الاثنين، 2 أغسطس 2010

الدنيا لسة بخير..^_^


كان يتجه للمسجد ليصلى العشاء

وكاد ان يدخل المسجد الا انه وجد شابا

واقفا امام المسجد...

فوضع يديه -الكبيرتين حقا فلقد كان عملاقا-

على كتف ذلك الشاب برفق وحنية

وقال : ما تيجى تصلى معانا يابنى العشا فى المسجد

وابتسم له
.......

لم انتظر لارى بقية الموقف فقد كنت كالعادة - مستعجلة -

ولكن ما لفت نظرى حقا

هوه ان ذلك الرجل كان ملتحى

مهو ملتحى اهو يا رداااالة وكويس

اصل الاعلام والناس ادونى فكرة ان الملتحين دول

خط احمـــــــــــــــــــــــــــــــر

وانهم متعصبين وانهم مش عارف ايه ومش عارف ايه

ومش عارف ايه... ما بالراحة عالخلق شوية

...

عجبنى جدا الموقف ده وحسيت ان المسلمين لسة فيهم خير

وان الدنيا لسة فيها ناس طيبة وكويسة

وطول ما الناس دى لسة موجودة

فالدنيا لسة بخير....^_^


هناك 8 تعليقات:

Ramy يقول...

هقولك حاجة

الموقف فى مجمله جميل جدا

و لكن عادى ان واحد يلاقى حد واقف قدام المسجد

و يقوله تعالى صلى ملتحى او حليق الذقن

هذا ليس تقليل من الشخص

انا من النوع الذى احب اترك الناس كما هى تريد

ملتحى حليق يلبس بدلة يلبس جلباب

مش مشكلتى مدام هو لا يأذى أحد و لا يأذى من حوله

لا أبنى أحكام مسبقة على أحد حتى من الأعلام

و لكن الأن اصبح من لا يلتحى فهو غير مؤمن

انا اخترت كلمة غير مؤمن لخفتها

مبقتش الحكاية فطرية

الحمد لله ان الدنيا لسة بخير

دة بس علشان هو عارف احنا مش هنستحمل اكتر من كدة

ربنا معاكى دايما و يوفقك

ريحانة الاسلام يقول...

رامى
احترم رأيى حضرتك وده واجب عليا
بس كل فئة وفيها الحلو والوحش
وبيتهيألى ان الرجل ده كان كويس
لانه لو كان غير كده كان ممكن يقوله بأى اسلوب تانى
كان ممكن يعمل زى ما ناس كتير مش فاهمة بتعمل يعنى انه هوه يقوله ربنا يهديييييك يابنى انت مش بتصلى ليه ومش عارف ايه باسلوب مش حلو وتريقة
وانه يكره الولد فى الصلاة اصلا
..انا كل اللى لفت نظرى فعلا انه خد الموضوع بابتسامة وزى ما يكون بيحب الشاب ده من غير حتى ما يعرفه
..
وو لكن الأن اصبح من لا يلتحى فهو غير مؤمن
..لا اتفق مع حضرتك خالص فى الحتة
لان الكلام ده معدش موجود الا فى ناس معينة مش فااااااااااااهمة دينها كويس
وهمه مش كتير ومحتاجين بس يفهموا بالراحة
وصراحة انا بحترم الناس اللى بلحية الكويسين منهم يعنى ..لان اللحية سنة يعنى مش حاجة وحشة ..^_^
وجزاك الله خيرا على المرور والتعليق

ساسو يقول...

كلامك جميييييييل جدا

ضكـــــتور جدا يقول...

الدنيا فعلا بخير
وربنا يكرم ذلك الرجل
دمتم بكل خير وبلغكم رمضان

ريحانة الاسلام يقول...

اختى فى الله ساسو
جزاكى الله خيرا يا جميلة
على المرور
اسعدنى مرورك..^_^

ريحانة الاسلام يقول...

ضكتور جدا
جزاك الله خيرا على المرور والتعليق
وكل سنة وحضرتك طيب

اقصوصه يقول...

فعلا موقف جميل :)

ريحانة الاسلام يقول...

اقصوصة
جزاكى الله خيرا
^_^