او نولع فى نفسنا

........

نفسى اقولك يا بلادى

وأحسها

نفسى احس فيكى

بالوطن

بالسكن

بالامل
...

شدى حيلك يا بلد.. الحرية بتتولد

مش هنخاف مش هنطاطى ..احنا كرهنا الصوت الواطى

افرحى يامو الشهيد.. كلنا خالد سعيد

ااااااااااااااااااااه يا بلدنا ..يا تكية .. سرقوكى الحرامية

فاكرة؟؟

فاكرة صوتى كان مجلجل فيكى ازاى

لما نزلت من بيتى عشانك

فاكرة صرختى بدمعتى لما كنت بقولك

ضحكوا علينا وقالو تغيير..قتلوا اخواتنا فى التحرير

فاااااااااكرة..ولا لأ؟

حرااااام عليكى بقى..والله العظيم بجبك يابلادى

وحاسة بالقهر

حاسة بالظلم

احساس مر

احساسى بإنى مش قادرة اجيبلك حقك يا خالد قاتلنى

انتى ليه مش عايزانى افرح

كنت فاكرة ان بعد الثورة دى خلاص

هعيش فى جنة

ليه بترجعى للظلم تانى وبتموتينى

ااااااااااااااااااااااااااااااااه يا بلد
...

السباعى رجع ومش بعيد الاقى بكرة جمال بيحكمنا


معدش شئ فيكى مستبعد


طنطاوى .. زيهم


وايوه بكرهه..ونفسى يبعد عنك بقى

...

حاسة إنى عايزة اشوف خالد سعيد

واقوله

ياخالد انا اااااااااسفة

سامحنى

معرفتش اجيبلك حقك

ساااااامحنى ارجوك

سامحينى يامو خالد

مقدرتش اجيبلك حق ابنك اللى هو اخويا

عايز ابوس ايد كل أم شهيد

واقولها ارجوكى سامحينى

كنت بحلم ارجعلك حقهم

واريح قلبك بس

فشلت
:((((((((((((((((((((



..

ملحوظة :

مين اللى ليه سلطة فى البلد يرجع واحد زى ده ؟؟

كلنا عارفين انه مش شرف

وإنه أكيد المجلس العسكرى

المجلس العسكرى اللى هو مش الجيش

لان الجيش والمجلس العسكرى مش حاجة واحدة

..

شكرا يا ثوار ياللى قعدتوا فى بيتكم وسيبتونا تحت ديكتاتورية

النظام الفاسد اللى لسة مسقطش

سبتونا تحت رجلين طنطاوى

وكلنا عارفين ان اللى ماسك البلد دلوقتى هو طنطاوى

شكرا لكم..:(((

الجمعة، 22 يوليو 2011

:)


اجمل حاجة فى اوروبا والدول المتقدمة

ان فيها نظام

ان فبها احترام للاخر

ان فيها تقافة

حياة

اخلاق

يعنى من الاخر

كل مقومات النهضة

الحياة فيها حلوة

بس مفيهاش دفا مصر

مفيهاش جدعنة ولاد البلد

مفيهاش نخوة جدودى

مفيهاش طنط حشرية اللى بنقعد نضحك

عليها عالفطار

مفيهاش عم احمد اللى بيلف بالفول ويصحينا

الساعة 7 الصبح

مفيش تيتة هنا ولا حتى رخامة ولاد خالاتى

مفيش دفا الزحمة فى وسط البلد

مفيش ميدان

مفيش كشرى يا جماعة

مفيش صوت اذان

..

هنا فى الغربة فيه حياه حلوة

بس مفيش وطن

.......................

بالمناسبة بقى بما انى كنت فى تانية ثانوى

والنتيجة طلعت

فالحمدلله جبت 98
..
^______^

الأربعاء، 13 يوليو 2011

فلترقدِ فى سلام..سلمتى


سارة..لدى موعد سأعود بعد ساعتين لا تقلقى...

حسنا.. لا تتأخرى ...انتظرك...

حسنا..سلام...سلام

مرت ثلاث ساعات ولم تعد الى المنزل

خفت عليها كثيرا

-اختى الصغيرة التى لا زالت فى العشرين من عمرها

وانا التى اكبرها بسنتين-

بدأت تمطر واصبح الظلام حالك

زاد قلقى وخوفى عليها..

حاولت الاتصال بها ولكن هاتفها مغلق..

قطعت كل السبل لمحاولة الوصول اليها

نظرت فى الساعة واذا بها الحادية عشر

لم اتمالك نفسى وارتديت معطفى ونزلت للبحث عنها

وعندما عبرت الطريق المكتظ بالسيارات

وجدتها...كانت تجلس على هذا الرصيف

وتنكمش فى معطفها وتضع يدها على رأسها

وتنظر الى الارض..وتبكى بانهيار

صدمنى المشهد وعجزت عن الكلام

جذبتها من يدها واخذتها الى البيت

وظللنا طوال الطريق صامتتين

وعندما دخلنا المنزل

وضعت يداى على كتفيها ونظرت اليها

مستفهمة عما بها..لم تجبنى سوى بابتسامة

صغيرة ابتلعتها الدموع

حسنا..بدلى ملابسك وسأعد لكِ كوبا من القهوة

عدت..ووجدتها تنتظرنى فى غرفتى

نظرت الى عيناى وقالت بصوت يرتعش

ممكن تحضنيني حضن ابدى...

لم اجبها واخذتها فى حضنى

وشعرت وكأنها تخبرنى الكثير وانى استمع

ولم اشعر إلا بثقل جسدها

وبدأت افقد توازنى ووقعنا

وعاد الى توازنى وافقت

ولكنها.....لم..تفق

نامت.....إلى الابد

صرخت بها .. سلمــــــــــــــــــــى أفيقى

ماذا بك... ارجوكى لا تتركيــــــــــــــنى

ارجوكــــــــــــى

:(((((((((((((((((((((((

صرت كالمجنونة بعد ان تأكدت من انقطاع انفاسها

وأخذت اهرول واجرى هنا وهنااااااااااك

واضرب بيدى فى كل مكان

وعدت انظر اليها من جديد

وكأنى اراها لاول مرة..ذلك الوجه الابيض البرئ

ذو القلب النقى

ووجدت مظروفا على سريرى..

فتحته وانا متشبثة بها

وكانت رسالتها الاولى والاخيرة لى:

اختى الغالية سارة

اعلم انه ربما بقى لى ساعات او ربما دقائق

لقد عدت لتوى من مركز الاشعة

التى جاءت نتائجه بان مرضى - ذلك الورم الخبيث -

اصبح معقدا ولا فائدة من محاولات العلاج

اصابتنى الدهشة العارمة فانا لم اعلم باصابتها الا الان !!!!!

واكملت...

اعتذر لكِ من تصرفاتى التى اعتقدتى انها غريبة

فى الاونة الاخيرة

فقد كنت احاول ان اخفى عنك اثار العلاج الكيميائى

الذى اتلقاه..ولذلك كنت احاول الا ابقى فى البيت فترة طويلة

اعذرينى أختاه..لم اشأ ان اسبب لكِ ألما

كنت امسك الورقة ويداى ترتعشان ودموعى تنهمر وانا انظر

الى وجهها وكلماتها

واكملت...

عندما عدت من مركز الاشعة وجلست تحت المطرة

كنت اناجى ربى واتمنى ان يسامحنى على كل ما اقترفته

فى حياتى من الذنوب الكثــــيرة..

وعندما جئتينى شعرت وكأنى افتقدك كثيرا

وتمنيت ان تحضنينى قبل ان اتركك........

اختى الحبيبة لقد احببتك كثيرا..سامحينى...

...................

ايعنى هذا انكِ لن ترقصين معى مجددا!!

ولن تطرقى باب غرفتى فى عز الليل

وتقولين لى سارة ممكن انام جنبك؟؟

ايعنى هذا انكِ لن تحضرى لى الشوكولا

وتضعيها على مكتبى كل صباح

وتتظاهرى بأنك نسيتيها

ايعنى هذا أنكِ لن تتفننى فى اسعادى

عندما اصاب بالكآبة

ايعنى هذا انك لن تبتسمى من جديد

:(
فلترقدِ فى سلام...سلمتى


الأحد، 10 يوليو 2011

يبتسم..


يبتسم

فأقرر التخلى عن حيائى وابتسم

تزداد ابتسامته

فتزداد ابتسامتى

ارى كل اسنانه البيضاء

فابتسم

تظهر انيابه الغريبة

وتبدأ عيناه فى التحول

وكذلك أنفه

ينقض علىّ ويلتهمنى

دون اى مقاومة منى

ثم يجلس ويعود الى صورته

البشرية المزيفة

ويبتسم

الاثنين، 4 يوليو 2011

ليتنى


ليتنى أعرف ما سر الحب لأحب اشخاص قريبين حتى لا اعانى من اعراض الاشتياق