الاثنين، 20 أكتوبر 2008

كدت ان اموت


ازيكوا يا جماعة عاملين يمكن العنوان يبقى غريب شوية


بس بعد شوية هتعرفوا انا قولت كده لييه


المهم...


امبارح واحنا راجعين (انا والاسرة المبجلة يعنى) من السفر


كنا ماشيين عادى خالص والجو كان زى الفل وكل حاجة


وفجاة وبلا مقدمات

لقينا تريلا لزقت فينا ولله الحمد

والباب اللى كان جنبى الحمد لله اتعجن

ولم يوجد خسائر بشرية الحمد لله

فطبعا نزل سواق التريلا يعاتب فينا ويقول ان احنا ال ايه خدشنا التريلا

واحنا اصلا اللى كنا هنتعجن

لأ والانيل ان عسكرى المرور ولا هوه هنا اصلا

احنا عمالين نتخانق وهوه فى التراوة

لا اله الا الله

حاجة عجيبة والله زى مايكون ....

المهم

الموضوع خلص ومشينا الحمد لله(بس طبعا بعد ما الناس هدوا الموقف مش العسكرى)

شوفتوا بقى كنت هموت ازاى؟؟!!!

انا بس اللى عايزة اعلق عليه

انى ملاحظة ومش انا بس اللى ملاحظة

ان الحوادث كترت اوى فى بلدنا سواء مرور سواء كهرباء سواء....

بس ياترى ده بقى بيرجع لايه ؟؟؟؟

ياترى بيرجع لضمائر الموظفين او العاملين فى اى منصب مهما كان صغير او كبير؟

او بيرجع للظلم والجشع اللى موجود فى الناس نفسهم؟؟

ياريت تجاوبونى؟؟؟؟؟!!!!!!

هناك 15 تعليقًا:

حسن حنفى يقول...

اعتقد ان السببين موجودين

للاسف

والحمد لله علي السلامه

تحياتي

mohamed ghalia يقول...

ياترى بيرجع لضمائر الموظفين او العاملين فى اى منصب مهما كان صغير او كبير؟

او بيرجع للظلم والجشع اللى موجود فى الناس نفسهم؟؟

أنا بقول من الإتنين من الموظفين وأصحاب المناصب ومن الناس
تقبلى تحياتى دمتى بود
ربنا يحفظك دايما
هنلاقى مين بعدك نقرأله هههههههه
تحياتى

funckydoctor يقول...

حاجات كتير
أنا خايف احنا اللى يكون بينطبق علينا
و إذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا

روح الاسلام يقول...

انا شايفة ان السببين موجودين لأن كتيير من الناس بقو من جوة مش كويسين يعنى بمعنى اصح قلبهم ماعدش صافى ناس كتيير قوى بتقعد تفكر ازاى تأزى غيرها للأسف..بس دى مش قاعدة عامة لأن بردة فية ناس كتير بتحب غيرها وبتحاول بأقصى جهدها انها تساعدة...على العموم حمد الله على السلامة يا ريحانة يا حبيبتى

DR.HAMAS يقول...

أولا حمدا لله على سلامتك انتى والأسرة الكريمة

و ربنا يحفظكم جميعا

أما بالنسبة للسبب

ففيه أسباب كتير

منها ان البعض مستهتر

و كمان النظام مش مظبوط

بدليل العسكرى اللى كان ولا هو هنا

و ذنوبنا

هو السبب

ربنا يسترنا

و الحمد لله انكم بخير


د.حماس

مستر مجنون يقول...

الاول ... الف حمد لله على السلامة ... و السبب ممكن الاتنين بس الاكيد هو احنا ... السؤال احنا لو مكنهم حنعمل ايه بجد ؟ لو عشنا ذيهم يا ترى كنا غيرهم و لا ذيهم ... ده مش مبرر لكن ده وقفة عشان نفكر بدل ما ديما ما نلاقي شماعة نرمي عليها.. و نفكر مرة نكون أحنا البداية ... و منسناش لما هما يتغيروا ... والف حمد لله على السلامة .

sara draz يقول...

اخى فى الله حسن حنفى
جزاك الله خيرا
والله يسلمك
وللاسف ده حالنا فى مصر
بس ربنا يهدينا جميعا
تحياتى اليك
وتسلم

sara draz يقول...

اخى فى الله محمد غالية
هههههههههههه
لا اكيييييد هتلاقو غيرى كتيييييييير
بس الحمد لله
وتحياتى اليك
وتسلم

sara draz يقول...

اخى فى الله فنكى دكتور
ربنا يستر
مش عايزين نكون كده
وتحياتى اليك
وتسلم

sara draz يقول...

حبيبتى واختى فى الله ريحانة
الله يخليكى يا قمر
اكييد فى ناس كده
واكيد فى كده
بس يا ترى احنا من انهى نوع؟؟
وتحياتى اليكى
وتسلمين

sara draz يقول...

اخى فى الله د.حماس
جزاك الله خيرا على المرور
وللاسف الذنوب فى رأيى
هيه السبب الرئيسى
وبيترتب عليها الباقى
ربنا يستر
وتحياتى اليك
وتسلم
وشكرا لزيارتكم مدونتى

sara draz يقول...

اخى فى الله مستر مجنون
جزاك الله خيرا على المرور
الصراحة انا مش عارفة
بس ياريت كلنا نتغير
ونكون احسن
وتحياتى اليك
وتسلم

mohamed ghalia يقول...

إيه يابنتى مش بتكتبى جديد ليه؟
على العموم ليكى تاج عندى لازم تجوبيه
هزعل قوى
فى إنتظار إجاباتك
تحياتى
بالتوفيق

Saied khorshid يقول...

بسم الله الرحمن الرحيم

السلام عليكم ورحمة الله وبركاته

أولاً حمداً لله على سلامتك انتى والأسرة
الكريمة

و ربنا يحفظكم جميعا " إن شاء الله "

" قولي آمين "

وثانياً من الأسباب التى كانت السبب هو:

مثلاً الإهمال والإستهتار وعدم المسؤلية

وعدم تقوى الله فى العمل والحياة وخيانة

الأمانة وعسكرى المرور مؤتمن على الطرق

التى يحرسها وينظمها " والله أعلم "

وجزاك الله خيراًوبارك الله فيك

على هذا الموضوع والف حمد لله على السلامة

ويارب يجعل جميع أعمالك " إن شاء الله "

فى ميزان حسناتك ثقيلاً يوم القيامة

ونفع الله بك الإسلام والمسلمين

والسلام عليكم ورحمة الله وبركاته

ومرة أخرى الحمد لله على سلامتك وسلامة

أسرتك الكريمة

sara draz يقول...

اخى فى الله خاطرة من قطرات نهر الحياة
جزاك الله خيرا على المرور والتعليق
والله يسلم حضرتك
وفعلا كل واحد عنده مسئولية
لازم يفذها باتقان والشاهد عليه ربنا طبعا
ويارب يجعل اعمالنا كلها فى ميزان حسناتنا
وتحياتى اليك
وتسلم