السبت، 10 يوليو 2010

الحياه



فيلم ...ممكن يبقى طويل وممكن يبقى قصير

وممكن ينتهى فى اى لحظة

وعندما نشترك فى التمثيل فيه

شأنا او أبينا فاننا لا نرى الحقيقة كاملة

لاننا ننحصر بداخل مشهد او اتنين

وواوقات ينتهى الفيلم وتعرف الحقيقة

بعد فوات الاوان

...انها ببساطة حياتنا ودنيتنا

فعندما يصيبنا ابتلاء من الخالق يصيبنا هرع

وخوف واضطراب

..واسمحولى اكمل بالعامية عشان اعبر اكتر..

ووبتوتر ونتعب ونحس بظلم وقهر ..

بس احنا منعرفش ان ربنا بيحبنا اوى

وعمره ما هيضرنا لانه هوه سبحانه اللى خالقنا

واللى خالقنا ادرى بمصلحتنا

منعرفش ان ربنا حنين اوى علينا وبيحبنا اوى

منعرفش ان ربنا هوه اللى لينا فى الدنيا

وهوه اللى بايده يسعدنا او يتعسنا

بس ربنا بيحبنا وعمره ما هيتعسنا الا لحكمة

لا يعلمها الا هو

الحمد لله يارب
..
ياااااااااه ..الواحد لو فكر وافتكر هيلاقى انه

ياما غلط فى حقك يارب

وانت اللى خالقنا ورازقنا وراحمنا وبردو بنعصيك

ووياما اعترضنا على ابتلاءاتك يارب بطريقة مباشرة

او حتى جو نفسينا...بس احنا منعرفش ان ده خير لينا

منعرفش....

بجد ياربنا لما بتكلم معاك بستريح اوى ...بحبك يارب

لما بكون قريبة منك بحس ان ليا سند وليا ضهر

بحس ان فيه حد حامينى معايا واقف جمبى

وبردوا لما بعصيك بتقف جمبى وبتسترنى

مكنتش اعرف انك رحيم اوى كده يارب

....بحــــــــــــــــــبك يارب ياااااااااااااااااااااااااااااارب

...
كان كلام مخنوق جوايا حبيت اطلعه..عشان استريح

الحمد لله يارب...

...وكلمتين على جنب بعيد عن ده كله

فى وسط كأبة اليوم جالى خبر جميل من حد عزيز عليا

رضوى صحبتى واختيتى وانتيمتى صاحبة مدونة تستمر الحياه

جابت مجموع حلو اوى ماشاء الله فى الثانوية

وبحب اهنيها على الفضائيات يا مشرفانا ورافعة راسنا

يا روووووووووودى يا قلبى مبروووووووووووووووووووووووك

يا حبى..بحبــــــــــــــــــــــــــــــــــــــــــك فى الله

....
انشغلت عن الروايه اللى كنت بقراها بحاجات كتير

ادعولى اخلصها..عموما هيه رواية حتى لا تموت الروح

هناك 10 تعليقات:

Abd Al-Rahman يقول...

جميل أن نتحدث إلى الله عز وجل بقلوبنا وبما يدور فى عقولنا حقا دون الحاجة إلى صياغة العبارات وتنميق الكلمات
فالله أقرب إلينا منا ...
تدوينتك راقية
دمتى فى حب الله

ريحانة الاسلام يقول...

اخى فى الله عبد الرحمن
جزاك الله خيرا على كلام حضرتك
فعلا الله اقرب الينا منا..الحمد لله
وتحياتى اليك
وتسلم..

طالبة مقهورة ..درجة أولى يقول...

سيروووووووووووو

ميرسي يا بيبي ع الكلام الجامد ده..

مقرتش البوست كله عشان السايبر متراقب ^_^

بس انا هقراه عشان فيه فيلم مينفعش اسيبه...^_^

اعلق ليتر بقى


بحبك في الله

ريحانة الاسلام يقول...

روووووووودى اختيتى وحبيبتى فى الله
بموت فى كلمة بيبى منك رهييييييبة ههههههههههههه
ماشى ماشى ال متراقب ال ..ماشى ماشى
سماح المرة دى ..
علا فكرة البوست ده من نتاج كلامنا
..بيتهيألى فاكراه..^_^
والف مبروك تانى يا رودى يا قلبى
بحبــــــــــ فى ــك الله

حصان المرجيحة يقول...

بجد تسلم ايدك علي الكلام المعبر ده
و احسن كلمة ( يا رب )
تقبلي مروري

ريحانة الاسلام يقول...

اخى فى الله حصان المرجيحة
جزاك الله خيرا على المرور والتعليق
وفعلا مفيش غير كلمة يارب
ليها سحر رهيب
والحمد لله كل شئ
اسعدنى مرور حضرتك
^_^

MeGltNa 3mr Wa2el يقول...

سبحان الله فعلا كلامك صح لما الواحد بيكون مخنوق و بيجيب سيرة ربنا و بيدعي و يقول يارب و يفضفض كانه بيكلم ربنا ساعتها بيحس براحه كانها بيتغسل من جوة وو يبتدي يحس بفرج ف كربته دي عشان ربنا قال ف كتابه العزيز :
بسم الله الرحمن الرحيم
اذا سئلك عبادي عني فاني قريب اجيب دعوة الداعي اذا دعاني " صدق الله العظيم

غير معرف يقول...

كيف حالك يا ريحانة ؟
جمعة مباركة

ريحانة الاسلام يقول...

اخى فى الله عمرو وائل
جزاك الله خيرا على المرور والتعليق
لقد اراحتنى الاية دى فعلا
واضاف كثيرا للبوست
الحمد لله على النعمة دى اننا ربنا ادانا فرصة نرجعله لما نعصيه ..الحمد لله
وتحياتى اليك
وتسلم

ريحانة الاسلام يقول...

اختى فى الله ^_^ sonnet
الحمد لله انا بخير يا جمييييييلة
ربنا يخليكى ليا يا قمر
..^_^