السبت، 18 أبريل 2009

ما احلى المشاكل !!


يمكن استغربتوا من العنوان شوية

فعلا بجد والله ما احلى المشاكل
لو فكرنا كده شوية هنلاقى ان المشاكل دى نعمة من ربنا
مش نقمة زى ما احنا فاكرين

اولا فوائد المشاكل:
1- بتخلينا نرجع لربنا ونكون قريبين منه اوى
2- بتشغل تفكيرنا وعلى الاقل بنفكر فيها احسن من لما نكون مش بنفكر اصلا
3- لما بتتحل المشكلة بنحس بسعادة كبيرة اوى
يعنى من الاخر ليها فوائد احنا مش واخدين بالنا منها
واصلا الحاجة اللى احنا بننساها ان ربنا مش بيعمل حاجة وحشة لينا ابدا
يعنى كده كده المشاكل ديه فيها خيير لينا
.....
انا كتبت البوست ده عشان اقول اننا لازم نفكر فى اى حاجة بطريقة ايجابية

مهما كانت

والله لو عملنا كده فعلا حياتنا هتتغير للاحسن

لازم يكون عندنا تفاؤل وامل وحيااااة

لازم نعيش صح

ديه وجهة نظرى واختلاف الرأى لا يفسد للود قضية انتو ايه رأيكم بقى

هناك 18 تعليقًا:

امل الاسلام يقول...

هههههههه برضك اول تعليق ايه الصدف دى
فعلا والله المشكلات دى بتحسسك انك ليكى قيمه
يعنى بتخليكى تفكرى فى المواضيع من كذا ناحية
وطبعا بيخلى العقل (اللى احنا راكنيينه) يشتغل
وبعدين بتخليكى تعرفى مين اللى معاكى ومين اللى ضدك
شكرا ليكى ياجمييل
تسلميييوز

حسن حنفى يقول...

المشاكل دي ابتلاء من ربنا ليبلونا انصبر ونشكر ام نحزن ونبدي اعتراضنا

محبة الرحمن يقول...

هههههههههههه

فعلا ما احلى المشاكل

معندكيش مشكلتين سلف

اهم حاجه الصبر والرضا

ساعتها بس المشاكل بتكون احلى

راء يقول...

والله عندك حق يا سوسو

وجهة نظر جميلة بس مش دايما يعني مش كل الناس ليها القدرة على مواجهة المشاكل فيه اللي يقف ادامه مشكلة مش بيعرف يواجهها ويحلها وبيني وبينك فيه مشاكل ملهاش حل وممكن تجننك من كتر التفكير.
وبعدين احنا نفكر ليه انا اما بفكر بيجيلي صداع مزمن ربنا يكفينا شر الصداع ده :(

تسلمي قمري ع البوست الجميل ده

حاجات جوايا يقول...

الحمد لله على كل حال
كل حاجة بتحصلنا خير ربنا كاتبهولنا

بالنسبة لفوايد المشاكل
انا معاكى فى الاولى والتالتة

بس مستغنية عن الفايده التانية بصراحة
2- بتشغل تفكيرنا وعلى الاقل بنفكر فيها احسن من لما نكون مش بنفكر اصلا
..........
الله الغنى عن التفكير اللى ييجى فى المشاكل
وبعدين الحياة مليانة اصلاااا بحاجات كتير جدااااا نفكر فيها
كل حاجة بنفكر فيها
مش ناقصين المشاكل كمااااان :(

تسلمى يا حبيبتى عالموضوع الجميل
خالص ودى
سالى

تلميذة سلمان الفارسى يقول...

بارك الله فيكِ
غى أمن الله

sara draz يقول...

اختى فى الله امل الاسلام وصبحتى
جزاكى الله خيرا على المرور والتعليق
واضافتك الرائعة ان المشاكل بتبين مين اللى معاكى ومين اللى ضدك
وعلا فكرة يا يومة احنا لما بنكون عايزين نشغل مخنا بنشغله ولما مش بيكون لينا مزاج بنعمله طبق سلطة ههههههههه وديه بتحصل كتييير
وتحياتى اليكى
وتسلمين

sara draz يقول...

اخى فى الله حسن حنفى
جزاك الله خيرا على المرور والتعليق
فعلا اضافتك رائعة
جزاك الله خيرا
وتحياتى اليك وتسلم

sara draz يقول...

اختى فى الله القمر
محبة الرحمن
جزاكى الله خيرا على المرور والتعليق
ههههههههه انتى بس تؤمرى وتشاورى وتلاقى المشاكل عندك على طوول
يا مكترها عندنا
وفعلا والله اهم حاجة الصبر والرضا
بيكون للمشاكل طعم تانى
وتحياتى اليكى
وتسلمين

sara draz يقول...

اختيتى فى الله جست اسمايل
جزاكى الله خيرا يا قمر على المرور والتعليق
فعلا زى ما بتقولى مش كل الناس بتقدر تواجه مشاكلها
بس اللى هيلجأ لربنا ربنا هيعينه لأن لكل داء دواء
وربنا مش بيسيب حد بيلجأله
ربنا كبير اوى برحمته وفضله
وكمان الف مليوووون سلامة عليكى يا قمر
بعد الشر عليكى هوه انا اقدر اشوفك كده دانا يجرالى حاجة
وتحياتى اليكى
وتسلمين

sara draz يقول...

اختى فى الله سالى حاجات جوايا
جزاكى الله خيرا يا جميل على المرور والتعليق
وبجد منورانى موووت
واكييد طبعا اتقبل رأيك ونقضك يا جميل
وممكن يكون عندك حق فى النقطة دى
بس بتختلف من شخص لاخر واهتماماته
واكيد الدنيا مليانة حاجات تشغلنا
بس احنا لازم نكون اقوى منها ونتوكل على الله وننظر لنصف الكباية المليان
وتحياتى اليكى
وتسلمين

sara draz يقول...

اختى فى الله تلميذة سلمان الفارسى جزاكى الله خيرا على المرور والتعليق
وبجد نورتينى ارجو ان اتشرف بكونك متابعة لمدونتى دائما
وتحياتى اليكى
وتسلمين

شامخة يقول...

اجمل ما فى المشاكل فعلا اذا كانت بيننا وبين اشخاص قريبين مننا وبنحبهم فاجمل اللحظات هى لحظة حل المشكلة والصلح فهى تنقى القلوب مرة اخرى وتجدد الحب الذى يمكن ان يكون قد وصل الى حالة من الركود

بسمة انور يقول...

معاكى حق يا سارة

لازم نكون قريبين من ربنا

وحياتنا تبقى باكثر اجابيه

ازيك يا بت وحشاااانى موووووت

sara draz يقول...

اختى فى الله د.شامخة
جزاكى الله خيرا على المرور والتعليق
وبجد عجبنى مووووت تعليق حضرتك
فاجمل اللحظات هى لحظة حل المشكلة والصلح فهى تنقى القلوب مرة اخرى وتجدد الحب الذى يمكن ان يكون قد وصل الى حالة من الركود
وبجد نوريتنى وياريت مش تحرمينى من تعليقاتك يا جميل
وتحياتى اليكى
وتسلمين

sara draz يقول...

حبيبتى فى الله بسومة انور
جزاكى الله خيرا يا قمر على المرور والتعليق
بجد نورتى المدونة ونورك غطى على الكهربا ههههههههه
وانتى كماااان وحشانى موووت
مش بترنى لييه !!!!

Ranim Ayman يقول...

حلووووووووووووو اواوي اوي




تحياتي مبتسمة دائما

sara draz يقول...

اختى فى الله الصغنتوتة رنيم جزاكى الله خيرا على المرور والتعليق
وميرسى يا قمر على كلامك الرقيق ده
ومنورانى يا قمر
وتحياتى اليكى
وتسلمين