الأربعاء، 24 فبراير 2010

امى


ياريتك جنبى دلوقتى
تمسحى دمعى وضعفى
تخدينى فى حضنك وانام

وتحكيلى حكايات زمان

وافضل صاحية واقولك كمان

كمان يا امى كمان
...
نفسى ترجعلنا ويعود الحال

زى ما كان ايام زمان

بس دوام الحال من المحال
....
وحشتينى يا ماما
يارب ترجعلنا بالسلامة
واوعى تفتكرى انى ناسياكى
لا والله ابدا..بس حضرتك اللى ربتينى
على قوة التحمل...وانى مبينش الضعف
عشان مجرحش اللى بيحبنى...
بحبك يا امى..وحبك جوه دمى..

هناك 7 تعليقات:

Unknown يقول...
أزال المؤلف هذا التعليق.
لؤلؤة الاسلام يقول...

اول تعلييق

موضوع حلو اوى يا سو
و ربنا يرجعلك طنط بالسلامة ان شاء الله
و بجد عجبنى اوى الكلمات
و ربنا يخليهالك و يخاليلنا كلنا امهتنا يا رب ان شاء الله و يطول فى اعمارهم
و تحياااتى
دمتى بكل خير وود

sara draz يقول...

حبيبتى فى الله لؤلؤة الاسلام
جزاكى الله خيرا على المرور والتعليق
ويارب يا دييجة يارب..^_^
وربنا يخليكى ليا يارب
بحبك فى الله..
وتحياتى اليكى وتسلمين

راء يقول...

سيروهايتي :)

وحشااااااااني اوي اوي..لسه مخدتش المصروف عشان اشحن ادعيلي بقى ان اشحن واكلمك ^_^

كل سنة وانتي طيبة ويارب متكونش متأخرة بس انتي عارفة المدرسة والمذاكرة

ثالثا انتي لسه رقيقة زي ما انتي واحساسك جميل وعشان كده بحبك..ويارب تكون طنط بخير اوي وترجعلك بالسلامة

بحبك ف الله

امل الاسلام يقول...

خلاص بقى هاعيط اهئ اهئ
ربنا يرجعهالك ومايحرمكيش منها يارب
انا متابعه مدونتك اهوه الدور والباقى ع اللى مكبر جمجمته

غير معرف يقول...

مش عارفة اقول اية وحشتونى اكتر مما تتخيلوا انتم عمرى وعملى اللى تعبت فية علشان تدعولى دعوة صالحة لما اموت نفسى افخر بيكم بس مش امام الناس ولكن امام رب العالمين واقول يارب انا ربيت اولاد صالحين احتسبكم زلك ولا ازكيكم على الله بجد وحشتينى يا ريحانتى انتم مش بس اولادى انتم اصحابى ومرايتى ربنا يحفظكم ليا يارب ويحميكم من الدنيا وشرورها وناسهااللى مش كويسين ثقتى فى الله ثم فيكم كبيرة خدوا بالكم من نفسكم ماما ملك روحى

غير معرف يقول...

استودعكم الله الزى لا تضيع ودائعة يارب احميهم يارب وارحمهم يارب همين يارب العالمين ماما ملك روحى