- استنى لحظة .. عايزة اقولك حاجة
_ ايه ؟
- .............. أنا بقيتك
_ ايه !
- أنا بقيتك ,
عارف يعنى ايه بقيتك ؟!
كل حاجة بقيت بعملها زيك , كل حاجة بقيت بشوفها بعيونك
حتى انى بقيت بشوفنى انت !
تعبيرات وشك ,جنونك, ضحكتك , حتى أغانيك اللى بتدندن بيها
, صوتك وكلمة " ألو " اللى بتقولها بألاطة , عينيك اللى بتجيبها شمال
ويمين فى الثانية خمسميت مرة , برطمتك من تحت لتحت وهمسك ليا
وسط الناس , كل دا بقيت بعمله زيك
زى ماتكون روحى شربت روحك !
أفلامك , ايفيهاتك , حتى روايحك اللى بتحبها وأقلامك ,
عتابك , وهزارك , ورخامتك وسط صحابك و تريقتك على نفسك
أنا بجد بقيتك ..
تفتكر هييجى اليوم اللى انت فيه هتبقانى ؟!
هناك 8 تعليقات:
رائع
ده بقى قمة العشق
وبإذن الله حيبقاكى :))
تحياتى المعطرة
مسلم مصرى
:))
جزاك الله خيرا على التشجيع
جميلة :)
كلمات واحساس جميل جدا .
والعنوان شيء رائع . ( انا بقيتك ) المعنى ما يظهرش غير لما نوصل للنهاية . ودا المميز . لو غير كدة ما يبقاش حب .
ومش ممكن كوني انتي هوا . وهوا ما يبقاش انتي . صدقيني ( هيبقاكي ) زي ما بقيتي انتي بقتيه .
تحياتي وتقبلي مروري
الله الله جميلة
عجبتنى اوى :)
لبنى
أنتِ الأجمل ^_^
شرقاوى
اهم حاجة فى الحب العطاء من الطرفين عشان الحب دا يستمر
ميرسى على تعليقك
نورتنى
:)
حبات التوت
^_^ ميرسى يا جميل
نورتينى :))
إرسال تعليق