بسم الله الرحمن الرحيم
...
بصوا من الاخر كده
الجدع جدع
والجبان جبان
وبينا يا جدع ننزل الميدان
ايييييييون ^_^
بصوا محنا وقعنا مبارك وولاده
والعادلى واعوانه
ونظيف وعز
وهدينا الدنيا فى 18 يوم وهنفضل مكملين
لغاية ما مجلس الزفت دا يمشى
واللى يقولى بعد المجلس هنعمل ايه ؟؟!!
هنقول هتتشكل حكومة انقاذ وطنى
هتقعد لغاية ما الانتخابات تتعمل والموضوع ينتهى
واكيد هتكون حكومة منتقاه من اشخاص معروفين
وعندنا ثقة فيهم وعندهم خبرة سياسية وهمة تغيير
..
وارجوكم مشوفش وش حد من بتوع احنا اسفين يا ريس
مش طالبة قالبة دماغ
وكذلك مش عايزة اشوف حد محبط وعمال يقول البلد بتضيع
البلد بتضيع ويقعد جنب الحيط يعيط
هنكمل ... هنكمل هنكمل
مهما كان التمن
مهما كان التمن
يا جماعة احمد حرارة فقد عينيه عشان عينينا احنا تشوف النور
وغيره كتير
..
متخافوش وانزلوا بنية اننا نازلين نقول كلمة حق فى وجه حاكم ظالم
وبنية نصرة المظلوم
وبنية التغيير وحب الاوطان من الايمان
..
وكل واحد سواء كان منتمى لحزب او لا يحكم عقله ويستفتى قلبه
قبل ما يقرر
وبرغم انى واحدة من الاخوان بس نازلة باذن الله والحمدلله بنزل من الاول
ومستمرة فى النزول الى ان يرحل مجلس العار
المهم تبقى مؤمن بقضيتك
المهم تبقى مؤمن بقضيتك
..
وفى الاخر متنسوش مصر من دعائكم ولنا الله جميعا
وبالمناسبة النزول بكرة فى الزقازيق هيكون بعد الصلاة عند عمر افندى اوالفتح
باذن الله والله المستعان
باذن الله والله المستعان
هناك تعليقان (2):
ياااه اخيرا حد اخوانى ..لسه انسان لسه اخوان سامحينى على كلامى بس الجماعه محتاجه ثورة جواها على قوادها لتعود لها ادميتها ..كل شاب بيموت وكل يوم بتضيع قيه البلد فى رقابكم لانكم القوى الاولى المحركة للشارع المصرى..السلف كمان لكن عذرهم هو غباءهم السياسي وقلة خبرتهم وجمود تفكيرهم ...لكن الاخوان للاسف مدركين جدا لكل خطواتهم ومتحالفين مع سارقي الثورة وارواح وعيون الشباب (المجلس العسكرى) قليلين جدا اللى زيك...او مش موجودين..ياترى لسه فى امل ان الاخوان والسلف يفوقوا ...ياترى هيفوقوا بعد ماكام شاب يستشهد وكام سنه تعدى وكام واحد منهم يرجع المعتقل
ستورى باين
انا مقدرة جدا لكلامك وفاهماه كويس اوى
وكنت حاسة بألم فظيع لان الاخوان منزلوش اليوم ده
وبغض النظر عن القادة
فى الاول وفى الاخر الاخوان اتبهدلوا اوى
ومقدرش اخوّنهم
ولا اقدر اخوّن اى حد مش اخوان
لان خلاص لازم نطلع من التفكير الضيق دا
اللى هوا يائما انت معايا يائما انت خاين
لازم نبص للحرية بعين تفهمها وتسعها بجد
..
وانا كمان بتمنى ان الاخوان يطلع منهم الناس اللى فاهمة غلط عشان نمشى صح
وبردو مش بخوّن اى حد لان ممكن تبقى الناس الغلط دى عندها جهل مش اكتر
..
علافكرة ..معرفش ليه كومنتك خلانى ابتسم ^_^
شكرا لاننا بنساعى بعض ومش بنيجى على بعض
:))
اسعدنى مرورك بجد ^_^
إرسال تعليق