مدونين شرفاء من اجل مصر
هكذا نحن واذا ما حدث مكروه
لأحد منا
فينبغى الوقوف ومناصرة المظلوم
وانا متضامنة معاكى يا اسماء محفوظ
وربنا يرفع عنك الظلم ياااااااااااارب
مش فاهمة بجد ازاى مدنيين يتحاكموا محاكمات
عسكرية وبتهم بجد فارغة
وازاى احنا نسكت على كده
دا ذنبنا والله عشان مكملناش ثورتنا
ولسانا فى ايد النظام القديم المتمثل طبعا
فى المجلس العسكرى وليس الجيش
ازاى بنت زى اسماء هتعمل عمليات اغتيال
!!!! بجد كلام مستفز جدا
وازاى يخدوا كلامها اللى على تويتر والفيس
ويعملوه تهم ..هبل دا اسمه!!!
يعنى لو انا قلت عالفيس انى هقتل الواد الرخم
صاحب اخويا الصغير هيقبضوا عليا!!!!
بجد الواحد شاف حاجات تشيب ولســـــه
احنا اه دلوقتى اخدنا حرية
بس حرية مقيدة يعنى ولا كإننا حسيناها
للاسف عملنا نص ثورة بس
يـــــــــــــع عليــــــــنا
.....
كلمتين على جنب
أفتقد أناس كانوا معى أمس واليوم هم فى دوامة
الحياة
ليتهم يعودون فأبتسم كما كنت ابتسم من قبل
هناك 10 تعليقات:
انتى قولتى المفيد ياساره
المشكله اننا عملنا نص ثوره
وده مصير اى حاجه مابتكملش
لكن انا برضه متفائله وحاسه ان بكره احلى
(:
ان شاءالله اكيد بكرة احلى
يا ديدى
بس الظلم..طعمه وحش
وكان ممكن يكون اى حد فينا
مكان اسماء دلوقتى
قلتى كل الكلام ياساره ..
رأيى نفس رأيك .. يمكن بجد بكرة يبقى احلى ولو شويه
ربنا معانا
تحياتى يا قلبى :)
الناس اتقسمت اما ضد الثورة لان الوضع هو هو..مفيش جديد محاكمات عسكريه وشغاله
تعذيب ولا زال..الرشاوي ..الوسايط كل حاجه زي ماهي..وكماااان فيه اجراااام
وناس فرحاااانه بالثوره وعاجبها اللعبه اللي خلصت وعمالين فرحانين بان العالم بيحكي ويتحاكى عنهم...ودول بالذات متخدرين بمحاكمة مبارك وولاده ووقفتهم ورا القفص...ياااااه على الانجاااااااز...وقفو محلك سر وهيضيعو كل اللي اتعمل
المشكله ان الناس في مصر مش عندها وعي سياسي...الثقافه ده مش عندها
وعلى جنب مين دول اللي انتي مفتقدااااهم
تحياااتي
والله الواحد ما عارف بقى يرد على مين ولا مين ولا يقول ايه
يعنى الواحد يلعن فى المجلس
ولا المرشحين اللى بيستهبلوا ومفيش اى موقف غير الموقف اليتيم بتاع اثلشيخ حازم صلاح
والمدونين اللى بيتشتموا زى نواره
حاجه مبقاش الواحد عارف يعلق عليها ازاى
خصوصا اللى حصل فى اسماء ده الواحد مش فاهمه نهائى
حاجه غريبه قوى
يعنى دى باينه قوى انها محبوكه
لكن مش بالشكل ده
دهاسمه استهبال رسمى
زهرتى
ان شاءالله يبقى احلى حتى لو ملحقناش نعيشه بس يكفينا اننا حطينا حجر الاساس
:)
نورتييييييييييينى يا زهرتى بجد
^______^
داددا
عندك حق فعلا لان لو فيه وعى كان الموضوع فرق كتير
بس ربنا يجعل اللى فيه الخير يارب
..
احم احم
ناس كتير فى الواقع
..
^________^
The illusionist
فعلا موقف الشيخ حازم صلاح اثبت انه مع الحق
وكمان ناس كتير اعلنت تضامنها مع اسماء
ومنهم الاخوان
..
هو فعلا استهبال
والفكرة اننا لازم نحس بالظلم اوى
عشان نكمل الطريق ونمنع الظلم انه يوصل لاولادنا من بعدنا
..
أسعدنى مرور حضرتك
ودمت بخير
انتي متأكدة إنك إخوان :D ?
مش قصدي إهانة أبدًا
أنا قصدي إنك فاهمة حاجات كتير و مختلفة عن أي إخوانجية دخلت معاها في حوار قبل كدا :)
بجد
المحاكمات العسكرية لازم تتوقف !
إذا كانوا مش واثقين في القضاء المدني فليه محولين مبارك له ؟؟؟!!
للأسف جدي كان معاه حق لما قالي الثورة مش هتكمل إلا لما الثوار يمسكوا البلد
يومها قلت له يا جدو احنا ثورة سلمية و مش طمعانين في الحكم
بس هو أصرّ على موقفه و كان معاه حق فعلاً !
أنا متضامنة مش بس مع أسماء محفوظ بل مع الـ12 ألف محبوس في السجن الحربي !
تحياتي لكِ :)
سارة
هههههههههههههههه
اها اخوانية يا بنتى الحمدلله
وعلافكرة الاخوان كانوا متضامنين مع اسماء محفوظ
بس انا اكتشفت الموضوع دا متأخر بعد ما كنت اعلنت انضمامى خلاص
..
والاخوان بجد ليهم فضل كبير عليا اوى فى حاجات كتير فى حياتى
لكن مفيش اى مانع انى ممكن اختلف معاهم فى الرأى
واى حاجة يقولوها لازم اشغل دماغى فيها الاول
..
صدقينى كلنا بشر وكلنا لينا هفوات
ودا الطبيعى
..
وانا متضامنة معاكى مع كل اللى المدنيين اللى بياحاكموا عسكريا
لان دا ظلم
واى عقل بشرى لازم يرفضه
..
نورتينى يا جميل بجد
^________^
إرسال تعليق