الجمعة، 13 مايو 2011

الانتفاضة مستمرة حتى تعود الارض حرة


الانتفاضة الفلسطينية الثالثة..كلنا اكيد سمعنا عنها

بس مش كفايا تسمع بس..المهم تشارك

المشاركة هتكون معنوية بالصلاة المليونية للفجر

والدعاء والخروج فى مظاهرات سلمية لدعم القضية الفلسطسنية

واذا لم ترحل الاحتلال فيكفى انك هتطلع جيل بيجرى فى دمه

القضية الفلسطينية بعد ما كانوا بيوزعوا على المدارس خريطة

الوطن العربى ومفيهاش فلسطين..كان فيها اسرائيل

وكان هيطلع جيل فاهم ان اصلا الدولة بتاعة اسرائيل

ولو مش لاقى ان ده كله مبرر

على الاقل لما تقابل ربنا يوم القيامة ويسألك عملت ايه لاخوانك

المسلمين والمسيحيين فى فلسطين

هتقوله ايه ؟؟؟

...............

وربنا يكرم الشباب اللى عند السفارة الاسرائيلية

ويثبتهم

وان شاء الله ربنا يضع الرعب فى قلوب اليهود

الصهاينة

ويحرر المسجد الاقصى

شارك شارك شارك...اعمل حاجة بقى كفاية سكوت


............................

تفاصيل الانتفاضة بالشرقية


اولا هتكون صلاة فجر مليونية يوم الاحد 15-5-2011

فى مسجد الفتح..

ثم مظاهرة سلمية عند عمر افندى الساعة 1 الظهر

والله المستعان
.........................

كلمة على جنب لاختيتى

انا عارفة انك قوية اوى

وانك تقدرى تعملى حاجات كتير انتى مش

واخده بالك منها

اللى هيكسر حزنك هوه انتى...انتى اللى فى ايدك القرار

اقفى مع نفسك وخدى نفس عميق

وشوفى انتى حابة تفضلى كده ولا اخرتها ايه

؟؟...محدش بيحس باللى فينا غيرنا

فلازم احنا اللى نقوم بنفسنا عشان القرار فى ايدينا احنا

وربنا يطبطب على قلبك..ويريح قلبك يارب

هناك تعليق واحد:

mrmr يقول...

ربنا يهدى الحال ويحرر كل ارض مغتصبه من الاعداد

ربنا يريح القلوب

تحياتى