وفيها ايه يعنى لما تكون وحيد !
زعلان من ايه ؟
ماياما كنت وحيد وخذلوك كتير واكتئبت واعتزلت العالم كله
العالم وقف ؟؟
لا طبعا .. وعمره ما هيقف عشانك ..
فاكر انك لما ترسم على وشك علامات الحزن والزعل وتعيط هيلتفتوا ليك!
أما أمرك غريب ... لساك مش فاهم !
الناس اخرها تبصلك بصة شفقة او عطف وبعدها بتنشغل فى مشاكلها
وفيها ايه يعنى لما تفشل وتفشل وتفشل ويطلقوا عليك لقب loser
عادى يعنى .. هتموت يعنى ؟
وحتى لو مت .. ما كلنا هنموت
بص خليك وحيد , افرح لوحدك , واضحك فى سرك , وعيط وصوت جوا أوضتك
واخرج للناس على وشك ابتسامة تريحهم
هناك تعليقان (2):
مفهوك خاطئ جدا
كلامك دا بس وليد لحظات بتعشيها
ما فيش انسان يقدر يعيش لوحده
لازم يكون فى اهل - اصدقاء - زوج - اخت - شخص قريب منه يقدر يفضفض معاه علشان حاله النفسيه تستقر
ربنا خلق لينا مشاعر جميله ... يا بنتى ما فيش شئ بيدوم لا حزن بيدوم ولا فرح كمان بيدوم وفى نفس الوقت بيكون لكل انسان خصوصياته اللى تهمه وحده ومش تهم اى شخص تانى واسراره اللى يخبيها على كل البشر وساعات بتكون الاسرار دى متعه ليه بيحبها وبيحافظ على دوامها جواه
راجعى حساباته من جديد
السلام عليكم
أحيانًا كتير الناس فعلا لا تملك غير نظرة شفقة او كلمة بسيطة ويروحوا لحالهم بعدها...وقتها الواحد المفروض يقعد لوحده ويهون على نفسه وربنا المستعان.
لكن المشكلة لو كان الواحد قاصد انه يبين للناس الحزن علشان يحس بوجودهم..أظن ان ده ضعف مننا.
وعلى فكرة الفرح والتفاؤل لا يمكن يجعل الإنسان وحيد..وفى الآخر كل حاجة بتاخد وقتها.
إرسال تعليق