استمتعى بلحظة الوداع .. متعيطيش ولا تخبيش وشك بين ايديكى
بصيلى اوى .. احفظى ملامحى وحطيها جوات قلبك
متسيبيش فى عينيكى نظرة حزن ..
ارفعى راسك وبصيلى فى عنيا اوى وقوليلى كل اللى جواكى
ومتخافيش.. مش همشى ابدا قبل ما اسلم عليكى
واقولك الى اللقاء .. وانا واثقة انه هيكون فيه لقاء - باذن الله -
متخليش اخر حاجة اشوفها منك دمعتك ..
استمتعى بكل لحظة فى اللُّقا .. ومتفكريش فى اللى بعد اللّقا
امسكى ايدى كويس اوى .. احضنيها .. دفيها
احضنينى ..اه احضنينى اوى ووصينى على نفسى
وقوليلى فى ودنى ..بحبـــــــــــك
هناك 5 تعليقات:
فيها شيء من الانانية شويه ولا انا غلطانة ؟!!
افرحي شوية :)
نور
مممممممممم مش عارفة
ممكن يبقى فيه فعلا انانية .. بس انا كنت بقولها كده عشان مننهيش كل لُقا بلحظة وداع غبية ..
:) اسعدنى مرورك وتعليقك
^_^
سارة
ايوه..افرحى شويييية :))))
^_^
ممممم .. اول زياره للمدونه
اسمحيلي اقولك .. بجد جميله اوي
وتسلم ايديكي ورموش عنيكي:)
إرسال تعليق