السبت، 12 ديسمبر 2009

حد يجاوبنى..بليييز


هوه الانطباع الاول بيدوم فعلا؟؟؟

هوه ليه الواحد بيحس بالندم بعد ما يعمل حاجة غلط؟؟؟

وهوه كل الناس كده؟؟؟

ليه الانسان طماع بطبعه ؟؟؟؟

ليه بنحب ناس ونكره ناس تانية؟؟؟

ليه بنستنكر على الناس يعملوا حاجة معينة؟؟

مع اننا اوقات بنعملها!!!!

ليه دايما فى اخر الفيلم العربى ابن البواب يتجوز

بنت الوزير؟؟؟؟

ليه لما نلاقى حد ماشى يغنى فى الشارع

نقول عليه اصله رايق؟؟طيب واحنا ليه

مش رايقين؟؟

لييه دايما بنقول على المدارس مرمطة ؟؟

مع انى بحس انها احلى مكان يجمعنى بصحابى!!

ليه انا قاعدة اكتب الكلام الغريب ده؟؟؟؟!!!!!!!!!!


هناك 10 تعليقات:

لولا وزهراء يقول...

ايه الكلام الجامد ده كله
بصى يا ريحانة الاسلام اولا اسمك حلو اوى
ثانيا الانطابع الاول مش على طول بيكون صح يعنى فى اوقات بيطلع غلط


هوه ليه الواحد بيحس بالندم بعد ما يعمل حاجة غلط؟؟؟

لانه عمل حاجه غلط يمكن وقت ما عملها مش كان يعرف انها غلط لكن لما عرف انها غلط ندم اكيد





ليه بنحب ناس ونكره ناس تانية؟؟؟
احنا فعلا بنحب ناس ونكره ناس لان الارواح جنود مجنده من تعارف منها أأتلف ومن تنافر منها اختلف


ليه لما نلاقى حد ماشى يغنى فى الشارع

نقول عليه اصله رايق؟؟طيب واحنا ليه

مش رايقين؟؟
فى ناس بتحدس بعضها على اى حاجه وكل حاجه واقل حاجه

تقبلى ارق تحياتى

زهراء

لولا وزهراء يقول...

ايه الهنا ده كله هو اول تعليق كان لنا
والتانى كمان مدونتك حلو بشكل



مش كل الناس طماعه لكن فى ناس كويسه وناس مش كويسه





ليه بنستنكر على الناس يعملوا حاجة معينة؟؟

مع اننا اوقات بنعملها!!!!
ده اسمه هبل ياريت كل واحد يسيب التانى فى حاله
انتى عارفه فى جمله بتقول اسهل طريق لكى تسعد الناس هو ان تتركهم فى حالهم

ليه دايما فى اخر الفيلم العربى ابن البواب يتجوز

بنت الوزير؟؟؟؟

علشان ده فيلم عربى ههههههههههه



ليه انا قاعدة اكتب الكلام الغريب ده؟؟؟؟

كلامك حلو اوى وبجد اشترفت انى قرات مدونتك الجميله
تقبلى ارق الامنيات
لـــولا

ريحانة الاسلام يقول...

حبيبتى فى الله زهراء
جزاكى الله خيرا على المرور والتعليق
ياقمر
اولا ربنا يخليكى يا قمر ..^_^..بس بمناسبة الاسم عايزة اسأل فى سؤال..هوه انتو صحاب ولا اخوات ولا توأم؟؟؟
^_^
ومييييييييييييرثى على الاجابات اللى نفعتنى ديه بجد..^_^
ويارب تشرفونى على طوووول
وتحياتى اليكى
وتسلمين يا قمر

ريحانة الاسلام يقول...

حبيبتى فى الله لولاااا
جزاكى الله خيرا على المرور والتعليق
يا جميل
وطبعا المدونة نوووورت جدا وممكن تنفجر من النور هههههه^_^
وبجد عجبتنى المقولة بتاعة
اسهل طريق لكى تسعد الناس هو ان تتركهم فى حالهم
^_^
وربنا يخلييييييييييييكى ليا يارب
نورتووووووووووونى
وتحياتى اليكى وتسلمين

mohamed ghalia يقول...

عشان مجرد حالة وتعدى
وبعدها هتعرفى وتستمر الحياة

ريحانة الاسلام يقول...

اخى فى الله محمد غالية
جزاك الله خيرا على المرور والتعليق
فعلا هيه حالة وهتعدى
حالة فوضى فى الذهن
وربنا يعديها على خير
وتحياتى اليك
وتسلم

Just Smile يقول...

ايه يا بونيتي كل الاسئلة ديه وغوشتيني شكلك متلخبطة ومتشتتة اوي وبتفكري كتير ..
مممممممممم
مممممممممممممممم
مممممممممممممممممممم

متفكريش اوي عشان متتعبيش ولو عاوزة اجابات هجاوبك بس مش ناو عشان ورايا مذاكرات كتير ربنا يستر :) ومتلعبيش كتير ذاكري انتي كمان

غير معرف يقول...

السلام عليكم ورحمة الله وبركاته

حبك من أى نوع ؟

عنوان الجزء الثانى من سلسة الحب كما ينبغى ان يكون .

تابعونا على مدونتكم مدونة كل الشباب مدونة"إحنا شباب النهارده" .

غير معرف يقول...

اية يا ريحانة مالك فيكى ايةمشغولة لية وبايةخلى حمولك على اللة وسيبى كل واحد يعيش الحياة بطريقتة ودعى الملك للمالك عيشى حياتك انتى وسنك انتى وبلاش تشغلى بالك بامور اللة كفيل بها ينظمها كيفما يشاء ماما ملك

غير معرف يقول...

-ا مش دايما

-عشان في حاجة جوانا اسمها الضمير هتلاقيها ناحية الشمال جنب القلب علي طول

-عشان مفتقد صفة مهمة جدا الا وهي الرضا
اللهم ارزقنا اياه

-عشان عيننا اللي بتشوف وعقلنا و قلبنا اللي بيحكم سوا بقي عن حق او غلط+ الناس نفسهم هما المسببين للكره والحب

-افترا البني ادم علي اخوه البني ادم!

-عشان زي ما انتي قلتي...فيلم عربي

-زي ما في كل الافلام العربي البطل يزعل مع حبيبيبته اللي ماشي معاها من ورا اهلها...يروح يسكر ويشرب مخدرات
ماجبوهوش مرة راح الجامع ولا روح بيتهم يصلي ويدعي ربنا يزول همه
عشان الافلام العربي بتحمل دايما قيم عظيييييمة

-طب حنا هانكون رايقيين ازاي؟
لما المية اللي بنشربها مش رايقة
والمية اللي بيتسقي بيها الزرع مية مجاري صرف
والعيش الحكومي مليان شوائب
والفاكهة والخضروات فيها كيماويات
و و
بذمتك مش دي حاجة تعكرنا وتخلينا مش رايقيين؟!
بس سيبك انتي الدنيا ربيع والجو بديييع...

-مش عارفة لاني برده احلي ايامي واحلي اصحابي ايام المدرسة

-يمكن فاضية

.......

ام اريج