لما الشوق يفوق الحد ممكن ينقلب لعتاب او شئ بيوجع
واما أجيلك بجرى عليك فرحانة بشوفتك ومستنياك تفتحلى
حضنك .. ألاقيك ماسك سيجارة بايد والتانية ماددها ليا عشان تسلم !
تفتكر مش هتوِجع !
لما تحرمنى من حضن اللقا وكلمة وحشتينى ..مش هتوجع !
لما تفضل تحكيلى عن كل حاجة عملتها وتنسى تسألنى ازيك ؟ مش هتوجع !
لما ولما ولما .. وفى الاخر تسألنى مالك .. اقولك مفيش .. تصدق !!
...........
" لو تعرفى أنا قد ايه موجود تملى فى سكتك , وحلم دافى لسة تحت مخدتك
, انا قوتك , حريتك , حنيتك ... "
..............
كل اللى يقولك انا عارف حدودى كويس كداب
لانه طالما تنازل عن الايمان بالحدود اللى ربنا حطهاله كإنسان
ووضع نفسه كإله يحط لنفسه حدوده فهو كداب .. ليس اكثر
تلاقيه يفضل ينسحب مع الموج لغاية ما يغرق ويوم ما يفوق
يقولك غلطة .. عادى انسان وبيغلط
وا عجبى !!
...........
تعبت من الناس اللى بتوحشنى وملهاش وجود ..
تعبت من الخيال ,, سارة حاولى تكونى واقعية
ويوم ما قررت اكون واقعية كرهت نفسى والناس اللى حواليا
, لازم الانسان يتعلق بشئ خيالى يسرح فيه كل ما الواقع يزنقه
.......
مشكلتى معاكى انك قطعتى الاتفاقيات اللى بيننا والعهود
ومخدتيش بالك .. ولما اسألك وسط حكاويكى
اللى عملتيه دا عادى ؟ ..فتقوليلى بكل ثقة اه عادى
مش فاهمة ايه اللى بقى عادى وايه اللى مش عادى
!!
وبتقوليلى اه عادى من ايمانك بيه فعلا ولا مش عايزة تحسى
انك اتكسفتى من سؤالى او انى احرجتك !!
بس احنا من امتى بيننا احراج او كلام من دا !
...............
ولما بتحصل حاجة وحشة بنرفضها بفطرتنا ونبعدها عننا
لكن لما نسيبها ونتعود عليها .. فيحصل انتكاس للفطرة
ويبقى الغلط عندها صح وتفقد البصيرة
............
ضعيفة اوى .....
هناك 6 تعليقات:
" لو تعرفى أنا قد ايه موجود تملى فى سكتك , وحلم دافى لسة تحت مخدتك , انا قوتك , حريتك , حنيتك ... "
رووووعة
كل التدوينة احساسها عالى اوى
الله عليكى بجد جميلة اوى :)
ولما يجيى واحد زيى ويشوف الكلام
ينبسط ويكتب رائعة
وميعرفش إن ورا كل كلمة دمعة
تحياتى
آية محمد
:) ميرسى يا قمر
نورتينى ..
مسلم مصرى
مش لاقية تعليق بصراحة على كلام حضرتك
بس ميرسى
:)
بوووست كله احسااااااس
مشاااعر مختلفه ومتفرقه تاملات اعجبتني
تحيااااتي
روفيدة
اخيرا رجعتى تقري بوستاتى ..
:) الحمدلله انه عجبك ..
وحشتينى جداااا
إرسال تعليق