الأحد، 24 فبراير 2013

مالك ؟!

وانا اللى كنت فاكرة ان العيب مش فيا .. وانى انا اللى اتظلمت

بس تصدق انك طلعت صادق وانى انا اللى مستاهلش !

كل ما الواحد يكتشف نفسه ويشوف قدره فى عيون اللى قدامه

بيحس انه فعلا كان فاكر نفسه حاجة .. واتخدع 

..

اوعى تضغط عليا وتخلينى أقولك سرى العظيم .. متعرّنيش

وفى الاخر تقول معلش 

انا كدا بخسرنى وبتقتل بنظرة الشفقة اللى فى عنيك !

..

اصعب حاجة فى الدنيا ان حد يفضل وراك لغاية ما يوقعك

عشان اول ما تقع يكون اول واحد يمدلك ايده 

ويكون ليه فضل عليك انه قومك !! .. 

..

وانا كل ما بقرب بكون خايفة تحرقنى .. سامحنى لما أتردد

عشان بخاف .. وهفضل اخاف 

..

كل يوم بتقرب فيه منى بتكتشفنى اكتر وبيبانلك كل اللى جوايا

أوقات بتصعب عليا .. بحس انك عايز تبعد بس مش عارف

تعبت من خوفى عليك منى .. أرجوك لو تعبت منى ابعد 

وانا هفهم .. 

سامحنى على كل شئ عملته فيك .. وسامحنى قبل الرحيل

..

نفسى ابطل عياط بعد كل حاجة حلوة بتحصلى فى حياتى

نفسى احس السعادة بجد .. 

..

جينا الدار نسأل عالحبايب .. لقينا الدار بتبكى عاللى غايب

.. 

جدو .. مفتقداك أوى :( ربنا يرحمك يارب

هناك تعليقان (2):

غير معرف يقول...
أزال أحد مشرفي المدونة هذا التعليق.
بنوتة مصرية يقول...

الله يرحمه ويصبرك على فراقه