ونفسى ...

ونفسى ترجعى تاني .. وتحبى فيا زى زمان

وتسألينى كل لما أسرح .. سرحانة فى ايه ؟

وتيجى ترخمى عليا لما اصمم اقعد لوحدى

وتحضنينى فجأة .. ونسكت سوا

نفسى تتصلى بيا بالليل تصحينى من النوم تقوليلى

على موقف حصلك ساعتها ونقعد نرغى للصبح لغاية ما أهالينا يزعقوا

نفسى لما تلمحينى روحت بعيد .. تقربينى

نفسى تمسكينى وتهزينى وتقوليلى اللى عملتيه ده غلط

نفسى ترجعى تنصحينى ..

نفسى لما نسمع غنوة بنحبها ندندنها سوا ..

نفسى نرجع نصحى بعض الفجر وتتصلى بيا عشرييين مرة عشان نومى تقيل

وتصبرى عليا

نفسى ترجعى تقوليلى زاكرى .. ولما تنحجى هعملك حفلة قاااااد الدنيا

نفسى ترجعى توعدينى

عارفة .. أنا نفسى بس ترجعى ..

نفسى ترجعى واشوفك بجد قدام عينى ..

ساعتها هنسى كل حاجة نفسى فيها وهخدك بالحضن واعيط أوى ..