انتى .. وبس

هى : أنا زعلانة منك :(

أنا : ليه ؟!

هى : مش عارفة .. يمكن طريقتك فى الزعل .. يمكن

أنا : :(

....

عارفة .. يارتنى بعرف اتكلم زى ما بكتب , ياريت لسانى بينطق !

انا عارفة انك عارفة .. انتى اصلا اكتر حد عارفنى

اكتر حد فاهمنى ..

انتى عارفة انى اوقات كتير بسكت وانا جوايا مليون كلمة 

بس معاكى .. بيطلع الكلام كدا .. من غير أى صعوبة

ولا خوف , بيطلع من قلبى أوى

بس الفكرة المرادى انى اول مرة أحط اعتبارات لكلامنا 

اعتبارات مش بايدى .. اول مرة اعمل حساب حد غيرنا !

 اول مرة اخاف اتكلم معاكى عشان حد معين ميزعلش !

الشئ اللى خلانى ساكتة ومش بنطق .. وفهمتيه انى مش عايزاكى جنبى

:(

صدقينى دا اكتر وقت انا عايزاكى فيه جنبى .. أنا اصلا مليش غيرك !

فيه ناس كدا فى الحياة .. بيحبوا اللى قدامهم بغشومية شوية

يعنى يبهدل اللى قدامه ويستنى منه انه يصالحه .. 

بيحبوا بطريقة " غبية " بتخليه يعمل تصرفات تضايق اللى بيحبه

رغم انه يقصد يفرحه !

عارفة زى ايه .. 

زى مثلا لما ابن يبقى تايه ويفضل ابوه هيموت من الخوف عليه 

واول ما يلاقيه يقوم جاى لطشه حتة قلم !!

تخيلى .. دا حب !

بس حب بغشومية .. حب بيعور

بس فى النهاية حب .. وحقيقى كمان

أنا أوقات بحبك كدا :( .. اوقات كتير بعورك وانا مقصدش

أوقات بطلع عينك وبطهقك فى عيشتك

بس ببقى عارفة انك عارفة انى بحبك وهتستحملينى 

رغم انه مش فرض عليكى كدا !

لكنك أحن منى بكتير وبتعرفى تستوعبينى

بغير أوى .. واوقات الغيرة بتخلينى أعمل عكس اللى المفروض اعمله

يعنى بدل ما أحاوط عليكى .. ألاقينى ببعد !

تصرف غبى .. بس اعمل ايه ! .. بغير عليكى أوى :(

عندى انك تقوليلى كل يوم قومى زاكرى وانى مزاكرش

احسن من انك تزهقى منى ومش تقوليلى أقوم ازاكر .. 

أنا ببقى زعلانة من نفسى انى مش بقوم ازاكر

بس بزعل أكتر لما بحس انك فقدتى الامل فيا ومبقيتيش

بتقوليلى قومى زاكرى

اوعى تفتكرى فى يوم من الايام انى بصدك !

عارفة ان تصرفاتى اوقات بتوحيلك بكدا .. 

بس انا عمرى ما حبيت تبعدى عنى ..

حتى لما بقولك انى حابة اكون لوحدى

انا ببقى بكذب .. 

وببقى عايزاكى تفضلى موجودة

زى اخر كل مكالمة لما بنرخم وبتحاولى تفكينى

وبرخم اكتر وبتضطرى تقفلى 

انا ببقى عايزاكى تفضلى ..

ارجوكى افضلى :(

انا زعلانة من نفسى اوى لانى بزعلك :(

صحيح فى ناس فى حياتنا بنتولد نلاقيهم موجودين فى حياتنا

ولازم نرضى بيهم وطبعا بيكونوا خير من ربنا لينا

وفى ناس تانية ربنا بيدينا فرصتنا فى الاختيار فيهم

وانا اخترتك .. 

وعمرى ولا عمرى فكرت لحظة انى ممكن أبقى غلطت فى الاختيار دا

كل ما الوقت بيعدى بحمد ربنا انه رزقنى بيكى ..

...

ملحوظة 1 : هو احنا ليه بنستنى لما الحاجة اللى فى ايدينا تضيع 

عشان نبكى عليها ونقول عليها انها كانت احلى حاجة فى حياتنا !

بالرغم اننا نقدر نقولها دلوقتى وهى فى حياتنا ..

ملحوظة 2 : الحب قرب .. حتى ولو بعدت المسافات

قرب القلوب لوحده يكفى .. والدعاء وصلة القلوب 

ملحوظة 3 : مش بالضرورة كل اللى نكتب عنهم يبقوا حقيقيين 

في ناس بنكتب عنهم وهما مش موجودين فى الواقع

عيون ..

فى عيون تقابلهم تحضنك .. 

وفى عيون تانية تحس إنها بتفضحك 

غاوية تعريك .. من كل شئ ساترك 

نظراتهم فيها شماته .. بتدور على شئ

ناقص فيك أو عيب جواك متدارى أوى

فى عيون تسترك .. وتحسسك بإنه مهما 

كان فيك من عيوب فانت مستور بعنيهم 

بتشوف كل شئ فيك جميل .. مهما كان 

اللى حواليك شايفينه وحش ..

بترتاح معاها وبتكون على طبيعتك أوى

بتعرف تحكيلها عن كل شئ وانت عارف انها 

هتفهمك .. وهتطبطب عليك

وفى عيون تراقبك ..

وفى عيون تخاف منها .. تحس إنها جواها شر

بس شر متحاوط بجمال غريب , متقدرش تفهمه

أوقات تجذبك ليها أوى , وأوقات تانية تترعب تبصلها !

وفى عيون تفرحك .. تحس كدا إنها عيون عسلية

مش فكرة لون .. بس تحسها كدا !

بتحب الدنيا وبتحب تفرخ وتفرح اللى حواليها

تحب صُحبتها بس مش بتعرف تتعلق بحد أوى ..

فى الثلث الأخير من الليل ..

وأنّى اشتقت الوقوف بين يديك ..

والدعاء ..

والبكاء حتى الشفق ..

اشتقت أنّات توبتى , وآهات قلبى التائب

اشتقت دموعا هبطت من خشيتك ..

وحبك , ورجائك ..

اشتقت دعائى سرا .. وشكواى , وابتهالى ..

..

اشتقت حبـــك يا الله :(

..

بعيدةٌ أنا , كبعد السماء عن الأراضين ..

بعيدةٌ بما يكفى لأن تذيقنى عذابك ..

ولكنك أنت الرحيم بعبادك ..

ردنى إليك يا الله ..

توّل أمرى يا الله ..

خذ بيدى إليك .. يا الله

أعلم أنك الآن تنزل إلى السماء الدنيا وتنادى ..

يا عبادى , أنى أنا الغفور الرحيم 

أعلم أنك الآن تفيض برحماتك علينا

ورحمتك وسعت كل شء .. وأنا شئ يا الله :( بل وأدنى وأقل من الشئ ..

..

أعلم أنه من الخلق من استأنس بك

ومنهم من نام عنك ..

كيف ينامون عنك يا الله !

كيف يعلمون بأنك تتقرب إليهم فيعرضون ..

كيف لا يتهيبون لجلالك !

كيف للعبد أن يتململ من سيده ..

كيف للعبد أن يناجى غير سيده ..

كيف للعبد أن يتقوى بغير سيده ..

..

أعلم أنك يا الله " شكور " ..

 ستجزى من أحبوك , خافوك , ورجوك

ستجبر كسرهم يا الله ..

 وتقوى عضدهم وتؤنس وحشتهم ووحدتهم

وتربط على قلوبهم ..

ستردهم إليك يا الله .. وما أحلاه من مرد ..

يا الله .. ردنى إليك رد الكرام عليك .. يارب

متى تشتاق ؟

وأنّى سئمت رغبتى فيك .. ورغبتك عنى ..

فى كل مرة آتى إليك تدفعنى أشواقى ..


 وأنت تُحسن اللقاء !

تسمعنى , تحتمل بكائى , تداعبنى وتضحكنى ..

ولكن .. متى تشتاق أنت إلىّ

متى تأتينى راغبا فى رؤيتى , أحاديثى ,


 أن أحتويك !

متى تأتى ؟

تظن بأنه يكفى أن ترد الحب .. ولكن متى تطلبه ؟

..

أتعلم  أن حاجتك إلىّ تشعرنى بأنى لى قيمة هنا ..

فهنا شخص يريدنى .. أنا بالذات

يحتاج إلى .. يُحبنى لذاتى 


يُحبنى ..

...

أرجوك لا تخبرنى بأنك تشتاقنى ولكنك لا تقول ..

لما لاتخبرنى ؟ ..


 أسعيدٌ أنت بصمتك !

أم أنه يقتلك كما يقتلنى حينما أشتاقك ولا أقول 

ولكنك علمتنى أن أخبرك كل ما بداخلى ..


 فلما لا تقول !

لماذا تُصر بأنه ينبغى علىّ أن أكون أنا المشتاقة دائمًا !

أرجوك أخبرنى متى تشتاقنى .. أرجوك 

حتى الآن ..


 أطب منك أن تشتاقنى كما أشتاقك !

" لعلهم يرجعون "

نُبتلَى كى نعود .. 

يشتاق الينا حبيبنا فيبتلينا .. 

 يشفق علينا من عذابه فيبتلينا .. لعلنا إليه نعود

يشتاق إلى بكائنا .. دعائنا , تأوهنا بعد بكاء طويل

يبتلينا لأننا ننسى ..

 ننغمس فى نعمائه وننصرف عنه ..

 فيبتلينا ليذكرنا بأنها فانية 

مهما عظُمت فى عيوننا فهى دانية ..

نُبتلى كى نعود .. ما أرحمك يا الله

لو أنك قبضتنا على معصيتك لكان مصيرنا الجحيم 

ولكنك تحبنا فتبتلينا ..

لتخفف عنا ذنوبنا وتخفف احمالنا .. 

وتأخذنا إليك أنقياء طاهرين ..

تسمحيلى " أتنحلك " ؟

تسمحيلى المرادى " أتنحلك "  زى كل مرة لما 

بتوحشينى ؟ ..

تسمحيلى المرادى متخافيش من عيونى ؟

أنا كنت حلفت بإنى مش  " هتنحلك " تانى لانك 

بتخافى منى .. بس بجد معنتش قادر

انتى وحشتينى أوى


تسمحيلى المرادى احضنك بعنيا  .. ؟

اوعى تبقى مش هتسمحيلى :(

أنا اصلى عايش عالكام نظرة دول .. بفتكرك بيهم 

وبفكر فيكى على طول 

عقلى مش مشغول إلا بيكى .. تفتكرى بقى قلبى يبقى

 عامل ازاى ؟؟

يا وحشة القلب .. يا روح الروح .. 

يا نقطة ضعف كل من حبوكى .. 

كلهم حبوكى .. بس انا الوحيد اللى عشقتك .. 

ها ..اخر كلام .. 

هتسمحيلى خلاص .. " أتنحلك ؟ "

ونفسى ...

ونفسى ترجعى تاني .. وتحبى فيا زى زمان

وتسألينى كل لما أسرح .. سرحانة فى ايه ؟

وتيجى ترخمى عليا لما اصمم اقعد لوحدى

وتحضنينى فجأة .. ونسكت سوا

نفسى تتصلى بيا بالليل تصحينى من النوم تقوليلى

على موقف حصلك ساعتها ونقعد نرغى للصبح لغاية ما أهالينا يزعقوا

نفسى لما تلمحينى روحت بعيد .. تقربينى

نفسى تمسكينى وتهزينى وتقوليلى اللى عملتيه ده غلط

نفسى ترجعى تنصحينى ..

نفسى لما نسمع غنوة بنحبها ندندنها سوا ..

نفسى نرجع نصحى بعض الفجر وتتصلى بيا عشرييين مرة عشان نومى تقيل

وتصبرى عليا

نفسى ترجعى تقوليلى زاكرى .. ولما تنحجى هعملك حفلة قاااااد الدنيا

نفسى ترجعى توعدينى

عارفة .. أنا نفسى بس ترجعى ..

نفسى ترجعى واشوفك بجد قدام عينى ..

ساعتها هنسى كل حاجة نفسى فيها وهخدك بالحضن واعيط أوى ..

ارتقِ ..

إذا فاجئنى الحب بما لا أقدر عليه .. أضربُ على قلبى بيدى وأترجاه بأن يهدأ

كفاك يا قلبى .. ألا تتعظ ؟

أتاك الحب بما لا تهواه .. أتاك بشوقٍ موجع ودمعاتِ حيرة مؤلمة

ألا تنتفض لكرامتك ؟

يُعميك الحب عن كل شئ .. فيصيبك بالشلل

 

أو السُكر .. فتبيت خاملا لا تستطيع الحراك سوا لحبك المتجبر

تهيم فى دنياك بلا حياة .. حياتك معقودة بحب كاذب يخدعك

ولكنك تصمم على السير فى طريق بلا نهاية

كفاك حيرة وألم واستسلام وانتفض لما تبقى من ماء وجهك

لا تسلم قلبك إلى حبٍ أحمقٍ  .. وارتقِ

احتراق !

اقترب منى متى أردت الاقتراب 

وابتعد عنى متى أردت الابتعاد

واترك لى حريــــة الاحتـــــــراق

..

احتراق لأجـــلك , واحتراق بســـــببك , واحتراق فى قلبى بعيدا عنــــــــــك

عطركِ .. هنا :(

للأماكن كذلك روائح .. 

مكاننا المفضل .. عطركِ عالقٌ به 

كلما ذهبت إليه قفذتى إلى ذاكرتى وأثرتى مشاعرى

لا أستطيع نكران أيامٍ قضيناها هنا .. 

رائحتكِ هنا .. أكاد أتنفسها فى كل ركن

هنا يوم أن جئتك باكية , وضعتُ يداى على وجهى وخانتنى الدموع

فجلستى جوارى .. وبكينا سويا إلى أن رحل الحزن عنى

وهنا جئتينى باكية .. فاحتضنتك وهان الحزن عليكى

كم مرة ضحنا , بكينا , نمنا , ذكرنا الله

كم مرة .. أخبرينى :(

لا ألوم عليكِ غيابكِ عن مكاننا 

ولكنى ألوم هذا المكان .. لماذا كل هذا ؟

لماذا لا يذكرنى إلا بكِ

لماذا أفقد أعصابى عندما تحدثينى عن آخر

وكأنكِ تخونى مكاننا ... 

ليت أن الأماكن تنطق ..لتخبركِ بحالى فيها ..

لكل منا حقه الكامل فى الاختيار :(

ولكل منا حقه الكامل فى الافتقاد

الأمر لا يوصف بالكلمات .. فالأماكن كالروائح .. تعلق فى أذهاننا

ترتبط بالأشخاص .. بالتواريخ .. والأقدار

وأنتِ رائحتك هنا .. لا تفارقنى فيه !