وازاى مبتفكرش ؟
دا كل ما بمشى خطوة وتبدأ الدنيا تكبر فى عنيا
أفتكر انها متساويش عند ربنا جناح بعوضة !
انت متخيل ؟
الدنيا بناسها بأرضها بعيلتك ونفسك وكليتك وولادك ومراتك
وكل اللى يخصك ويخص غيرك .. ميساااااويش اصلا جناح بعوضة !
..
عارفة .. بقيت بخاف أوى
الموت طلع أقرب مما كنت أتصور
وكل ما يبقى عندى مشكلة واجيلك اعيط فى حضنك
افتكر انى لما هموت هموت لوحدى ..
والروح هتتسحب من جسدى وانا لوحدى
مهما كنتى جنبى وحواليا .. محدش هينفعنى .
ملك الموت وعظمته وازاى هشوفه وانا بطلع فى الروح
وسكرات الموت ووجعه ..
والقبر وسؤال منكر ونكير ..
وفكرة ان جسمى دا يتحط فى القبر ويندفن ويترمى عليه التراب
عارفة انا خايفة أوى
قد ايه الدنيا دى ولا تسوى اى حاجة
مقدار الوجع اللى هنشوفه واللى هنقابله سواء فى سكرات الموت
او ضمة القبر او سؤال منكر ونكير
صعبة والله ... أوى
ازاى يعدى الوقت ونضيعه فى اى حاجة واحنا اللى هنتسأل
ولوحدنا ..
والله الخلق دول كلهم ولا هينفعونى بحاجة
ولا حتى حد هيفضل جنب قبرى فى ليلتى الاولى فى القبر !
خايفة أوى .. وكل ما أفكر اخاف اكتر
الموت .... بنفضل نتكلم عنه كإنه بيحصل للناس كلها الا احنا !!
مع انه قريب أوى
يارب هوّن يارب هوّن يارب هوّن
..
بالله عليكم .. صحبتى يسرا توفت .. ادعولها كتير ربنا يارب يرحمك يا يسرا يارب
ويجعل قبرك روضة من رياض الجنة يارب يارب
ويثبتك عند سؤال الملكين ويوسع فى قبرك ويجعل العمل الصالح مؤنس لك
هناك 4 تعليقات:
اللهم ارزقنا حسن الخاتمة
ويرحم أموات المسلمين
البقاء لله يا سارة
خلي بالك من نفسك.. وكوني بخير
في البداية انا بشكرك واقولك ربنا يجزيكي الخير كل الخير على كلامك وتذكيرك للجميع بأمر هام ومهم وهو الأهم في الحياه .
ثانيا عايز اقولك البقاء لله . هم السابقون ونحن اللاحقون . ربنا يرحمها يارب ويثبتها عند السؤال .
وزي ما قالت لبنى ليكي : خلي بالك من نفسك وكوني بخير ( بمعناها الاشمل )
لكي كامل احترامي وتقديري . دعواتي . تحياتي
الدنيا دار الممر والاخرة دار المقر .. ربنا يجعلنا من أهل الجنه .. حلو البوست ...ربنا يرحمنا ويرحم اموات المسلمين اجمعين
تحياتى
إرسال تعليق