عينيها ..

عينيها .. لم أرى فى حياتى مثلهما

تخبرانى بمدى نقائها

طيبتها

سكونها

تنظر إلى بتلك النظرة الحانية

وتخبرنى بأنى أسكنها .. فأرتعش

لم اكن فى يوم فى نقائها لتسكننى

او حتى لتتمسك بى

أحببتها كثيرا

لم أعهد عينين صادقتين مثل عينيها

عيناها .. تخبرانى بمدى حيائها

تحدثنى عن جمال السكينة

وروعة الهداية

أشعر وكأن نورا يشع منها

تسعدنى كلماتها

وتبعث فى قلبى الامل

والحياه

أشعر وكأنها حدث تاريخى فى حياتى

رغم أنها لم تتجاوز الحادية عشر

إلا أنى لم أرَ جمالا كجمالها

فعندما تكون الروح جميلة

فيصبح كل شئ جميلا

..

هناك أشخاص يغيرون حياتنا بابتسامة

او كلمة طيبة

وهناك أشخاص يسكنون فؤادنا بمجرد رؤيتهم

..

أشكركِ لأنكِ جعلتينى أشعر بأن الحياه بسيطة

لا تحتاج سوى كوب من الماء وقطعة شكولا

...

كلمتني على جنب

كل سنة وانتو طيبين عيد سعيد

^_^

بعض الألم

كل منا له وجه مظلم كالقمر

وأنا الظلام أصبح يغطى قلبى

أفشل عن التعبير

أرغب فى الألم

فقط ... بعض الألم لأبكى

أتمنى لو أن الدموع الحبيسة تنحدر

أتمنى لو أنها تغسل قلبى حقا

ولكنه اصبح أسودا

يكسوه الظلام وتعيش فيه الخفافيش

كلما حاولت اضاءته تنكسر شمعتى

الآن أعجز عن كل شئ حتى البكاء

..

أشرب بعض السم ليكوى أمعائى

لعلنى أشعر ببعض الألم

أحاول ان أتألم .. أبكى ولكن هيهات

فالدموع لاصحاب القلوب الرقيقة

..

أسمع صوته يخترقنى .. يعلن انتصاره

صيحات فرح شيطانية تخبرنى بأنه قد هزمنى

وأنى الآن تحت قدميه اعبد شهواتى

..

لماذا الندم الآن .. أفبعد الجريمة يجوز الندم ؟؟!!

لماذا لا نندم قبل أن نخطئ .. فلا نخطئ !!

.............

إلى متى ستظل تبنى حواجزا وأنا أبنى الجسور

ألا يكفى ما مضى ؟؟

ألم تخبرنى من قبل بأن الوحدة شئ مميت ؟؟

الآن تحاول أن ..... تُشعرنى بها !!

..

من جديد أبحث عن ... لن أقول أحدا يشبهنى !

لأننى لم أجد !!

ولكنى سأقول شيئا يشبهنى لعلنى أجد !

حاجاتى الصغيرة :)

عارفة إنى حساسة اوى وزيادة عن اللزوم

بس انا شايفاها حاجة كويسة

عالاقل لسة بحس

حاجات صغيرة ممكن تخلينى تعيسة

جداااا ومكتئبة

وحاجات أصغر ممكن تخلينى اسعد

انسانة فى الدنيا

..

فاكر لما حكيتلك عن الولد الصغير

اللى اهدانى وردة فى الجنينة اللى جمبنا؟

ساعتها انا حسيت إنى ملـــــكة

وكنت مبسوطة جدا

الوردة كانت اصفرة وصغيورة

حضنتها بايديا وبوستها على خدها

وحطتها فى كتابى اللى كنت بقراه ساعتها

..

طب فاكر لما قلتلى انك بتحــــــــــــبنى

وساعتها انا كنت اسعد انسانة فى الدنيا

وبصيتلك فى عينيك اوووى

ونزلت على خدى دمعاية صغننة

..

فاكر لما حكيتلك عن الضفيرة اللى ماما عملتهالى

وكنت فرحانة جدااااا يومها

حسيت بالحنان والدفا اوى

ومن ساعتها وانا بحب الضفاير اوى

..

فاكر لما قلتلك وعد؟

قمت بوست راسى ومسكت ايديا

كويس اوى وقلتلى ...وعد

:)

..

كل الحاجات اللى ممكن تبقى فى نظر الناس صغيرة

بتسعدنى اوى وبتخلينى طايرة من الفرح

ارجوك خليك دائما مهتم بحاجاتى الصغيرة

لانها الحاجة الوحيدة اللى بتسعدنى

^_^

تضامنا مع اسماء محفوظ

مدونين شرفاء من اجل مصر

هكذا نحن واذا ما حدث مكروه

لأحد منا

فينبغى الوقوف ومناصرة المظلوم

وانا متضامنة معاكى يا اسماء محفوظ

وربنا يرفع عنك الظلم ياااااااااااارب

مش فاهمة بجد ازاى مدنيين يتحاكموا محاكمات

عسكرية وبتهم بجد فارغة

وازاى احنا نسكت على كده

دا ذنبنا والله عشان مكملناش ثورتنا

ولسانا فى ايد النظام القديم المتمثل طبعا

فى المجلس العسكرى وليس الجيش

ازاى بنت زى اسماء هتعمل عمليات اغتيال

!!!! بجد كلام مستفز جدا

وازاى يخدوا كلامها اللى على تويتر والفيس

ويعملوه تهم ..هبل دا اسمه!!!

يعنى لو انا قلت عالفيس انى هقتل الواد الرخم

صاحب اخويا الصغير هيقبضوا عليا!!!!

بجد الواحد شاف حاجات تشيب ولســـــه

احنا اه دلوقتى اخدنا حرية

بس حرية مقيدة يعنى ولا كإننا حسيناها

للاسف عملنا نص ثورة بس

يـــــــــــــع عليــــــــنا

.....

كلمتين على جنب

أفتقد أناس كانوا معى أمس واليوم هم فى دوامة

الحياة

ليتهم يعودون فأبتسم كما كنت ابتسم من قبل

خاص مع جدى

ازيك ياجدو وحشتنى اوى

يارب تبقى فى مكان احلى واحسن

من هنا مليون مرة

يااااااه عدت سنة على سفرك

وانا لِسّــانى وحيدة من غيرك

من غير ابتسامتك ونصايحك

وحنانك

وحشتنى قد الدنـــــــــــيا دى كلها

وقد البحر كله

وحشتنى اوى يا صاحبى ..

..

شفت ازاى فرحتك وجبت مجموع

عالى السنادى

يارب تكون فرحت بجد

..

علا فكرة جنة دلوقتى بقى عندها 3 شهور

امبارح تمتهم

وبقت امورة اوى

كان نفسى تشوفك وتشرب من حنانك

زى ما شربته منك

..

نفسى اقابلك اوى واحكيلك عن اللى حصلنا

من بعد سفرك

وتاخدنى جوا حضنك الكبير وتضمنى اوى

وتعصرنى وانزل كل همومى جواك

..

كلهم بيسلموا عليك وبيقولولك وحشتنا

اوووووووى

..

عمو جارنا صاحبك سافرلك من اسبوع

يارب تبقوا مع بعض دلوقتى وفرحانين

عارف .. عمو صاحبك لما سافرلك استغربت اوى

مكنتش اعرف انكم كانت ليكم نفس الخاتمة

فى رمضان

يا بختكم...:)

نفسى انا واصحابى تبقى لينا خاتمة حلوة كده

..

عارف .. نفسى تبقى فى الجنة وتجيلى فى المنام تحكيلى

عنها وتقولى ازاى جمالها وازاى ناسها وازاى نهورها

..

عمرى ما نسيتك ولا هنساك

ومش عنت هعيط لما افتكرك

هبتسم .. لانك بتحب كده

وهفضل ادعيلك واستناك فى المنام

..

اللهم ارحم موتانا وموتى المسلمين

ياااااااااااارب

ربنا يرحمك ويرزقك احلى منزلة فى الجنة يااااااااارب

وتشوف النبى يااااااااااااارب

وتبقى سعيد ومرتاح يااااااااارب

..

مستنياك تطمنى عليك

:)

سنطير سويا..

سنطير سويا...

ولكن هذه المرة

ليس الى روما او باريس

ولكننا سنطير الى جنة الخلد باذن الله

عقب انتهاء مهمتنا فى هذه الحياة

لا تجزعى فهى حياة قصيرة ستنتهى

الان او غد .. لا ادرى

ولكنى على يقين بان الراحة هناك

..

هناك لا يوجد ارق ولا تعاسة

هناك ارض السعادة

إلى ما لا نهاية

...

سويا سنبقى وستختفى المسافات التى

فرقتنا فى الدنيا

كم هى حقيرة هذه الدنيا

..

أوااااه يا قلبى فلتصبر

ولتتقِ الله

..

سنموت سويا شهداء

باذن الله..كما نتمنى

وندعو الله

ولن يحرمنا الله من هذه الشهادة

اذا كنا صادقين

..

لا راحة فى الدنا

فالشقاء فيها اكيد

ولربى اشتياقى ودعائى

فارزقنا يا الله جنة ونعيم

انا كدا .. اسبرايت

نظرا لكمية السهوكة والتجمل ومحاولة اظهار الواحد لنفسه فى احسن صورة

قررت انزل البوست دا

انا كدا ................... اسبرايت

^_____________^

انا كدا طويلة ورفيعة عادى يعنى

ومش كل ما واحدة تشوفنى تقولى انتى خاسة كده ليه

!!!

هو انا اصلا امتى تخنت عشان تسألونى السؤال السخيف دا

..

انا كدا عصبية وعنيدة وغيورة ومهملة ونفسى قصير

وبتفرس اوى من اللى يقولى - وانا متعصبة -إهــــــــدى

..

انا كدا مبحبش انزل صورى عالفيس بوك عشان حد يعملى

لايك او يكتبلى كومنت مكتوب فيه سوووووو نيس بيكتشر

بحس بسخافة ..!!

..

انا كدا بحب التفاصيل جدااااااااا

وبعشق الشرابات والجوانتيات والبطاطا والالوان والاقلام

وشنط المدرسة

..

انا كدا بحب البس الساعة فى ايدى الليمين وبستريح فيها

كده ومحدش يشوفنى ويقولى ايه دااااااا

هو فيه حد بيلبس الساعة فى ايده الليمين!!!!

ساعتها هيبقى ردى ....انا مع ابتسامة عريضة ^_______^

..

انا كدا مبحبش سهوكة البنات والمياصة دى

وجربت كتير اكون رقيقة كده زى

البنات الطبيعيين بس معرفتش

هههههههههه اموت نفسى يعنى

..

انا كده بحب الكوتشيات اوى والشنط اللى بتتلبس عالكتفين

عشان مريحة..ومش هيفرق معايا الشكل اوى

..

انا كده مبعرفش امشى فى الكعب العالى وكلامى كله

بالعربى مش نصه انجليزى او فرنساوى

ومبعرفش اقول مامى وبابى

على رأى مريم صحبتى .. الله يرحم ايام امى وابويا

..

انا كدا بسمع اغانى هادفة بس ومنيش منقسمة لحزب طمورة

ولا لحزب الحج ابو دياب

..

انا كده بحب الباسكت والقراية والتصوير اووووى

وبعشق السفر والموسيقى والشكولاتة

..

انا كدا على طبيعتى احلى بكتير واسعد

مبحبش التكلف والتجمل والسعى للظهور فى

صورة مش صورتى

..

انا كدا شخصية معقدة وبحب المعقدين اللى زيي

وبفكر افتح نادى واسميه نادى المعقدين

^___________^

توبة

قال الله تعالي بكتابه العزيز :

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ

لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا

إِنَّهُ هُوَ الْغَفُورُ الرَّحِيمُ ))

صدق الله العظيم
...