عيدٌ مُوجع..

فى نفس اليوم من كل عام .. كان يبكى


يبكى أمه .. وهو الجد الان


كلما رأيته هكذا تعجبت ..


أمازلت تشتاقها وأنت فى الستين من عمرك !!


رحمة الله عليها .. أقصد عليهما

..

كل الأمهات تستقبلن الهدايا اليوم .. إلايا


فأنا اليوم أستقبل تعازيهم فيك يا بُنى ..

..

الحمدلله ان عندى أم وأب .. :)
..

معرفش ليه بحس ان عيد الام عامل زى يوم اليتيم

جاى يوجع الناس المحرومين من أمهاتهم ..

-عيدٌ موجع -

هما ليه بيحاولوا يزودوا الحاجات اللى بتوجع الناس؟!!

.. نفسى بجد يلغوا عيد الام ويوم اليتيم .. بلاش وجع قلب ..

...

كلمات..

رارا : يعنى إِشِى 3 او 4 بتوع كده

رونى : يعنى ايه إِشِى ديه ؟؟

سو : إِشِى يا بنتى .. مممم.. يعنى إِشِى بردو ملهاش حل :)
..


رارا : فى ناس تحسى إنك تحبى تسيبى كل حاجة وتقعدى تبصلهم بس ..

..

مندوبة مبيعات : معايا برفانات حريمى , رجالى بكل الانواع وفيه عرض رائع

ممكن تخدوا اتنين بسعر 35 جنيه بس .. تحبوا تجربوا؟

فى نفس واحد

سو : لأ ميرسى :) ........ رارا : آه مفيش مشاكل :)
..


رودى وسو ورارا : عاشق سارح فى الملكوت ميهموش العمر يفوت

سو : يدفع فى الحرية حياته ......... رارا : يبتاع فى الحرية حياته ..

سو : اسمها يدفع

رارا : لأ اسمها يبتاع

رودى : هششششت .. بس اسكتوا

هسألكم سؤااااال ... ممممم لو كل واحد معاه خاتم سليمان دلوقتى هيطلب منه ايه ؟؟

صمت

رونى : هقوله عايزة اناااااااااااااااام

سو : هقوله .. نفسى نموت احنا الاربعة شهدا وندخل الجنة سوا

رونى : طيب ماحنا ممكن ندخل الجنة من غير مانموت شهدا

او ممكن ندخل الجنة من غير مانموت خالص .. انا مش عايزة اموت

عععع ^_^
...


رارا : متجيش تانى ..

سو : ايه ؟؟!

رارا : انتى مش فاهمة .. انتى حاجة خيالية .. ازاى تكونى فى الواقع ؟!

سو : هه؟!

....


سو : فاكرة لما قولتيلى اننا هنتقابل فى يوم مميز .. يوم جمعة او اتنين

والدنيا هتبقى بتمطر ؟؟

.....


سو : مش عايزة اروح ...

.....

رونى : افتحى الجواب :)

سو : سمكة!!!!

رونى : ^_^ ايوة .. اول ما فكرت أرسمك لقيتنى برسم سمكة

........ حضن تفعيص .......

.....

سو : عايزة كتابك يا انسة رارا

رارا : مش معايا غير اخر نسخة واكيد مش هديهالك :P

سو : هاخدها يعنى هاخدها

وبعد ما انتصرت فى النهاية وأخدته .. " اكتبيلى عليه اهداء بقى "

وبدأت رارا تكتب .. بفتح الكتاب لقيتها كاتبة ..

...

تمت

.. كلمتين على جنب

الف الف الف مبرووووووووووووووووووووك لأختيتى رودى

المدونة رضوى طارق

مش مصدقة انها نجحت يا جودعان ههههه .. ^_^

ربنا يكرمك يا اختيتى ويوفقك دايما يارب ويرزقك بابن الحلال يا شابة

ولاد الحلال ..

حدثت بالفعل

..

كانت فى المطار مسافرة لبلد أجنبية لوحدها

ومعاها ورق كتير اوى متعرفلوش اول من اخر .. بيقولوا

انهم محتاجينه عشان يدخلوها البلد دى ..

صغيرة .. مسافرة لباباها هناك

واقفة فى " طابور الجوازات " قدامها راجل شعره أبيض

خبطت على ضهره .. " هو حضرتك مسافر على طيارة ... ؟ "

" ايوه :) ... انتى لوحدك ولا ايه ؟ "

" احم .. اه "

" طيب خليكى ورايا .. واعملى اللى اقولك عليه .. "

" حاضر "

.. عدى الوقت وأذاعوا ان الطيارة هتتأخر 3 ساعات

عمو وهى اتصاحبوا تقريبا .. قعدوا يتكلموا كتير اوى

وفى كل حاجة

كلمها عن شغله ومراته وولاده اللى عايشين بره مصر ومش

عايزين يرجعولها

كلمته عن مدرستها وباباها وحياتها بشكل عام

وهى بتكلمه افتكرت توصيات مامتها انها متكلمش حد غريب

ولا اى حاجة من الكلام ده .. بس مفرقش معاها .. حسيته طيب

.. هما الاتنين جاعوا ..

افتكرت انها مش معاها ولا مليم

ومش معاها غير " باكوين بسكويت "

بصلها بصة لئيمة وقالها " انا جعان .. انتى مجوعتيش ولا ايه ؟ "

وهى بتقول فى عقل بالها " شكله طمعان فى السكويت اللى معايا .. عجوز بس .. "

ردت عليه " لا عادى انا مش جعانة :) "

حس انها مكسوفة منه .. وحاول يعمل اى حيلة عشان مش يحرجها ويخليها توافق انها تاكل معاه

اى حاجة فى المطار ..

قالها " طيب بصى .. انتى معاكى اتنين بسكويت .. احنا ممكن نعمل مقايضة

تدينى واحد وأعزمك على كابتشينو .. ها؟ "

رفضت بأدب وقالتله " ممكن أديك البسكويت من غير مقايضة :) "

" لأ طبعا مينفعش كده .. دا انا كده ابقى متسول "

وافقت فى النهاية

وكانت اول مرة فى حياتها تقعد مع حد غريب فى كافيه - حتى لو كان فى المطار -

دا كان شئ غريب عليها وانها تشرب معاه كابتشينو كمان

حست باحساس غريب .. احساس حلو بس مش قدرت تفهمه ..

:) فضلت معاه لغاية ما وصلت عند باباها .. وحست معنى دعوة مامتها

" ربنا يوقفلك ولاد الحلال :) "

كانت ممكن تتوه او تقع فى مشكلة ومحدش معاها

وكمان مكنش معاها فلوس ومعاها شنط والدنيا متلخبطة .. بس ربنا كريم

.. كان شافها بتكتب حاجات فى المطار وسألها " انتى بتكتبى مذكراتك ؟!

"أها"

"هتكتبى عنى ؟ "

ابتسمت ابتسامة خجولة وقالتله .. آه

ومن ساعتها عمرها ما شافته تانى ...

فى ناس بتقابلهم مرة واحدة فى حياتك بس بتحس

انك ممنون ليهم وانهم سابوا أثر حلو فى حياتك

آه .. نسيت تقولك " ربنا يوفقلك ولاد الحلال :) "

والفكرة لا تموت ..

وأصبحت صور الشهداء تزين حوارينا .. :)

الى صناع الحياة..

كلما تقابلت أعيُننا .. نكسنا رؤوسنا وانخرست ألسنتنا

فكيف الكلام .. وأنت فى رحم الأرض " فى قبرك " ؟

..
كنا معا نحمل فكرة ..فكرة بذلنا فيها الكثير

حلمنا معا

تعثرنا بالطريق معا

صمدنا معا

تعاهدنا على أن نكمل ذلك الطريق الذى رسمناه معا

تعاهدنا على حلم النهضة معا

أن تفقد شخصا من " معا " تؤلمك حقا
..
جمعتنا فكرة التنمية بالايمان فكنا شبانا وشابات كرسوا حياتهم

لله ولنهضة بلادنا ..

حقا لا أعرف كيف أتحدث عن " صناع الحياة " ولا أذكرك يا محمود .

..
والآن كيف لنا أن نكمل الفكرة بدونك ..؟

لماذا يجب علينا أن نسمح دموعنا ونتظاهر بالصبر

والجلد ونحن أقرب ما نكون إلى الجزع !!

..
إنه الخوف أن تفقد أحدهم فيفاجئك القدر بما تخوفته حقا !!

إنه الألم .. ذلك الأنين الصامت الذى تُخفيه عن عيونهم

ويجعلك تشرد بعيدا عمن حولك لتتذكر من كان بالأمس هنا

ورحــــــل ..
..
كلما قابلت إحداهن ..ضمتنى إليها فى شجن وكأننا نعاهد

بعضنا البعض ألا نفترق وألا نفقدنا ..
..
صنـــــــــــــــــــــاع الحياة

أعلم أننا أقوى بكثير من أن ننكسر الآن

ورغم كل ما رأيته فى أعينكم من ألم وانكسار ويأس

إلا أنى أستعطفكم أن تصمدوا فليس هذا الوقت مناسب

للاستسلام ..

أفيقوا.. تمسكوا ببعضكم البعض .. حافظوا على ما تبقى

من فكرتكم .. شدوا على أيديكم .. اربطوا على قلوبكم

اصبـــــــــــــــروا

واصـــــلوا المسيرة ولا تجزعوا ..

شيلى اسمى وحطى شهيد

شيلى اسمى يا مصر وحطى بداله شهيد


واكتبى من دمى لجْل أجيبلك بكرة العيد


هموت انا ويموت اسمى وتبقى أمى ..أم الشهيد

..

دى صورة الشهيد محمود سليمان توفى فى احداث

بورسعيد

كان عضو معانا فى صناع الحياه الشرقية بقاله 3 سنين

كان شغال فى مشروع انسان ومشروع العلم قوة

فكرة ان يبقى كلمة شهيد بتتقال على حد تعرفه..شئ صعب اوى

بكرة نازلين نطالب باسقاط حكم العسكر فى كل محافظات مصر

على الاقل عشان نوقف المجازر اللى بيعملوها ويقولك الطرف التالت

متنسوش تدعوا لمحمود

..

(جملة كتبت على احدى اللافتات فى 25-1-2012 )

نحن فكرة والفكرة لا تموت حتى لو مات اصحابها

مكملين ..

استمتعى بلحظة الوداع

استمتعى بلحظة الوداع .. متعيطيش ولا تخبيش وشك بين ايديكى

بصيلى اوى .. احفظى ملامحى وحطيها جوات قلبك


متسيبيش فى عينيكى نظرة حزن ..


ارفعى راسك وبصيلى فى عنيا اوى وقوليلى كل اللى جواكى


ومتخافيش.. مش همشى ابدا قبل ما اسلم عليكى


واقولك الى اللقاء .. وانا واثقة انه هيكون فيه لقاء - باذن الله -


متخليش اخر حاجة اشوفها منك دمعتك ..


استمتعى بكل لحظة فى اللُّقا .. ومتفكريش فى اللى بعد اللّقا


امسكى ايدى كويس اوى .. احضنيها .. دفيها


احضنينى ..اه احضنينى اوى ووصينى على نفسى


وقوليلى فى ودنى ..بحبـــــــــــك

بأى ذنبٍ قُتلت ؟؟

تتشابك الأيدى ..

تلتف يداه حولها برفق..

تستقر يداها على كَتِفه ..


خُطوة للوراء .. خطوتين للأمام .. والأعين تترقب


على أنغام موسيقاها المميزة .. تتراقص معه


يضمها إليه برفق ..


أقرب


أقرب


الآن


صرخةٌ تدوى منها .. تجحظ عيناها ناظرةً إليه ..


تتساقط منه مبتسمًا ..


يقتلها بخنجره ويشعر بلذة القتل ..


ليست الأولى ولكنه كان أول من أحبَّت ..


انتقم لحبه الأول الذى لم يكتمل فقتل بيديه من أحبته بصدق ..


ظنا منه أن كُلُّهن ســواء ..

ايوه كسرتنى ..

يعنى يوم ما أقرر اجيلك

وأكسر كبريائى واقولك قد ايه بحبك

ألاقيك .. مشيت !!

:(