بوست شخصى ,,
بفضى اللى جوايا وبس عشان مموتش من الكبت ..
خذلتنى تانى وتالت ورابع
وانا تعبت .. اه تعبت من التبرير والتوضيح والكلام اللى مبيملاش الفجوة اللى بيننا
الفجوة تاريخها من اول يوم استنيتك فيه وملقيتكش
كنت مشغول .... ومقتنع انك طالما مشغول انى مش من حقى احس بالفجوة دى
رغم احتياجى ليك !!
انت غريب اوى ...
عرفت اكتر شئ بيضايقنى ايه وعملته
لأ ومش مرة .. انت عملته مليون مرة
وعايزنى اسامحك .؟!
هو انا جبل ؟ ولا انا ايه بالظبط !
...
رغم انى بحبك قد الدنيا زى ما قلتلك قبل كده
إلا إنى بكره اكون حد ثانوى فى حياتك
خلاص مش قادرة
سامحنى
لازم أمشى....
...
تعبانة جدا لانى قررت امشى
وعارفة انى هكون لوحدى ومش معايا حد يشاركنى
احلامى ولا طموحاتى ولا اى حاجة من هبلى
بس الفكرة انك فى الفترة الاخيرة تخليت عن مشاركتك ليا فيهم
فالأمر دلوقتى اختلف
وزى ما بيقولوا وجع ساعة ولا ألف ساعة
...
محتجالك رغم كل كلمة قاسية قلتهالك عن الرحيل
:(((
هناك 10 تعليقات:
حلووووووه جداااا :) مكنتش اعرف انك موهوبه كده من ورانا ^__^
بنوتة مصرية
ربنا يخليكى
الفكرة انها حاجة طلعت من جوا اوى ..بس
..
منورانى :)
وجع...
بس بحب
يعني كلمة واحدة بس
ممكن تطيب الجرح ده
:)
أنا هنا علشانك
عندك حق يا رضوى
بس الوجع المرادى جامد
او يمكن تقولى
القشة اللى قسمت ظهر البعير
...
ربنا يخليكى ليا بجد
<3
بنحتاج ليهم رغم انهم اذونا يمكن غبائنا
ويمكن لأن الاحتياج هو اللى غبى مبيفرقش بان كان الانسان اللى بيحتجله ده وجعه قبل كدة واصر ع الوجع ولا لأ !
اعتقد انك لازم تهربى منه باقصى سرعة وترمى الاحتياج ودوسى عليه مش هاينفعك !
ولأنى الاولى انى انصح نفسى .. هأدعيلنا بقى انا وانتى يا سارة :)
يارب
باسنت خطاب
ايوا ادعيـــــلنا يا باسنت اوى
ويمكن لأن الاحتياج هو اللى غبى مبيفرقش بان كان الانسان اللى بيحتجله ده وجعه قبل كدة واصر ع الوجع ولا لأ !
عندك حق
احتياج موجع ..
...
نورتينى يا بسنت :))
ربنا يخليكى ليا
المهم انى مش هاعلق ع البوست
على قد ما هاعلق على حاجة لفتت نظرى وخلتنى افتح بوقى
سيادتك شرقاوية وزوقازيقية كمان
وعندك مدونة منذ قديم الازل
ومااعرفش عنك ايتها حاجة غير من فاتيما
يعنى زومل واحنا منعرفش :D
بس نستفيد من ده ايه ؟؟
ان دنيا البلوجر ضيقة سعادتك
^_^
بيطرية ومش بايدى
^___________^
هههههههههههههههه سعادتك لوحدها تكفى عشان تخلينى افطس من الضحك على الكومنت بتاعك
انا اصلا بفرح اوى لما الاقى حد مدون من الزجازيج حدانا
منورانى بجد
ولازمان اشوووووووووفك لازمااااان يا زومل ^_^
^_^
جشطات اصيدلانية احبيتشى :)))
انا عندك ع الفيس على فكرة
ضيفتك قريب وانتى قبلتى
وغيرت الاسم دلوقتى وهابعتلك انبوكس
وكلمة السر
عوووووووو :D
حددى الزمان والمكان
ونعمل لقاء تدوينى على قدنا ف زوقازيقنا العبيبة :))
هع هع هع
ضحكة شريرة
^_^
إرسال تعليق