الأربعاء، 4 مارس 2009

وحشتنى اوى ايام زمان


وحشتنى اوى ايام المدرسة وايام الدراسة

مش تستغربوا وتقولوا مانتى بتروحى المدرسة كل يووم

لا انا مش بروح ولا حد من زمايلى بيروح عشان احنا اعدادية

ومفيش اعمال سنة واصلا مفيش اماكن لنا فى المدرسة

المهم يعنى

وحشتنى اوى ايام الشقاوة واللعب

وكمان اصحابى والفصل بتاعى

ياااااااااااه دى كانت ايام حلوة اوى والله

قول للزمان ارجع يا زمان

يا سلام بقى لما كنا بنعمل رباطية على المدرسين

ونعمل اللى احنا عايزينه هههههههههه

ولما كنا بنجنن التربية العملى ونطلع عينيهم

وكنا دايما لما نحتج على حاجة نروح للمديرة

شلة مع بعض ونقولها احنا عايزين اييه

والله كان لينا شخصية فى المدرسة

ويا سلام بقى لما كنا بنتأخر على المدرسة

خصوصا لما يكون علينا حصة رياضة فى الاول

كنا بنتطرد ههههههههههههههه

وكنا نقعد بقى فى الهواء الطلق نشم شوية هوا

عادى جداااااااااااااا

ولما يكون حد فى الفصل تعبان او متضايق

الفصل بينقلب ولازم الكل يساعد

ولما يكون عندنا حفلة ياااااااااااه بيبقى يووم جاامد

بناخد اليووم من اوله حفلة ونقعد بقى نعمل بروفات

وتجهيزات

بجد بجد بجد وحشتونى يا كل اصحابى بجد

كفاية اننا كنا لما بيحصل بيننا حاجة كنا بنقول لينا

فصل واحد يلمنا

دلوقتى بقى لنا الذكرياااااااااااااااااات

هناك 41 تعليقًا:

بنوتة يقول...

ههههههههههههه
انتى ناسية انه فين ثانوية ولا ايه؟
هو طبعا الذهاب للمدرسة في الثانوية مضر بالصحة وربما يؤثر على المستقبل العلمى
انما في سنة اولى واعمال سنة وحاجات كده كتيييييرة متقلقيش هترجعوا تتجمعوا تانى
وفي الدروس في الثانوية والدروس دى بقى جو جاااامد
حاجة تانية خالص
تحياتى ليكى

بذرة امل يقول...

ازيك الأول ياقمر
بصراحة أنا متضايقة أوى من اللى بيحصل دهيعنى بتوع 3 إعدادى ما يروحوش المدرسة
أنهى نظام تعليمى فى الدنيا بيعمل كدة
خلاص شوية شوية وهنقول لبتوع إبتدائى ما تروحوش المدرسة واعتمدوا على الدروس الخصوصية
ربنا يسترها بجد
المدرسة دى المكان اللى المفروض شخصية الفرد بتتكون فيه
الدروس دورها مختصر على تنمية الجانب المعرفى بس
ده لو بتنميه كمان
لكن فى جوانب كتير ما ينفعش يقمد بدورها غير المدرس
معلشى طولت عليكى
بس أنا فعلا متأثرة بالموضوع ده جدا

mohamed ghalia يقول...

ههههههههههههههههههههههه
خلاص بقى ليكى ذكريات طيب كويس قوى
والله كبرتى

حسن حنفى يقول...

ههههههههه

انا برضه وحشتني ايام المدرسه اللي اتفصلت منها واتحولت منازل

ههههههههههههه

BAsMA يقول...

انا كمان ياما انطردت

لما بنطرد بنزل اجيب واحد كانز واطلع اشربه قدام الفصل واتفرج على العيال بتوع الابتدائى اللى جنبنا واخد الغياب معايا علشان متكتبش غياب واشغل الموبايل واسمع الاغانى بمزاج واخر حلاوة

ولما الاستاذ يطلع يلاقينى كدة يتغاظ ويتفرس
وانا ابقى مبسوووووطة جدا

اااييييييييييه ياريت الزمان يرجع بجد وحشتنى ايام زمان

ريحانة الاسلام يقول...

اختى فى الله بنوتة
جزاكى الله خيرا على المرور والتعليق
ههههههههههه
اكييد طبعا الذهاب للمدرسة فى الثانوية العامة مضر بالصحة
وعلا فكرة احنا اينعم بنتجمع فى الدروس
بس مش نفس روح الفصل اللى كانت بيننا
وطبعا مش معنا كل الاصحاب
وان شاء الله نتجمع فى اولى ثانوى على خييير
وتحياتى اليكى
وتسلمين

ريحانة الاسلام يقول...

اختى فى الله وحبيبتى بذرة امل
جزاكى الله خيراعلى المرور والتعليق
والله احنا ان كان علينا نفسنا يكون فى مدرسة وتعليم كويس ويكون فى تعلييم اصلا ومش يكون فى دروس
ولكن ولا حياة لمن تنادى
الوزارة مظبطانا وبلاش نغلط فى حد منعرفهوش هههههههه
اصلا التعليم كله عايز يتظبط
مش كفاية حاطين على اولى اعدادى مناهج ثانوى وحاجات احنا مش خدناها اصلا
ربنا يعينهم
وميرسى جدااااا لمرورك
اسعدتينى
وتحياتى اليكى
وتسلمين

ريحانة الاسلام يقول...

اخى فى الله محمد غالية
جزاك الله خيرا على المرور والعليق
كل الناس عندها ذكريات من الصغير للكبير
ودى حاجة مش محتاجة ان الواحد يكبر لها
وكمان الانسان بعقله مش بسنه ولا ايه
وتحياتى اليك
وتسلم

ريحانة الاسلام يقول...

اخى فى الله حسن حنفى
جزاك الله خيرا على المرور والتعليق
وربنا يعينك ويعيننا
والواحد كل فترة بيفتكر ايامه مع مدرسته الغالية
وتحياتى اليك
وتسلم

ريحانة الاسلام يقول...

اختى وحبيبتى فى الله بسمة
جزاكى الله خيرا على المرور والتعليق
انا اول ما قريت تعليقك مت على نفسى من الضحك ههههههههههههههههههههههههههه
ما شاء الله

ده احنا طلعنا على نياتنا بقى على كده
وقول للزمان ارجع يا زمان
وتحياتى اليكى
وتسلمين

امل الاسلام يقول...

ياااااااااه
اتكيتى على الجرح ياساااارة
مافيش احلى من الصحبيه
وياسلام بقى لو صحبيه شعنووونه
بتبقى احلى الايااااام
وفعلا قول للزمان ارجع يازمان
واحلى صحبه هى اول صحبه واحنا صغيررين هنبقى لسه مش اتعلمنا الزعل ولا .....ولا....
بس ياااااااااارب تتجمع الصحبه تانى

روح الاسلام يقول...

هههههههههه والله ياريحانة فكرتينى
بأيام مستحيل يابنتى أنساها
ههههههههه فاكرة لما كنا مانبقاش
عاوزين ننزل الألعاب مع التربية
العملى فنعمل اننا عيانين ههههه قال
يعنى كل الفصل عيان..بس انتى عاوزة
الصراحة بجد بجد كانت أيام جميلة بس
ماتخافيش لسة قدامنا اولى ثانوى كمان
هانروح فيها المدرسة وهانرجع تانى
لأيام الشقاوة والتنكيد عالمدرسين دا
انا ناوية أعمل فيهم عمايل((فصل
المشاغبين))فاكرة..ربنا يخليكى ليا
ياريحانة والله فكرتينى بأيام حلوة أوى
وتسلميلى ياجميل

ريحانة الاسلام يقول...

اختى فى الله الشعنونة امل الاسلام
جزاكى الله خيرا على المرور والتعليق
وفعلا زى ما قلتى من احلى الصحوبيات اول صحوبية
وبنشتقلها كتيييير اوى
وان شاء الله نكون صحبة صالحة شعنونة
هههههههههه
وتحياتى اليكى
وتسلمين

ريحانة الاسلام يقول...

اختى وحبيبتى فى الله روح الاسلام
جزاكى الله خيرا على المرور والتعليق
واكيييد اكييييد محدش فينا ناسى الايام ده ولا يمكن ينساها دى عشرة سنين يا بنتى
واااه انا فاكرة طبعا حكاية التربية العملى هيه دى حاجة تتنسى يا بنتى
ههههههههههه كنا بنشتغلهم اشتغالات
فظيعة
والله اعلم هنكون مع بعض فى ثانوى ولا لا الله اعلم
بس عموما لازم نكون الفصل المتميز دايما هههههههههه فصل المشاغبين
وتحياتى اليكى
وتسلمين

بحـــر الدموع يقول...

السلام عليكم

بالفعل ذكريات المدرسة أيام لا تنسى من ذاكرتنا في الحياة
فلكل لحظة في المدرسة قصة وحكاية..
لكنها ذهبت ولم تعد سوى ذكريات ..

بارك الله فيكي أخت ريحانة ووفقك الله لما يحبه ويرضاه..


لا تنسوا اخوانكم في غــزة من دعائكم

||..بحــر الدموع..||

عاشقه الاقصى يقول...

يااااااااه

هيا المدارس لطلبه المدارس بقت ذكريات امال احنا نقول ايه

ربنا معاكى ياجميل
وقل للزمان ارجع يازمان

غير معرف يقول...

ريحانتى الحبيبة فىكل وقت بيمر هتكون لة زكرى حلوة وحشة مش مهم المهم يكون دائماعندنا زكريات بس يارب تكون زكرياتك معايا حلوة مهما قسيت فعلشانك فلا تنسينى من دعائك دوما

غير معرف يقول...

انا وبابا طبعا وجدو وتاتا وكل من ساهم فى التربية مش كدة يا ريحانتى ملك روحى

خديجة محسن "لؤلؤة الاسلام" يقول...

فعلا و الله
وحشتنا ايام المدرسة
احلى من الدروس و الهم ده

و فعلا و الله عندك حق
كانت ايااااااام جامدة
ساعة المدرسة
و فاكرة يوم ما كان عندنا حفلة

و اعدنا نتدرب و نتخانق
هههههههههه

و ساعة حصة الالعاب احسن حصة طبعا

هههههههههههه
و تحياتى
موضوع جميل
انى احبك في الله

ريحانة الاسلام يقول...

اخى فى الله بحر الدموع
جزاك الله خيرا على المرور والتعليق
ولقد اعجبتنى حقا عبارتك
انه لكل لحظة فى المدرسة قصة وحكاية
ولكنها زكرياااات الان
ونحن لا ننسى ابدا اخواننا فى غزة
بلغهم تحياتى
وتحياتى اليك
وتسلم

ريحانة الاسلام يقول...

اختى فى الله عاشقة الاقصى
جزاكى الله خيرا على المرور والتعليق
للاسف ااه اصبحت زكرياات
وقول للزمان ارجع يا زمان
ولقد اسعدنى مروركم
وتحياتى اليكى
وتسلمين

ريحانة الاسلام يقول...

ملك روحى امى العزيزة
جزاكى الله خيرا على المرور والتعليق
اتمنى يارب تكون ذكرياتى حلوة يارب
ولكن حتى ان لم تكن حلوة فاننا نتعلم من الحياة
وشكرا كتييير موووت على مرورك
وتحياتى اليكى
وتسلمين

ريحانة الاسلام يقول...

اختى وحبيبتى فى الله خديجة محسن
دووووجة
جزاكى الله خيرا على المرور والتعليق
ودى اياام تتنسى يا قمر
انا عمرى ما انسى لما اتخانقتى مع التربية العملى
وقلتلها هوه الشرب حراام
ههههههههههههههههه
فاكرة
كانت ايااام جااامدة جدا والله
وبردو ايام الحفلة كانت فظييعة
هههههههههههههههه
يارب نفضل صحبة صالحة لبعض على طوووووول
انى احبك فى الله جدااا
وتحياتى اليكى
وتسلمين

اللؤلؤة المكنونة يقول...

واضح جدا ان انا اخر المعلقين واكييد كلنا نفسنا ايام الدراسة ترجع تاني
"وبعدين يا تيته ممكن تقولي لي اول ما تضيفي اي موضوع علشان اعلق في الاول"

ريحانة الاسلام يقول...

حبيبتى فى الله اللؤلؤة المكنونة
جزاكى الله خيرا على المرور والتعليق
وانا ااااااااااااااسفة انى نسيت اقولك
حقك عليا يا جميل
وكمان مش تهبى فيا انا بخاااااااااااف
هههههههههه
ماشى يا قمر
نورتينى
وتحياتى اليكى
وتسلمين

.ılı. 3AbdAllah.ılı. يقول...

يانهار ابيض... :):):) اومال لما تخلصوا جامعة هتكون ذكريات اد ايه ..استر يارب

:) ^-^

بس هي فعلا كانت ايام حلوة :P

3اعدادي و1 ثانوي مازالت تحمل احلى ذكريات

ريحانة الاسلام يقول...

اخى فى الله عبد الله حسنى جزاك الله خيرا على المرور والتعليق
احلى حاجة فى الدنيا الحب فى الله
وده اللى خلانى انا وصحابى نقضى مع بعض احلى الاوقات ونعيشها بسعادة
وبجد ربنا يكملها على خييير
وتحياتى اليك
وتسلم

شهيدة الاسلام يقول...

ايه ده يا صر صووووره ايةه الحلاوه دى بس طبعا كلكوا هتقولوا كده احنا بقى عكسكو خالص ده احنا بنتمنى يوم الخميس ده ييجى علشان هيبقى يوم اجازه ونخلص ده احنا ربنا يكون فى عنا يا بنتى بس بقى فى الاجازه بكون نفسى ومنى عينى اشوف اصحتبى بقى واخرج معاهم واروح المدرسة تانى هههههههههه وتسلميلى يا قمر ...

ريحانة الاسلام يقول...

اختى فى الله الصغنتوتة شهيدة الاسلام
جزاكى الله خيرا على المرور والتعليق
وعلا فكرة بقى انتو فى نعمة كبيرة اوى مش دريانين بيها
وهيه الصحوبية
وكفاية اصلا انكم ترخمو على المدرسين هههههههههههههه
انا عارفة انكم مطلعين عينهم
وحاولى تحافظى على صحبتك يا جميل
وتحياتى اليكى
وتسلمين

لســـه بخيـــر يقول...

دى أول نظرة ليا هنا فى مدونتك لكنها عجبتنى جدًا
وخصوصًا الموضوع دا لأنه فكرنى بأيام المدرسه . . . كان الأول فيه بعض الحريه شويه فى التصرفات وحركه من غير حساب . . كل شىء عادى مش فارقه ..

خير الحمد لله

تحياتى

ريحانة الاسلام يقول...

اخى فى الله لسة بخير
جزاك الله خيرا على المرور والتعليق
ويارب متكنش اول واخر زيارة لحضرتك فى المدونة
لقد اسعدنى مرورك
وتحياتى اليك
وتسلم

عمك ياض يقول...

يااااااااه فكرتيني بايم حلوه اوووووووي بجد

بجد استمتعو بكل يوم في حياتكم ومتقولوش الجامعه احلى ايام.. كل ايام هي احلى ايام :)
وايام المدرسه متتعوضش بجد

ريحانة الاسلام يقول...

اخى فى الله عمك ياض
جزاك الله خيرا على المرور والتعليق
وفعلا زى ما حضرتك قلت كل ايام احلى ايام
والله صح
لازم نبص للدنيا كده
ونعيش صح
وتحياتى اليك
وتسلم

Just Smile يقول...

هههههههههههههه ياه يا ريحانة الاسلام
فكرتيني بايام شبابي السنة اللي فاتت
كنت ف اتحاد الطلبة ومكنتش بطلع الفصل واروح الاسكولا ع الساعة 9 ونص مع ان معادها 8 بالكتير يااااااااه والله كانت ايام جميلة وبجد عاوزة تستمتعي اشتركي في اتحاد الطلبة بجد هتنبسطي اوي ديه نصيحة من اختك عشان انا الكبيرة بقى :) وانبسطي على قد ما تقدري السنة ديه عشان كلها سنة وتبقي زي حالاتي مدفوسة ف الكتب وممكن كل اسبوع تلاقي ساعة ولا حاجة للنت
والمدونة بس فعلا احلى ايام اللي في سننا ديه برغم الصدمات والمشاكل بس بتبقى جميلة وكلها زكريات
اني احبك ف الله
اختك الكبيرة (انا يعني) :P

ريحانة الاسلام يقول...

اختى فى الله الكبيرة ههههههههه جست سمايل
جزاكى الله خيرا على المرور والتعليق
يا جمييل
بجد نعليقك ادخل السرور على قلبى وفكرنى بالذى مضى هههههههههه
بس علا فكرة للمعلومة انا فى تالتة اعدادى ومعندناش حاجة اسمها اتحاد طلبة اصلا
ده احنا مبنروحش مدااارس اصلا ولله الحمد
ومقضينها سنة جااامدة
بس والله وحشتنى ايااام الشقاوة والرخامة على المدرسين هههههههههه
وتحياتى اليكى
وتسلمين
ملحوظة
ممكن اعرف انتى فى سنة كام؟؟

Just Smile يقول...

السلام عليكم

اختي الصغنونة برضه هههههههه
ع فكرة انا اخدت بالي انك ف 3 اعدادي وانا ع فكرة ف اولى ثانوي اكبر منك بسنة .
ولتصيح معلوماتك فقط فيه ف كل مدرسة اتحاد طلبة ده اساسي حتى لو مكنتوش بتروحوا
وافكرك يا ستي بحاجة هتعرفي ايه هوا اتحاد الطلبة
لو رجعتي كده بالزمن للترم الاول اول السنة اكيد عملوا عندكوا في كل فصل انتخابات واختاروا الامين والامين المساعد ومعاهم 3 كمان من الفصل بيمثلوه سواء مدرستك كانت مشتركة او بنات بس مش هتفرق كتير وبعد كده بيختاروا الامين والامين المساعد ع المدرسة كلها ومعاهم 5 مقررين
اهو الشغل ده كله اتحاد طلبة ولازم كل مدرسة ليها مكتب تنفيذي.
واسفة يا جميل ع الاطالة
تحياتي

ريحانة الاسلام يقول...

اختى وحبيبتى فى الله وصديقتى جست سمايل
جزاكى الله خيرا على المرور للمرة الثانية
ومااااااشى يا اختى الكبيرة هههههههه
انا كده فهمت
وعلا فكرة بقى مش عايزاكى تقولى اسفة على الاطالة تانى
دا البيت بيتك
اقصد
المدونة مدونتك
ههههههههه
كلمتين على جنب كده
انتى وحشانى جداااا
وتحياتى اليكى
وتسلمين

ranim يقول...

حلو اوي البوست ده والله ربنا يرجعك تاني المدرسة انتي كده كده هتروحي 1 ثاوي


تحياتي مبتسمة دائما

ريحانة الاسلام يقول...

اختى فى الله الصغننة رنييم
جزاكى الله خيرا على المرور والتعليق
ومرورك اللذيذ ده رقيق اوى
وتحياتى اليكى
وتسلمين

فرح يقول...

الله عليكي يااحلى البنات
كلامك فكرني بأيام حلوة يمكن وقتها مش كنا حاسين بحلاوتها ودايما كنا نقول اللي جاي احسن من اللي فات لنا الله .دعواتي لكي دائما بالنجاح واتمني مصادقتك فهل تمنحيني هده الفرصة

ريحانة الاسلام يقول...

اختى فى الله فرح
جزاكى الله خيرا على المرور والتعليق
واكيييييد طبعا اقبل صداقتك يا قمر
وانتى طبعا تنورينى فى حياتى وفى مدونتى وفى كل حاجة
ابقى قوليلى بقى يا قمر انتى فى سنة كااام؟؟
مستنية ردك يا جميل
وتحياتى اليكى
وتسلمين