الاثنين، 23 فبراير 2009

قربت اكون مصرى


قربت اكون مصرى......
والله يا جماعة العبارة ديه زعلتنى اوى لانها اتقالت فى موقف غلط
يعنى بصراحة
لما كنت انا واصحابى بنتكلم عن تنظيم الوقت وكده يعنى
لقيت واحدة منهم بتقول انا المواعيد عندى بايظة خالص
انا خلاص كده بقى قربت اكون مصرية بجد
الصراحة انا استغربت اوى
وكمان اتضايقت اوى لما قالت كده
احنا ليه كده دايما لما بنعمل حاجة غلط
لازم نقول اصل مصر...اصل مصر...
دى بلادنا يا جماعة لازم نحس
بقيميتها
مش عشان عندنا شوية مشاكل تبقى
مصر وحشة
والحاجة كمان اللى بسمعها كتيير
بس بردو بتضايق منها
يا عم دا احنا فى مصر
عايز اييه يعنى!!!!
يعنى مثلا اى سلوك غلط او اى حاجة وحشة تحصل
تتقال العبارة ديه
بجد يا جماعة لازم نرجع نحس بقيمة الوطن
ونرجع نحس بالانتماء الذى بدأ يغيب عن ناس كتيير

هناك 18 تعليقًا:

mohamed ghalia يقول...

عندك حق دى بلادنا ولازم نحس بيها
واكيد العيب فينا
دمتى بكل الود

sara draz يقول...

أخى فى الله محمد غالية جزاك الله خيرا على المرور والتعليق
وفعلا العيب فينا بس احنا عايزين اى شماعة نعلق عليها الغلط وخلاص
وتحياتى اليك
وتسلم

بذرة امل يقول...

معاكى حق ياريحانة
الكلام ده تقريباً بنسمعه كل يوم
هى مصر غير جماعة من البشر اللى هما أحنا
كل صفة بننعت بيها مصر يبقى بننعت نفسنا لأنن أبناء مصر

أحبك يا بلادي يقول...

انا بردو شايفة كده قلت واقول وسأقول العيب مش في مصر العيب في من _بفتح الميم_" فقط لبتوع نحوالأمية" عليها

sara draz يقول...

حبيبتى فى الله بذرة امل
جزاكى الله خيرا على المرور والتعليق
ودايما تعليقات حضرتك بتسعدنى
وفعلا زى ما حضرتك قلتى اننا بنسمع الكلام ده كل يووم من ناس كتيير مش واخديين بالهم انهم بيغلطوا فى نفسهم
وتحياتى اليكى
وتسلمين

sara draz يقول...

اختى وحبيبتى فى الله الؤلؤة المكنونة
مبروووووووووووووووووووووك المدونة
وعقبال ت... اللى بالى بالك
هههههههههه
وفعلا زى ما قلتى فى تعليقك ان العيب
فى الامية اللى عند الناس
ربنا يهدينا ويهدى الجميع
وتحياتى اليكى
وتسلمين

امل الاسلام يقول...

اولا جزاك الله خيرا على الموضوع الجميل ده
بس اسأل سؤال هى مصر دى متكونه من مييين؟؟؟
يعنى حد غيرنا؟!!!
يعنى لما نقول مصر فيها وفيها يبقى العيب فينا احنا موش فى البلد لان فى وقت من الاوقات مصر كانت بيجلها كل الناس عشان ياخدوا منها الاكل والعلم وكل حاجه
ياريت اللى قالت كده تقولييلها لو صلحتى نفسك هتتصلح مصر
ودمتى جاااامده ههه

لؤلؤة الاسلام يقول...

حبيبة قلبى ريحانة

ايه بس يا عم البوستات الجامدة دى اللى احنا مش ملاحقين عليها
هههههههههه

و فعلا العبارة دى تغيظ اوى
المصريين طول عمرهم احسن ناس
و اللى مبوظ مصر في الايام دى شعبها و حكامها
و مصر تذكرت في القران 4 مرات بتهيالى كده كفاية اوى ان احنا نعتز بيها و نفخر ان احنا مصريين بس طبعا لما تكون ابية عزيزة و مش منتشر فيها الفساد و ده مش هيكون الا بيد ابنائها
و ده فضل الوطن كبييييييييييييييير اوى و ربنا يعنا على تاديته

معلش دوشتك هههههه

و دمت بود
و تحييييييييياتى

sara draz يقول...

اختى فى الله امل الاسلام
جزاكى الله خيرا على المرور والتعليق
وفعلا زى ما قلتى مصر بتتكون من ميين؟؟
الناس نسيت اننا مصريين
واننا كده بنغلط فى نفسنا
وزى ما قلتى فى يووم من الايام كان لييه شأن عظييم
وصدقينى هيرجع تانى بس لو احنا رجعنا لدينا وتعبنا شوية
وتحياتى اليكى
وتسلمين

sara draz يقول...

حبيبة قلبى وروحى خديجة محسن
جزاكى الله خيرا على المرور والتعليق
وفعلا زى ما انتى قلتى ان مصر اتذكرت فى القران 4 مرات معنى كده ان لييها شأن عظيم
وهيه هترجع تانى عظيمة باييد ابنائها
وعلا فكرة يا دووجة انتى مش دوشتينى ولا حاجة بالعكس انا بحب تعليقاتك الرقيقة جدا
وكمان البيت بيتك خدى راحتك يعنى ههههههه
وتحياتى اليكى
وتسلمين

حسن حنفى يقول...

المفروض كل واحد فينا يصلح من نفسه الاول

ان الله لايغير ما بقوم حتي يغيروا ما بانفسهم

sara draz يقول...

اخى فى الله حسن حنفى
جزاك الله خيرا على المرور والتعليق
وفعلا خير الكلام ما قل ودل
زى ما حضرتك قلت
ان الله لايغير ما بقوم حتي يغيروا ما بانفسهم
وتحياتى اليك
وتسلم

شهيدة الاسلام يقول...

بجد بجد الموضوع
هااااااااايل تسلم
ايديكى يا قمر
لو اى حد مثلا دخل
وهجم على مصر
هتقول لأ انا مبحبهاش
ومش هدافع عنها
لازم تحب بلدك
بجد بجد تسلم
ايديكى يا سرسوره
وتسلميلى يا قمر

sara draz يقول...

حبيبتى فى الله الكتوتة شهيدة الاسلام
جزاكى الله خيرا على المرور والتعليق
وفعلا زى ما انتى اضافتى ان لو نفترض مثلا ان الحرب قامت فى مصر
ميين هيدافع عنها؟؟
ياترى الناس اللى عمالة تقول عليها كلام وحش وخلاص
دا غير ان حب الاوطان من الايمان
وميرسى على متابعتك يا جمييل
وتحياتى اليكى
وتسلمين

بسمة انور يقول...

لازم نحس بوطنا
نشيل همه
نتحرك والسلام .....المهم نبان عندنا انتماء

والله هنتحاسب على دة

sara draz يقول...

اختى فى الله بسمة
جزاكى الله خيرا على المرور والتعليق
واكييد احنا هنتحاسب على ده كله
يا ترى هنقول لربنا ايه؟؟!!
وتحياتى اليكى
وتسلمين
شرفتينى بمرورك

على عبدالله يقول...

السلام عليكم

جميل انك بتحبى البلد كده

نعيب مكاننا والعيب فينا
وما لمكاننا عيب سوانا

البيت دا مش من تأليفى " أقصد تحريفى " دا من تحريف واحد صاحبى
بس بصراحة معبر جدا

فى امان الله

sara draz يقول...

اخى فى الله على عبد الله
جزاك الله خيرا على المرور والتعليق
وفعلا زى ما حضرتك وضحت ان العيب فينا احنا فى مكانا او زمانا اللى احنا عايشين فيه
وتحياتى اليك
وتسلم