:*

ويوم ما خطيبك يجيبلك الشبكة , هطير من الفرحة

واخدك بالحضــــــــــــن وادمع , وأطلّع من جيبى خاتم بلاستيك

وأقوليك تتجوزينى ؟؟ .. فنقعد نضحك للصبـــــــح

وأقولك مش هرضى غير إنك تلبسيه يوم فرحك زى الشبكة

فتقرصينى فى دراعى وتقوليلى بـــطلى غيرة بقى:D

فأقولك مقــــــــــــدرش !

ونفضل نتخانق بتحبى مين أكتر , وأفضل أحاوطك أسئلة تغلبك

لغاية ما تزهقى وتقوليلى  " أيوا يختى بحبك جدااااااا .... بس هو .. "

وتسكتى , فأضحك عليكى .. وتبصيلى وعنيكى بتلمع كدا وتضحكى ..

 ..

آه منك يا صاحبة العمر الطويــــــل ..

لو تعرفى قد ايه فرحانة  جدا بيكى , وقد ايه كنت بتمنى اشوفك مرتاحة من زمان كدا

لو تعرفى لو تعرفى لو تعرفى ..

حاجات كتيرة اوى ..

زى ما قولتلك قبل كدا 

مش كل اللى بنحسه بنعرف نقوله :)