مش هنعجز أبدا ..

" أنا عجزت يا سارة :( " 

.....

لا والله يا صحبتى .. مش هنعجز أبداااا

 اه هنعجز هنا وهنتعب هنا وهنموت .. هنموت هنا 

 ..

 

لكن هناك .. أبدا مش هنعجز ولا هنموت

ولا هنزعل ولا هيجيلنا نوبة فزغ ولا أرق بالليل

ولا هنعيط جوانا من القهرة ونسكت

ولا هنبات فى يوم خايفين من بكرة

ولا هنشيل من بعض ..

..

عارفة انا مستنية الجنة أوى

مستنية المكان اللى هنفرح فيه أوى

وهيجمعنى بكل اللى بحبهم وفارقونى

نفسى ندخل الجنة سوا انا وانتى .. ايدينا مشبكة فى بعض

..............

اوعى تقوليلى تانى انك عجزتى .. لانك مينفعش تعجزى

الروح مبتعجزش .. الجسم بس

وانتى روحك هتفضل قوية .. ولازم تفضل كدا

لانى روحى بتستمد من روحك قوتها .. 

ولو عجزت روحك .. فهتكونى حكمتى عليا بالعجز زيك ..