مات حبيبى

بسم الله الرحمن الرحيم

توفى الى رحمة الله تعالى

جدو فوزى الشامى

جدى حبيبى مات

ولقد اصبحت يتيمة من بعده

وانا اعنيها حقا

فلقد كان امى وابى

وكان اخى وصديقى

كان احن شخص عرفته فى دنيتى

كان كل حاجة حلوة فى حياتى

...

قلى يا جدى

لما اكون تعبانة ومهموهة اروح لمين

لما احس بالخوف والضعف انام على فى حضن مين

لما توحشنى اعمل ايه؟؟

...

قلى يا جدى

لما اتكرم فى المدرسة

واجرى على البيت فرحانة بالشهادة

اقول لمين وافرحه معايا ؟؟؟

ومين هيطلع 10 جنيه من جيبه ويديهالى؟؟

قلى يا جدى

ليه سبتنى لوحدى؟؟؟

فاكرنى هقدر على الدنيا لوحدى!!!!

لا يا جدى دنا والله طلعت اضعف من كده بكتير

محتاجة لحضنك اوى

وطبطبتك عليا

محتاجة لنظرة عينك اللى كلها امل وتفاؤل

محتجاك يا جدى

....

الله يرحمك يا جدى ويحسن اليك

الحمد لله نحتسبها حسن خاتمة يا جدى

انك مت وانت نازل تودى الزكاه

وكنت متوضى ومصلى الضهر قبل

ما تنزل

وغير ده كله مت يوم الاتنين وكنت صايم

وده اللى مريح قلبى ومسكنه

........

البقاء لله

حملة جديدة ووداع

السلام عليكم ورحمة الله وبركاته

كل سنة وانتم طيبييييييين

رمضان كريم....^_^

...

بدأ رمضان ولكن هل بدأ

حقا فى داخلنا.....

لو سألنا نفسينا ليه مبدأش جوانا

ومش حاسين بيه

هنلاقى اسباب كتير

منها

1- احنا مستعديناش فى شعبان كويس

مكنش شغلنا فيه على الوجه الاكمل

2- داخلين رمضان مش محددين هدفنا

مش عارفين احنا داخلين ليه

مش كاتبين ال 30 دعوة بتوع الفطار

مش محددين 5 او 6 دعوات ندعى بيهم

طول الشهر زى ما الصحابة رضى الله

عنهم كانوا بيعملوا

.....

الحاجات دى منها اللى فات ومش هنعرف نعمله

ومنها اللى لسة قدامنا فرصة نكمله

مش عازين نقف ونتكاسل

مفيش وقت

رمضان بيجرى بجــــــــــــــــــــــــــد

....

حملتنا بقى السنادى

حملتنا مقاطعة مسلسلات رمضان

لو انتى قوى الارادة هتقدر على نفسك

وهتقدر تقاوم

لو انت ضعيف..يبقى معطلكش بقى

احنا شغلنا مع الكبار بس..^_^

...............

برامجنا فى رمضان

صراحة دى اكتر برامج بحبها وهتابعها كلها ان شاء الله

1- مصطفى حسنى فى برنامج مدرسة الحب

وبييجى على اقرأ الساعة 10 وتلت بالليل

2- عمرو خالد فى برنامج رحلة للسعادة الساعة 5 ونص العصر على المحور

والساعة 1 الظهر على قناة الرسالة

والساعة 4 صباحا على الرسالة بردو

3- معز مسعود فى برنامج الطريق الصح مع معتز الدمرداش

4- الشقيرى فى خواطر 6 على

mbc

.......

واخيرا وليس اخرااااا

فرحة بعودتى الى ارض الوطن يوم الجمعة ان شاء الله

دعواتكم ان اصل بالسلامة

واخييرا سأعود الى بلــــــــــــــــدى الحبيبة مصر

...احن وكم يؤرقنى حنينى حقا...

بس ده معناه انى رايحة للدروس عععععععع

وهبدأ مرمطة ان شاء الله لانى فى ثانوية عامية عقبال

عنديييييييكم

وللاسف متابعتى لمدوناتك هتقل

بس ان شاء الله هحاول اخليها مش تقل اوى

ولكن دعواااااتكم بقى ومتنسوش حملتنا وبرامجنا

وتعالوا زورونا..^_^

رمضان كريم..^_^

كل سنة وانتم طيبين يا احلى مدونين

وحوى يا وحوى ايوووووووووحة

وكمان وحوى ايوووووووووحة

روحت يا شعبان..جيت يا رمضاان

وحوى يا وحوى ايووووووحة

....

^_^..انه رمضــــــــــــــــــــان

متضيعش ولا فسوة فيه

محدش عارف ربنا هيعيده علينا تانى ولا لأ

...

رمضان كريم

حتى لا تموت الروح

حتى لا تموت الروح

رواية اسلامية رومانسية كما يطلقون عليها
..
رواية لزوجين وطريق كفاحهم من قبل زواجهم

حتى وفاة منال...التى توفت بمرض خبيث
...
رواية مهما قلت فى وصفها فلن اوفيها حقها

فهى حقا اثرت فى كثيرا وجعلت دموعى تنساب

على خدودى كأنها - حنفية مية مفتوحة -

لاننى للاسف اعتدت ان تكون نهاية الافلام

هي رجوع الحبيبين الى بعضهما

ولكن - حتى لا تموت الروح - لم تنتهى بالعودة

وانما انتهت بالفراق ..انه الفراق الابدى

......
مش عايزة اتكلم عن الرواية كتير

لانها محتاجة تتقرى مش ينفع حد يحكيلك عليها

بس عايزة اتكلم عن اثرها عليا

.. لقد ثبتت بداخلى مبادئ اوشكت ان اكسرها

لقد اثبتت لى حقا ان المادة ليست كل شئ

ولكنها ليست شيئا اساسا...

علمتنى ان من يصبر ينال

وصراحة من بعد ما قريت الرواية

قررت قرار هام معرفش ده من تأثير الرواية

ولا من تأثير مفاهيم جوايا

المهم انى قررت انى اقفل قلبى بالضبة والمفتاح

لاى حب حرام وانتو فاهمين كويس قصدى..^_^

وان مش كل من هب ودب ينال شرف اعجابى بيه

وده مش غرور ولكنه ايمانى بان مشاعرى

وقلبى هو اهم ما املك

وان قلبى لن يملكه سوى ربى

وان حبى لن يكون الا لشخص واحد فقط

عندما يحين وقته..

ولن ادع قلبى طليقا

سأقيده..حتى يستريح فى المستقبل

سأحافظ على مشاعرى واجعلها نقية رقيقة

بيضاء

ولن اعرضها لجرح او كسر من اي من كان

سأبقى مريمية..
..
البوست كاتباه بعد انتهائى من قراية الرواية
مباشرة فممكن يبقى فيه تضارب فى الكلمات
او حبة لغبطة نظرا لنهاية الرواية المأساوية

الدنيا لسة بخير..^_^

كان يتجه للمسجد ليصلى العشاء

وكاد ان يدخل المسجد الا انه وجد شابا

واقفا امام المسجد...

فوضع يديه -الكبيرتين حقا فلقد كان عملاقا-

على كتف ذلك الشاب برفق وحنية

وقال : ما تيجى تصلى معانا يابنى العشا فى المسجد

وابتسم له

.......

لم انتظر لارى بقية الموقف فقد كنت كالعادة - مستعجلة -

ولكن ما لفت نظرى حقا

هوه ان ذلك الرجل كان ملتحى

مهو ملتحى اهو يا رداااالة وكويس

اصل الاعلام والناس ادونى فكرة ان الملتحين دول

خط احمـــــــــــــــــــــــــــــــر

وانهم متعصبين وانهم مش عارف ايه ومش عارف ايه

ومش عارف ايه... ما بالراحة عالخلق شوية

...

عجبنى جدا الموقف ده وحسيت ان المسلمين لسة فيهم خير

وان الدنيا لسة فيها ناس طيبة وكويسة

وطول ما الناس دى لسة موجودة

فالدنيا لسة بخير....^_^

يارب

اسألكم الدعاء...

...

حوار بين عقلى وقلبى

مش قادرة افهم ليه بتعمل معايا كده؟؟!!!

...ممكن تبقى هيه متضايقة ....

بس ليه مقالتش؟؟

...منتى يا سارة متحبيش ترغمى حد انه

يحكيلك زى مانتى مبتحبيش حد يرغمك

على حاجة

بس دى مرايتى وصحبتى واختى

ولما بتكون جوايا اى حاجة بقولها

حتى لو حاجات عادية

...ممكن تبقى هيه صاحبتك بس انتى مش صحبتها

لأ ازاااااى هيه قالتلى اننا صحاب

واخوات كمان

...انتى طيبة اوى يا ياسارة هوه اى حد يقولك

اى حاجة تصدقيها

يعنى ممكن تبقى قالت كده عشان متكسفنيش؟؟؟

...اه طبعا مش بعيد

لا يا عقلى انت اكيد مش فاهم

...انتى اللى مش حاسة انك مجرد حد عادى مش مميز

فى حياتها

انت مش فاهم صدقنى ..بكرة تفهم

...افهم ايه بس يا سارة

احنا بيننا عهد ولو مكنتش وافقت عليه كنت ممكن اصدقك

...وانتى شايفة انها عملت بيه؟

اسسكت بقى معرفش معرفش انت ليه عايزنى ابعد

انا مصدقت الاقيها

...يمكن هيه مش مرحبة بيكى بس مش عايزة تجرحك

بس انا ..... انا...ايه اللى بتقوله ده

...نفسك تقولى حاجة؟؟

نفسى اقول حاجات بس هيه تسمعنى

نفسى اقولها انى حبيتك اوى ومصدقت لقيتك

لانى لقيت اختى لقيت الحد اللى شالنى فى حاجات

كتيرة اوى..لقيت الحد اللى احتضنى فى مواقف

معرفش كنت هعمل فيها ايه لو كنت لوحدى

لقيت النور اللى خد بايدي بعد ما كنت فى ضلمة

ولوحدى

بس انا مش عايزة اتقل عليكى فى حياتك

يكفينى انى اشوفك مبسوطة وفرحانة

خلى بالك من نفسك ......

صدقينى مش عارفة هوه في ايه

ولا الدنيا مالها ولا انا فاهمة غلط

ولا صح

صدقينى مش عارفة فين الصح من الغلط

سامحينى لو كنت غلطت فى حقك فى يوم

ولو كنت عملت فى يوم حاجة تفرحك

مكنتش بكون عايزة مقابل غير انى اشوف

ابتسامتك وفرحتك فى عينيكى

بس...

...خلصتى كلامك يا سارة

مهما قلت مش كفاية بس بشكرها على الايام

الحلوة اللى قضيناها مع بعض

همه مش ايام همه سنين

...متستعجليش يا سارة ممكن تبقى فاهمة حاجات

كتير غلط

اتمنى اكون فهمت غلط

اوقات بتتصرفى بغرابة وببقى نفسى افهم ليه!!!

عندى ثانوية عامية ^_^

حسنة قليلة تمنع بلاوى كتيرة

الاهى يكرمكم قادر يا كريم

ياجماعة ارفعوا من معنوياتى

داخلة على ثانوية عامية ومحتاجة

دعوتين حلوين ونصيحتين لوووز

وسمعونا سلااااااااااااام

انا مهما زاكرت بدبلر ..انا مهما زاكرت

بشيل ..مش ممكن يوم هتقدم

مش ممكن اجيب تقدير....^_^

مأساة كاميرا...قصة مبنية على احداث حقيقية

موقع الجريمة....اهئ اهئ اهئ

صحيت الصبح بدرى وقعدت استعد بقى

لرحلة جميلة مع العائلة السعيدة

المهم بدأنا رحلتنا ولله الحمد ورحنا الى

الكومو-مدينة فى ايطاليا-..مدينة وهمية كلها جبال بجد فيها جمال رباااااااااانى

رهييييييييب

المهم رحنا لمكان زى رصيف على الشارع كده ونازل بسلمتين

وتلاقى البحيرة

بحيرة الكومو..حاجة كده مشهورة اوى..^_^

المهم قعدنا على الرصيف وقعدنا نفطر واتلم الحمام والعصافير

والبط حوالينا يفطروا معاانا..امال هنفطر لوحدنا لازم ونس بردو

المهم

از فجأة معرفش ايه اللى حصل

وقمت وقفت ويااااااااااارتنى ما وقفت

وفحأة لقتنى برجع برجع برجع

ووقعت فى البحيييييييييييييييييييييييييييرة

وغرقت فى شبر مييييية وانا مبعرفش اعوووووووووووم

واتفضت قدام السياااااااااااااااح يا جودعان

المهم انى از فجأة بردو لقيت كاميرتى غرقانة جنبى

هعهعهعهعه..

.وحسيت انها بتنادينى وتقولى ساااااارة

الحقيييييييييييينى

وقعدت الطش فى المية واتزحلق طبعا

وكل ده وانا حاسة انى بحلم وان حد هييجى

يصحيييينى

ولكنى فوجئت بصوت ماما بتقول سااااااااارة بنتى اررررررررجعى

ولقيت الحج الوالد جه والتقطنى من بين افواه الميه الشرسة

المفترية الله يسامحها بقى

وبعد ما طلعنى من البحيرة بابا انقز الكاميرا..

وزى ماتكون خير اللهم اجعله خير

ازازة مية ..قعدت تنزف تنزف تنزف تنزف بشده

ععععععععععععع

واستعوضنا ربنا فيها

وقلت البقاء لله فيكى يا كاميرتى وحسيت كده خير والله اعلم

ان بابا وماما بس هيكلونى ومشفقين عليا فى نفس زات الوقت

..^_^

وانا اقولهم انا كويسة الحمد لله فدايا فدايا ..المهم انى بخير..^_^

لكنى لا انكر انى حسيت بتأنيب الضمير بردو

...وفقدنا الامل..البقاء لله فيكى يا كاميرتى

...

...

...

...

والمفاجئة ان الكاميرا اشتغللللللللللت

سبحان الله..^_^

صناع الحياه..^_^

قبل ما اروح صناع كنت واحدة عادية

وعايشة عادى وحياتى عادية

وكانت اهدافى عادية...كله عادى

يعنى مفيش تجديد

مفيش تطور

مفيش تغيير

وقررت اعمل حاجة فى حياتى

وروحت صناع الحياه

بدأت اشتغل واحس بمعنى الحياه

واحس يعنى ايه تسعد حد زعلان

وتمسح على راس يتيم وتحسسه بحنانك

وبدأت احس يعنى ايه اسرة فقيرة

اللى كنا بنشوفها فى التليفزيون

ويعنى ايه ناس غلابة محتاجة بس حد يبتسم ليهم

ويقولهم انتو مش لوحدكم..

حسيت بجو من الحب للعطاء..

الكل بيدى بلا مقابل

ولا نرجو الا اجر من الله

حسيت بتعاون وحب بين الاعضاء

حسيت انى بين اهلى

حسيت انى بعمل حاجة...الكلمة دى كبيرة اوى

صحيح تعبنا واشتغلنا وكنا بنسهر مع بعض نحضر

لمشاريع واجتماعات وافكار

بس ده مكنش ببلاش

لان ربنا ادانا حاجات كتيرة اوى

ادانا نفس سمحة صبورة

ادانا حب للحياه وللناس

ادانا صحبة صالحة وحط تحتها عشرين خط

ادانا امل وتفاؤل وخبرة

..

كنا زمان لما كنا عاديين كان لما حد يقولنا

مطلوب منكم تحضروا لحفلة او اجتماع كبير مهم

كنا بنحس ان ده عمل كبير اوى والموضوع صعب وازاى ومش عارف ايه

بس لما بقينا صناع لقينا الموضوع سهل جدا

وعايز حاجات بسيطة

..... ربنا بيسهل علينا حاجات كتير وبيرزقنا من حيث لا نحتسب

انا معرفتش معنى الحياه بجد الا دخلت صناع

............

بجد يا جماعة اللى مجربش العمل التطوعى لازم يجررررررررررررررررربه

بما اننا فاضيين وقاعدين فى البيت ما ننزل نعمل حاجة

ونساعد فى نهضة امتنا ونشتغل

مينفعش نقعد ننادى بالنهضة واحنا قاعدين فى البيت

دعوة للعمل ......لـــــــــــــلـــــــــــه

اشتغل عشان ربنا ...مش دايما بندعى ونقول

اللهم استخدمنى ولا تستبدلنى

طيب يلا مستنى ايييييييييه خلى ربنا يستخدمك وتشتغل عنده

........................

وده احدث حاجة شغالين فيها حاليا شنطة رمضان وده البوستر

والله المستعان ..^_^