الاثنين، 8 يونيو 2009

شكرا بجد




رسالة شكر بوجهها للامن اللى كان

سبب خروج شخص عزيز علينا بره

مصر ومش للامن بس
للامن ولكل اللى شارك فى الامر ده

شكرا ليكم يا اللى طردوا اعز الناس لينا

شكرا يا اللى حرمتونا من شخص غالى علينا

شكرا بجد شكرا
يعنى بعد ما نلاقى اللى ياخد بايد الشباب وايدنا
تعملوا فيه كده

بعد ما خلاص حال البلد وحالنا كان هيتظبط
بس انتو اللى مش عاوزين كده

شكرا يا اللى بجد بتحبوا البلد وخايفين على مصلحتها

شكرا يا اللى بتخدموا البلد بجد

لا يسعنى سوى قول شكرا لكم
...
حسبنا الله ونعم الوكيل
اقدمى اسفى للاستاذ عمرو خالد لما حدث

له فى بلده
وارجو ان يكون بخير

هناك 16 تعليقًا:

د/على خميس يقول...

السلام عليكم و رحمة الله و بركاته
يسعدنى أن أكون أول تعليق على هذا الموضوع و فى مدونتك الجميلة
ا / ريحانة الإسلام
قال ورقة بن نوفل للنبى صلى الله عليه و سلم : ما جاء أحد بمثل ما جئت به إلا عودى و ذلك بعد أن أخبره أن قومه سيخرجوه و قد عاد النبى صلى الله عليه و سلم فاتحا لمكة و قد أخرج موسى و إبراهيم و عودى كل الأنبياء ...قتل زكريا و يحيى و أوذى عيسى عليهم جميعا السلام
و ها هو الشيخ وجدى غنيم و غيره كثيرون...
هذه هى سنة الحياة ما جاء أحد بالإصلاح فى مكان امتلأ بالفساد إلا عاداه الملأ من المفسدين ..
و لكن العاقبة للمتقين
..هكذا وعد الله
سيعود إن شاء الأستاذ عمرو و سيعود غيره من المصلحين و ستعود مصر واحة للإيمان و العلم ..و ذلك بفضل الله ثم بجهودنا نحن أبناء الإسلام

فلا تقنطى و لا تحزنى فإن نصر الله قريب

بارك الله فيك
تقبلى تحياتى

أحمد بسام يقول...

ريحانة الاسلام
اخيرااااا
هذه هي قيادتنا التي تقودنا وبكل قوة وحزم ولكن الي الخلف ربنا يهديهم ولكن لا تعليق بعد تعليق
د / علي

على عبدالله يقول...

السلام عليكم

بيتهيألى الخبر دا كاذب !!!

لان عمرو خالد موجود فى مصر وظهر فى اكتر من جريدة ونفى الخبر

تحياتى

أحمد بسام يقول...

اخي الكريم / علي عبد الله
أ/ عمرو لم ينفي الخبر بل اكده عد من فضلك الي حديثه مع عمرو اديب و مداخلة مجدي الجلاد وكان يتحدث من لندن لذا لا تكون اداة لتدافع عن الظالمين بدون وجة حق

Ghada , Rofayda يقول...

لا تعليق
ويمكرون يمكر الله والله خير الماكرين
تحياتي
دمت للحق نصيرا

sara draz يقول...

اخى فى الله د.على خميس
جزاك الله خيرا على المرور والتعليق
وبجد ده شرف ليا ان حضرتك تعلق عندى
وفعلا بجد كلام حضرتك صح
بس احنا مش هنستسلم
احنا لازم نعمل حاجة
وبيتهيألى ان الحاجة دى لازم نبدأ بنفسينا
ونغير نفسينا للاحسن
وان شاء الله ربنا ينصرنا
وتحياتى اليك
وتسلم

sara draz يقول...

اخى فى الله احمد بسام
جزاك الله خيرا على المرور والتعليق
وفعلا ممكن تكون قيادتنا بتقودنا للفساد بس اكيد فى ولو مجموعة صغيرة بتصلح والا كانت القيامة قامت
وكمان احنا اللى بايدنا نصلح او نفسد مش بس القيادة
وتحياتى اليك
وتسلم

sara draz يقول...

اخى فى الله على عبد الله
جزاك الله خيرا على المرور والتعليق
بس يا استاذ يا فاضل الكلام اللى حضرتك سمعته غلط
ومعلش حصل خيير مفيش مشاكل لو واحد فينا مخدش باله
وارجو ان تتصحح المعلومة لديك
وتحياتى اليك
وتسلم

sara draz يقول...

اخى فى الله احمد بسام
جزاك الله خيرا على المرور والتعليق للمرة الثانية ولتصحيح المعلومة
ولكن
اكيد استاذ على لايقصد ان يدافع
عن الظلم
وتحياتى اليك
وتسلم

sara draz يقول...

اختى وحبيبى فى الله روفيدة وغادة
جزاكى الله خيرا على المرور والتعليق
وبجد خير الكلام ما قل ودل
ويمكرون ويمكر الله والله خير الماكرين
وتحياتى اليكى
وتسلمين

محمد الشوادفي يقول...

لازم النظام الفاسد يحاربه وإن كان بيتيح مجالات لغيره في إنه يتكلم في الدين ويعمله قنوات فضائية.

وهوا ده الفرق بين الدعاه المصلحين والدعاه بتوع الكلام وبس.

على عبدالله يقول...

السلام عليكم
ريحانة الاسلام .. اسمحيلى

الاخ الكريم احمد بسام
اين فى كلامى دفاع عن الظالمين
من اين استنبطت من كلامى اننى "اداة تدافع عن الظاملين بغير وجه حق "؟؟؟!!!
ارجو ان "تتخير " الفاظك جيدا
هذا ان طلب منك الرد اصلا !!!

عذرا اخى
ولكن اقرأ هذا الخبر
http://www.aawsat.com/details.
asp?section=4&issueno=
11149&article=522260
الخبر فى جريدة الشرق الاوسط بتاريخ 7 يونيو 2009

واقرأ هذا الخبر ايضا
http://www.masrawy.com/
News/Egypt/Politics/2009/june/9/amrkhaled.
aspx
فى موقع "مصراوى" بتاريخ 9 يونيو 2009
وعنوانه :
عمرو خالد: لست ممنوعا من دخول مصر..وهناك من يزج بي لتحويلي الي معارض مضطهد
وهو عبارة عن تغطية حواره مع عمرو اديب !


عذرا اخت ريحانة الاسلام
تحياتى

sara draz يقول...

اخى فى الله محمد الشوادفى جزاك الله خيرا على المرور والتعليق
وبردو بنقول ان اكيد النظام الفاسد مش كله فاسد اكيد فيه ولو شخص مصلح
وكمان ربنا هو اللى هيحاسب اللى بيتكلموا فى الدين
ونتمنى ان نكون بجانب استاذ عمرو خالد فى محنته بالسير على تعاليم الدين
وتحياتى اليك
وتسلم

sara draz يقول...

اخى فى الله على عبد الله
الصراحة انا مش عارفة اقول لحضرتك ايه
ولكن اصابتنى الحيرة فيما قرأت
فلقد قرأت فى جريدة المصرى اليوم ان الامن اجبر الاستاذ عمرو خالد على الرحيل من مصر ومنع عرض برامجه فى الفضائيات
وعندما ارسلت لنا هذا اللينك
فى موقع مصراوى كان يحتوى كلاما مخالفا
لا ادرى ماذا اقول
ولكن ارجو الا تكون مدونتى محط اخلاف المدونين
تحياتى اليك

راء يقول...

السلام عليكم
ازيك يا سيروهايتي وحشاني

انا سمعت الخبر من المصري اليوم وزعلت مووووت لأنه راح لندن حتى قصص القرآن هيصور الجزء التاني منها بره مصر ده على حسب ما فهمت بسبب مشروعه لمحاربة الفقر اللي بيتعارض مع الحزب الوطني في مشروع تاني مش متذكرة اسمه وبرنامج كمان لاختيار الدعاة.
بس انا من قراءتي للخبر اقتنعت بالفعل انه هيسيب مصر حتى انه حجز لابنه في مدرسة في لندن.

وهحاول اجيب المصدر بس فعلا خبر يزعل ولكن بما ان الموضوع فيه قيل وقال كتير ومفيش تصريح شفته من د/عمرو بنفسه فانا مش واثقة في الاخبار ديه ولكن متستحقش يجماعة اننا نشد مع بعض مفيش حاجة تستاهل كده.

سوري يا سيرو ع الاطالة..

sara draz يقول...

اختى وحبيبتى فى الله جست سمايل
جزاكى الله خيرا على المرور والتعليق
وانا بردو قريت الخبر اللى انتى كاتباه من جريدة المصرى اليوم بردو
بس لما قريت اللينك اللى الاستاذ على حاطه لقيته يتعارض مع الكلام ده
عموما ربنا يكرم استاذ عمرو ويحفظه ويقويه
...
وحشااااااانى يا قمرايتى وروحى وعينى واختيتى
بحبك فى الله
اشوفك بكرة ان شاء الله