الاثنين، 28 سبتمبر 2009

كلمة هزتنى


جدو قالى فى مرة
انا بكره ايطاليا
عشان اخدت منى
حبايبى
وبكره كل الدول العربية
عشان اخدت
ولادى منى
وسكت شوية
وقال
انا بكره مصر
عشان خلت ولادها
يطلعوا بره
ويسيبوها
ساعتها ملقتش كلام اقوله
وسكت....
بس بعدها لما فكرت فى كلام جدى
حسيت ان كلامه عايز يقول
ليه يا بلدى تفرطى فى ولادى وولادك
... امنية حياتى
انى اشوفك يا بلدى احلى

ومهما حصل
بحبك يا بلدى
والله بحبك
وهفضل احبك لحد ما اموت

هناك 22 تعليقًا:

غير معرف يقول...

على فكرةلم يحب احد مصر مثل جدك ولكنة محتاج ولادةحوليةولكن لقمة العيش صعب الحصول عليهافى مصرولازم السعى عليهاوهو ما يحزن قلب جدك عزراابى الحبيب وحشتنى يابختك بجدك ياسارة
ملك روحى

غير معرف يقول...

على فكرة هزة قلبى انا كمان كان اللة فى عون كل محروم من احبابة ملك روحى

ضكتور جدا يقول...

ما شاء الله
ما أروع جدك
...................
بس ان شاء الله هنخلينا نحب بلدنا مهما تعمل فينا
هاهو الحبيب يحب مكة ويتشوق اليها برغم طرده منها ...مع الفارق طبعا
.............................
الله المستعان
تحياتي

Just Smile يقول...

ياااااااااه بتوجع اوي يا سارة كلمة جدو اوي اوي

يمكن العيش ف بلدنا صعب ومش كل احلام الواحد بتتحقق بس ع الاقل نحاول نبدأ مشاريع صغيرة بدل فلوس السفر كل جروب يعمل مشروع ف تخصصه ..

المصريين محتاجين توجيه وبرغم اني بعترض على اللي بيقولوا بكره مصر بس جدو عنده حق ف ديه ومش قادرة اعترض :( للاسف

همس الارواح !! يقول...

السلام عليكم

حبيبتى وعسولتى
ازيك عامله ايه ؟؟ يارب تكونى دايما بخير

والله فعلا كلام جدو صح جدا

لان الغربه وحشه وفى نفس الوقت بلدنا فرصها مش حلوه اوى يعنى

وده مشكله كبيره ومش مشكله ذاتيه فقط ولكن مشكله جماعيه فى مصر كلها تقريبا

مش عارفه اقول مين اللى غلطان

ربنا يستر يارب علينا

شكرا ليكى وتقبلى تحياتى

أحمد بسام يقول...

والله فضلت محتار اكتب ايه لكن بصراحه جدو عنده حق

mohamed ghalia يقول...

أكيد كلنا بنموت فى ترابها
بس الى حاكمنها خربنها نعمل ايه بس

حسن حنفى يقول...

هو اكيد صعب الواحد يكره مصر بس صعب برضه انه يشعر بحبه ليها طول ماه حاسس انه لو كان اتولد في بلد تانيه كان هتبقي حالته افضل وكان هيحب تراب البلد دي برضه

غير معرف يقول...

انا خالتك يا ساره انا زهقت من الغربه ولكن مصر السبب هي الي خلتني اسيبهاوكل ما ارجع من اجازتي في مصر يجي لي اكتئاب خلفت عيالي كلهم غي الغربه وخدو حب مصر مني وعايزين يرجعو يعيشو في مصر لكني خايفه عليهم من قسوتها
بس بحب جدك وجدتك خالك وخالاتكوهوا دول كلهم مصر علشان كده انا بحبك يا مصر

لؤلؤة الاسلام يقول...

فعلا جدك عنده حق


اصل الغربة حاجة صعبة اوى
و كمان لما الواحد بيحس ان ولاده مش حوليه كده بيبقى مش مستريح

ربنا يكون فى عونه و عون كل الناس

بس بردو مصر بلدى و بحبهااااااااااااا

و تحياتى
و تقبلى مرورى

ريحانة الاسلام يقول...

ملك روحى
امى العزيزة
عندك حق علا يا امى
جدو وغيره كتير محتاجين ولادهم حواليهم
بس هيه الدنيا كده
يوم ليك والتانى عليك
..انا بحمد ربنا انه ادانى جدو زى جدو حبيبى
وتحياتى اليكى
وتسلمين

ريحانة الاسلام يقول...

اخى فى الله ضكتور جدا
جزاك الله خيرا على المرور والتعليق
اللهم صلى وسلم وبارك على سيدنا محمد
قدوتنا فى كل شئ سبحان الله
حتى حب الوطن
جزاك الله خيرا
وتحياتى اليك
وتسلم

lady girl يقول...

بجد فعلا جدك عنده حق
وكل كلامه صح ميه الميه لاني دلوقتي برة بلدي اللي هيا مصر مش هقول اني بكرة مصر عشان خلتنا نسبها مهما كان برده هيا بلدي بحبها وبجد بوست حلو جداااااااا

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

ريحانة الاسلام يقول...

اختيتى فى الله جست سمايل
جزاكى الله خيرا على المرور والتعليق
فعلا عندك حق ولا انا قادرة اعترض
فكرتك حلوة بس عايزة اللى يسمعها ويساعد فى تنفيذها
عايزين شباب بجد..
وتحياتى اليكى يا قمرى
فى رعاية الله

ريحانة الاسلام يقول...

اختى فى الله همس الارواح
جزاكى الله خيرا على المرور والتعليق
يا قمرى
انا الحمد لله تمام المهم انتى تكونى كويسة يا جميل..^_^
الصراحة ان الغلطان همه الشباب
اللى بيسافروا بره وفاكرين الغربة جنة..
وتحياتى اليكى وتسلمين
وبجد نورتيييييييييييينى

ريحانة الاسلام يقول...

اخى فى الله احمد بسام
جزاك الله خيرا على المرور والتعليق
يكفى ان نفهم ونستوعب

ريحانة الاسلام يقول...

اخى فى الله محمد غالية
ربنا يهدينا ويهدى حكامنا
ويارب نرجع امة وخير امة زى زمان

ريحانة الاسلام يقول...

اخى فى الله حسن حنفى
مهما كان لازم نحبها
لان
حب الاوطان من الايمان

ريحانة الاسلام يقول...

احلى حاجة عملتيها يا خالتو ان احمد واسامة خدوا حب بلدهم منك
وصدقينى القسوة اوقات بتطلع رجالة...
وحشتييييييييييييييييينا
ربنا يجيبك بالسلامة يارب

ريحانة الاسلام يقول...

حبيبتى فى الله
لؤلؤة مسلمة
فعلا عندك حق
وانا كمان بحبها والله
بس ربنا يهديها ياااااااااااااااااارب

ريحانة الاسلام يقول...

اختى فى الله لادى جيرل
وانا بردو بحبها اوى والله
بس ساعات قسوتها بتوجعنى
بس فى الاخر بتطلعنا رجالة
نورتى يا قمر..^_^