الجمعة، 21 أغسطس 2009

رمضانك يامصر..رمضان شارعنا


رمضااااااااااان السنة دى هيغير كل حياتى

رمضان..رمضان..رمضان..رمضان

كل سنة وانتو طيبين يا احلى واجمل ناس


الصراحة انا مش عارفة اكتب ايه ولا ايه


الواحد فرحان فرحة فظييييعة برمضان


بس النهاردة نفسى احكيلكم وافضفضلكم


على رمضان شارعنا ايوة والله رمضان


شارعنا


كل سنة بتعدى علينا فى رمضان بنتجمع


قبلها بيومين كل الحتة بتتجمع


بنات وولاد واطفال وشباب


ونتفق كلنا نجيب زينة وفوانيس طبعا


عشان نزين الشارع


وفعلا بنلف على البيوت نلم الفلوس


والناس بتبقى فرحانة جداااا


وهيه بتدينا الفلوس


ياااااااااااااااه كانت ايام تحححفة


وبعدها الاولاد يروحوا يشترولنا


الزينة والفوانيس


ونسهر لحد الفجر فى الشارع بنعلق الزينة


وكلنا شغالين مع بعض


والكل فرحاااان يااااااااااااه احساااااااس رائع


واول يوم فى رمضان ننزل كلنا بالفوانيس


ونجرى فى الشارع ونغنى حالو يا حالو


ونتجمع قبل المغرب بشوية نصبر بعض


هههههههههههه ايام ما كنا صغيرين بقى


ولما كبرنا شوية وبقينا بنروح الدروس


فى مواعيد الفطار..بقينا نرجع فى الشارع


والمغرب يأذن علينا ونلاقى شباب شارعنا


واقفين بيوزعوا تمر على الناس الماشيين


والعربيات


والفرحة مالية قلوبنا


وبعد الفطار نتجمع كلنا عشان نروح التراويح


ونرجع مع بعضنا


ونتفق على التهجد ويا سلام على العشرة الاواخر


دايما نفكر بعض ونروح المسجد نعتكف لغاية الفجر


ونتسابق نشوف مين هيختم قبل التانى


ياااااااااااااااااااه


بجد كانت ايام جميييييلة


بجد رمضان مصر مفيش زيه


ربنا ياااااااااارب يجمعنا فى الدنيا على خير


وفى الاخرة على خيير


وكل سنة وانتو طيبيييييييييييين ^_^

هناك 16 تعليقًا:

أحمد بسام يقول...

كل سنة و انتى اقرب يا ريحانة الاسلام
و كل رمضان ومدونتك بخير و اجمل
فلنجتهد فى العبادة و نبتعد عن مضيعات الاوقات

sara draz يقول...

اخى فى الله احمد بسام
جزاك الله خيرا على المرور والتعليق
ورمضان كريم
وربنا يتقبل منا يا رب
وتحياتى اليك وتسلم

salma mohamed يقول...

كل عام وانتِ الى الله اقرب يا ريحانة,
اهم حاجة ربنا يعينا على ذكره وشكره وحسن عبادته في اي مكان,ويتقبل منا,
ماتنسنيش من دعواتك انا واهلي واخويا بالذات عند الفطار ووقت السحر وفي السجود.

sara draz يقول...

حبيبتى فى الله سلمى محمد
جزاكى الله خيرا على المرور والتعليق يا قمر
وطبعا عندك حق ربنا يعيننا على ذكره وشكره وحسن عبادته
واكييييد ان شاء الله مش هنسى ادعيلك والله انتى واهلك واخوكى
وادعيلى انتى كمان بظاهر الغيب
وربنا يجمعنا فى الجنة فى الاخرة يارب مع الحبيب المصطفى
وتحياتى اليكى وتسلمين
^_^ رمضااان كرييم

Miss A يقول...

كل سنه وانتِ طيبه يارب

واسأل الله ان يتقبل منا ومنكِ
ويعيننا على الصيام والقيام.

mohamed ghalia يقول...

كل سنة وانتى طيبة
رمضان كريم عليكى

غير معرف يقول...

رمضان فى مصر احلى رمضان فى وسط الاهل والاحباب يارب نرجع كلنا مصر على خير ملك روحى

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله

sara draz يقول...

اختى فى الله miss a
جزاكى الله خيرا على المرور والتعليق
يا جميل
واللهم اميين
وربنا يتقبل منا يارب
وتحياتى اليكى
وتسلمين

sara draz يقول...

اخى فى الله محمد غالية
جزاك الله خيرا على المرور والتعليق
وربنا يتقبل منا ومنكم يارب
وتحياتى اليك
وتسلم

sara draz يقول...

حبيبتى فى الله ملك روحى
جزاكى الله خيرا على المرور والتعليق
وفعلا عندك حق مفيش احلى من رمضان مصر
وربنا يرجعنا بالسلامة يارب سالمين غانمين
وتحياتى اليكى وتسلمين

sara draz يقول...

اخى فى الله حسونة
جزاك الله خيرا على المرور والتعليق
اللهم اامييييييييييييييين
وتحياتى اليك
وتسلم

دكـــــتور جدا يقول...

رمضان كريم
تحياتي

sara draz يقول...

اخى فى الله ضكتور جدا
جزاك الله خيرا على المرور والتعليق
وكل سنة وحضرتك طيب
ورمضان كريم
وتحياتى اليك
وتسلم

د/ أحمد لاشين يقول...

رمضان شارعكم جميل
زي رمضان شارعنا
زي رمضان مصر كلها
كل سنة وانت الي الله اقرب وعلي طاعته ادوم
ربنا يعينك ويوفقك

sara draz يقول...

اخى فى الله د:احمد لاشين
جزاك الله خيرا على المرور والتعليق
ورمضان مصر كلها جميل والله فعلا
وكل سنة وحضرتك طيب
وتحياتى اليك
:ورمضان كريم:
:والدنيا حلوة والله حلوة: