الجمعة، 11 فبراير 2022

طيفكِ في حلمي

واليوم قد رأيتكِ ، بعد أن ضننتي عليّ بردٍ ولو ضئيل يرد وحشتي..
رأيتكِ وقد جئتيني علي حين غفلة ،انتفضت وجريت نحوك
واحتويتك في قلبي وحضني .. وأخذنا في البكاء
لم نتفوه بكلمة ، فقط بكينا وبكينا
كنت أبكي وأنا أقول لكِ في نفسي ، لم الهروب؟
لم كل هذا البعد والغياب 
لستُ قاضية أحكم فيكي حكمي وأمضي ..
أنا لكِ أخت وصديقة ورفيقة أيام صبانا..
كنت أتمني أن يطول الحلم قليلا لأسمع صوتك ، أري عينيكِ،أفهم ما بداخلك
كنتي ه‍شة ، وحزينة ..لكنك كنتي جميلة جدا 
وما قيمة الجمال إذا كانت الروح ذائبة فيما يفنيها..

وما قيمة الكلمات إذا كانت لا تصل لأصحابها

وما قيمة الحياة إذا كانت صورة براقة لحياة فارغة الروح ،ضائعة الخطي ، بعيدة عن النور الرباني 


الخميس، 6 ديسمبر 2018

في حب الأماكن ..

مدونتي .. مكاني السري المريح
وحشتيني ووحشني المدونين هنا
كل ما ادخلك افتكر جدو ومحمود سليمان .. ربنا يرحمهم ويرحم كل موتي المسلمين يارب
هيييح يا جدو .. عدي سنين كتير اوي من 2010
شهر 8 يوم 23
ربنا يرحمك يارب ..
رضوي ورنيم وايثار وكتاباتهم ..
في الحقيقة انا وحشتني ..
وحشني ارجع للكتابة ..
وحشني الخيالية اللي كنت عايشة فيها واللي ماتت بعد ماتصدمت بصلابة الواقع


..

مدونتي, الحتة الخضرا المريحة اللي لسة في حياتي .. بحبك :))

الأحد، 5 أغسطس 2018

خواطر من سحر البحر..



ولأن الحياة مليئة بكل شئ ..
إن أردت حبا تجده ،أو أردت حزنا تجده .
ولأن الله سخرها لنا، وجعل لنا في هذه الدنيا بعضا من جنته. .
فلا تحزن..
لا تحزن يا صديقي فوالله، إن الله لطيف بنا
ودود رحيم بنا ..
فوالله لولا الله ما هدأت قلوبنا ولا اطمأنت
لولا الله لانغرسنا في أفكار وخوف لا ينقطع
لولا حسن الظن بالله والتسليم له والإيمان بأنه يعلم حالنا ويري مكاننا ويسمع دعاءنا ..ما أصابتنا سكينة قط
فلا تحزن يا حبيبي ..فالكون سخره الله لنا
وكل قطرة ماء ترويك او لمعة نجمة في السماء تجذبك.. هي نعمة من الله عليك
لا شئ لاشئ يعادل هدوء روحك بعد أن تسلم نفسك لله رب العالمين
..
سبحان من يعلم أغوار نفسك وما تكن الصدور
سبحان من يعطيك دون أن تدعوه
سبحان من يؤنسك ويسر قلبك ويشرح صدرك
سبحان من تعلم أنه الصمد ..فتلجأ وتصمد إليه في الشدائد فلا يخزلك
سبحان من إذا فوضت أمري إليه كفاني
وإذا استودعته شئ حفظه، حتي قلبي ..
سبحان ربي الكريم اللطيف الرحيم ..سبحان ربي العظيم
....


السبت، 9 ديسمبر 2017

أسي

لو أن الود يجئ منك بلا تكلف .. لكان وقعه مختلف
حاولت كثيرا أن ترغم نفسك على التكيف معي
ونجحت في البداية , ولكنك ظننت أن الأمر سيستمر .. وأخطأت
قلت لك مرارا " كف عن تكلفك .. كن طبيعيا معي " ولكنك تظاهرت بأن هذه طبيعتك
وماذا جنينا ؟ .. لا شئ سوي انقطاعك وانتظاري
..
ولماذا أنتظر ... وانت الذي تخبرني مرارا بأنه لا غالٍ لديك
وكل البشر سواء
وأنك تحتاج سنتين من الانقطاع حتي تشعر بالحنين لأحدهم !
وأنا التي لا تطيق .. إن مرَّ يوم عليّ دون أحبابي أشعر بأنه ينقصني شئ ..
وأسرع لأطمن عليهم ..
كيف تآلفت قلوبنا ! لا أعلم ..
لكن قلبي قد هوي , وقلبك عني قد ..

الأربعاء، 6 ديسمبر 2017

وردة زرقا .. رضوي طارق

 مرة كنت بتمشي وسرحانة وفجأة لقيت وردة زرقا في جنينة البيت اللي كنت ماشية جنبه,
اول حاجة فكرت فيها ساعتها هي " رضوي طارق" , قعدت اقول جوايا " هييييه يا رووووودي
انا مش مصدقة لقيت وردة زرررقا , باللون اللي بتحبيه .. "
 كنت مبسوطة اوي , وكان نفسي رضوي تكون موجودة معايا ساعتها واشوف فرحتها بالوردة
الوردة الزرقا دي كانت مميزة , فريدة اوي .. وتشبهلك اوي يا رضوي يا اختيتي
رغم انها كانت لوحدها ومش حواليها ورد ولا زرع كتير , بس كانت براقة اوي وقوية اوي
يمكن الوردة الزرقا دي تشبه شوية ل " ندي " في بريقها
رضوي هي اول حد دوقت معاه حلاوة التدوين والمدونات , اول حد قعدت احلم هقابلها ازاي
قابلتها اكتر من خمسوميت مرة في خيالي . وكل مرة كنت بتخيل لقاء مختلف
كبرنا سوا وافكارنا اتمحورت واتعمقت واتغيرت بردو سوا
واختلفنا واتفقنا وعيطنا وكتبنا واكتئابنا بردو سوا
وروحنا معرض الكتاب سوا ولفينا واشترينا عبايات واكلنا سوا
عملنا حاجات كتير اوي سوا ,, وحاجات اكتر جوا خيالنا واحلامنا
بعد المسافات كان بيوجعنا .. وكنا بنحب الازرق
رضوي الحد اللي كنا بنحلم سوا اول كتاب كل حد فينا هيكتبه هيكون عامل ازاى
رضوي اختيتي اللي كبرت معاها حرفيا ..
انا بحب رضوي اوي , اوي اوي بجد
كل ما اجي القاهرة بحس اني بدور عليها وسط الناس , وبتمني اقابلها قدرا
رضوي عنيها جميلة اوي , وعياطها بيوجع قلبي اوي
رضوي كبرت يا سارة ومبقيناش بنتكلم زي زمان , بس هي في الركن الجواني في قلبي
مكانتها في قلبي زي ماهي ,
المشابك والشرابات والاقلام والبرفيوم اللي جابتهولي من الحسين ..وال 3 دعوات
كل حاجة جوا قلبي اوي
فيه واحدة بتجيلي الصيدلية شبه رضوي اوي لما تكون " ماما "
بفضل متنحالها وببقي عايزة اقولها " انتي شبه رضوي اووي وانا بحب رضوي اووي اووي "
... مفتقداكي بجد يا أختيتي

السبت، 2 ديسمبر 2017

يعز عليّ حين أدير عيني , أفتش في مكانك لا أراك

أراك هجرتني هجرا طويلا

وما عودتني من قبل ذاك ..

عهدتك لا تطيق الصبر عني

وتعصي في ودادي من نهاك  ..


بقالك كتير مجيتليش في الحلم , وحشتني يا غالي اوي
عارف يا غالي الدنيا اتغيرت اوي من بعدك
فيه حاجات كتير حصلت , حاسة انك لو كنت هنا مكنتش هتستحملها وهتعجز
وانا مكنتش هستحمل اشوفك عجوز ..
عارف يا غالي , كان نفسي اوي تشوفني وانا دكتورة
انا كبيرة اهو يا جدو وبقيت " قد الباب " وبقيت دكتورة بجد
مش كنت دايما تقولهم الدكتورة سارة جت اهي .. من وانا لسة صغيرة ؟
حبيبي يا جدو , ربنا يرحمك يارب ويجعل قبرك روضة من رياض الجنة يارب
محدش في الدنيا يشبهلك ..
عارف اكتر حاجة بشتاقلها هي ايدك .. ايدك وحضنك
مكنش فيه حضن دافي زي حضنك انت , ولا ايد حنينة زي ايدك
ربنا يرحمك يارب
عارف لولا ان احنا عارفين وموقنين ان فيه آخرة وجنة باذن الله
كان زمان قلوبنا اتفطرت ..
عارف يا جدو بيجيلي ناس كبار كتير في الصيدلية , وفيه واحد منهم بيقولي يا " بنتي"
عمو دا بيفكرني بيك اوي يا جدو , ببقي نفسي اوطي ابوس ايده زي ما كنت ببوس ايدك الحنينة ..
من بعد موتك يا جدو وانا بقيت بخاف من الموت وبحسه قريب اوي
وبخاف اخسر اي حد بحبه في لحظة , عشان كدا مبقتش بستني اخسرهم
بقيت بكلمهم دايما وكتير ومزعلش منهم فترة طويلة او بحاول
مبقتش مآمنة للوقت والزمان زي زمان
الدنيا بتجري اوي اوي يا جدو .. تخيل انا فاضلي كام شهر واتم 24 سنة !
عمري بيجري يا جدو
هو انت مش هتيجي تزورني بقي وتحضنني زى زمان ؟
انا صاحبت ناس كتير اوي يا جدو , بس كنت عايزة احكيلك عليها
قلبها طيب اوي يا جدو , وانا حبيتها اوي
بس قلبي بيوجعني عليها , ومش عارفة اعمل ايه ..
فيه حاجات يا جدو مش بتلاقي حروف تطلع فيها
بتتكتم في قلبنا ومبتخرجش
انا نفسي بس ربنا يجمعنا كلنا في الجنة ويرضي عنا

الثلاثاء، 14 نوفمبر 2017

نصيب

كل حاجة في دنيتنا نصيب، من أول الصاحب الجدع اللي ربنا رزقك بيه، لغاية الكلمة الحلوة اللي وقعت في ودانك من حد بتحبه..
كل حاجة نصيب
مش بس الجواز قسمة ونصيب، بل ان كل حاجة نصيب
حتي احساسك بالدفا وسط الشتا.. نصيب
وحبة البرد نصيب..
ونصيب قلبك من التجريح، والخوف والفقد
كل شئ نصيب
..
هو كمان كان نصيب، او مكنش نصيب، مكنش نصيبي بالتحديد
ولا انا كنت نصيبه.. بس عمرنا ما بنفهم ان تقسيمة ربنا للرزق رنصيبنا منه بتكون مناسبة جدا لظروفنا وشخصيتنا وحياتنا
 
مبنفهمش كدا الا بعدين، لما نكبر شوية ونفهم
حتي انتي نصيب..  الرزق لما يكون في الاشخاص، بإن ربنا يرزقك باشخاص حلوين جدا حواليك، بيكون حلو اوي
ونعمة كبيرة اوي
..
جدو وحشني اوي، بيجيلي في الصيدلية واحد شبهه وبيقعد يدعيلي..


السبت، 4 نوفمبر 2017

احترس، فالبرودة تقتل كل شئ..


عيناك جامدتان، كصخرة ملساء لامعة
يجذبك بريقها لكن تصدمك برودتها..
لا حرارة فيها ولا حياة!
كأرواحهم..
تصدمك بشاعتها، برودتها القاسية تقتل كلَّ حي فيك..
أين الدماء التي تسري في عروقهم؟!
قلبٌ بلا حياة.. فقط ذهبٌ يلمع، وجوفٌ خالٍ.

الثلاثاء، 17 أكتوبر 2017

..

تعجلت الخطي يا ولد..

السبت، 14 أكتوبر 2017

ندي..

نَدِيَّةٌ أنتِ كما أنتِ..
أسرتني عيناكِ.. أتعيدين الحكاية من جديد؟
كما هي البدايات دائما تأخذ بكل جوارحك.. 
ولكن، هل هناك في قلبك ما أجده في قلبي؟ 
أني لأجد شوقا غريبا، رغبة في وجودك والنظر إليك.. وفقط
ابنتي، ربما..
شيئا اكبر،  ربما..
حين رأيتكِ مرة تبكين، كُسِر قلبي حُزنا..
كنت أود أن أمكث جوارك أبكي معك او أدفع عنكِ ما تخافين..
يومها استيقظت علي رغبة ملحة في أن أصل إليكِ ،ولكن بلا جدوي، أراكِ في ذهني..  ولا أعرف لكِ طريقا..
لا تشبهينني، ولا أعرف ان كان اختلافنا هذا قربةً ام بُعدا..
أتمني ألا يكون بعدا أبدا..
سبحان ربي، يخلق الانسان ومن حاجاته أن يأنس ويأوي إلي ركن شديد.. فاللهم آنسنا بك وبمن تحبهم..
لا تعلمين كم باتت يداي لا تعرفان للكتابة سبيل، حتي أتيتِ فعدت من جديد..
اللهم صرف حبنا في سبيلك..  واجعله فيك يا الله
واجبر كسور قلوبنا وآنسنا وآوينا يا الله..