مالك ؟!

وانا اللى كنت فاكرة ان العيب مش فيا .. وانى انا اللى اتظلمت

بس تصدق انك طلعت صادق وانى انا اللى مستاهلش !

كل ما الواحد يكتشف نفسه ويشوف قدره فى عيون اللى قدامه

بيحس انه فعلا كان فاكر نفسه حاجة .. واتخدع 

..

اوعى تضغط عليا وتخلينى أقولك سرى العظيم .. متعرّنيش

وفى الاخر تقول معلش 

انا كدا بخسرنى وبتقتل بنظرة الشفقة اللى فى عنيك !

..

اصعب حاجة فى الدنيا ان حد يفضل وراك لغاية ما يوقعك

عشان اول ما تقع يكون اول واحد يمدلك ايده 

ويكون ليه فضل عليك انه قومك !! .. 

..

وانا كل ما بقرب بكون خايفة تحرقنى .. سامحنى لما أتردد

عشان بخاف .. وهفضل اخاف 

..

كل يوم بتقرب فيه منى بتكتشفنى اكتر وبيبانلك كل اللى جوايا

أوقات بتصعب عليا .. بحس انك عايز تبعد بس مش عارف

تعبت من خوفى عليك منى .. أرجوك لو تعبت منى ابعد 

وانا هفهم .. 

سامحنى على كل شئ عملته فيك .. وسامحنى قبل الرحيل

..

نفسى ابطل عياط بعد كل حاجة حلوة بتحصلى فى حياتى

نفسى احس السعادة بجد .. 

..

جينا الدار نسأل عالحبايب .. لقينا الدار بتبكى عاللى غايب

.. 

جدو .. مفتقداك أوى :( ربنا يرحمك يارب

ياللى بتوجعنى ..

وأنا اللى قولتلك قبل كدا إنى مبعرفش أحافظ على حد

حتى لو كنت بحبه ...

دايما نصيبى كدا .. كل ما أحب حد أضيعه

...

كنت بس عايزة أقولك انك وانت بتعاتبنى كنت عايزة أرمى نفسى جوا حضنك

وأعيط .. 

....

نزلت من عندك , مشيت , وصلت لحد البيت  .. 

مش عارفة أروح , عنيا بتدمع , وبدارى ..

قررت أرجع تانى يمكن أعرف أعيط قدامك , شوفتك , وقفنى كبريائى وحبست دموعى 

فرجعت زى ماجيت ...

...

كفاية تقول مش فارقة

لأنها المرادى فرقت معايا أوى

...

وانا اه بخاف ..

بخاف أوجعك فبوجعك .. بخاف أبعد فببعد .. بخاف أخذلك فبخذلك

ممكن بقى بدل ما تعاتبنى على خوفى .. تعلمنى ازاى مخافش ؟

...

احساس انك مش فارق مع حد بتحبه .. اكتر شئ يخليك تبعد

...

كل شئ كرهته فيكى .. ربنا ابتلانى بيه 

سامحنى يارب ..

يا الله ..

عندما تتشوه الارواح بالخطايا والذنوب فلا تخجل من عصيانها

حينها تستلذ بالمعاصى وترضى العباد على حساب الرب

فتُحرم من القرب ... ويبدأ القلب الحى فى الخضوع 

ذنب هنا .. ذنب هناك .. بلا حياء

والقلب يتلوث بسواد ما اقترفنا .. 

ويصيبه الذل .. ذل للمعصية التى لا يقوى على مجابهتها

فيغرق فى بحر الشهوات ويتعفن !!

...............

يارب ضاقت بى الدنا وأنت وكيلى وربى الكريم

فتول أمرى وارضنى وارض عنى يا الله !

سُم الكلمات ...

كالـُّسم تكون كلماتى حين تغضبنى !

تخترق قلبك وتؤذيك حتى الوجع 

.. 

" حادّة " أنا , هكذا أخبرتنى منذ زمن بعيد

حين آلمتك أول مرة وكرهتنى ..

لكنك استجمعت كل قواك وقررت الصمود .. علنى أتغير

وتختفى " حدتى "

ولكنى فى كل مرة أخذلك وأسُّمك بكلماتى , فتزداد كرها لى !

..

لا تفكر كيف تغير حدّتى ولكن فكر كيف لا تغضبنى 

, إرضائى سهل .. فأنت تعلم أنى حين أحب "أعشق " ولست فقط أحب !!

حين أحب ... آهٍ يا قلبى .. مرات قليلة ,تلك التى تركت لقلبى عنانه ليحب

, فصفعنى الألم حتى أفقت من ذلك الوهم الكبير ..

ثم جئت أنت ..احتويتنى بكل ما فى حتى حدتى ولكنك لم تسلم من تشوه روحى !

كنتُ نقية , صدقنى , ولكنها الأيام تأبى أن تتركنى هكذا  ..

" فأنت النسخة الأنقى منى " .. لهذا تعلقت بك بجنون ..

..

 أتعلم ما المؤلم فى الأمر ؟

أن الكلمات تبقى بعد موت كاتبيها .. فلا تُنسَى ,

وأنا أخشى عليك من كلماتى بعد موتى ..

أخبرتك أن لكل كلمة " حالة " وتنتهى 

ولكنك لم تصدقنى .. أجبرتنى على الاعتراف بأنى وبختك يوما 

فى كتاباتى وقد اعترفت .... والآن أندم !

أندم لأنك أغلى من أن توضع داخل ذلك القالب الوضيع الذى

وضعتك فيه حين أغضبتنى وأصبتك بسُم كلماتى 

" حتى أنت لم تسلم من شرّى ! " 

عانيت كثيرا معى ومنى ولأجلى .. وانا لم أستطع يوما أن أشكرك !

أتعلم أنى أتألم لك من كلماتى ؟

...

أأخبرك سرًا ؟ 

أعترف أنى أحببتك كما لم أحب أحدًا من قبل ..

ليس لأنك كذا أو كذا أو لأنى وجدت من كنت أبحث عنه أو هذا أو ذاك

ولكنك كنت الشخص الوحيد الذى تعريت أمامه من كل كبريائى 

وبكيت أمامه كما يبكى الصغير أمه دون خجل !

فما فعلتَ شيئا إلا احتضنتنى وسمعتنى وبكيتنى ..

أظهرت لك أسوأ ما فى وتحملتنى ..صبرت على عندى وتهورى وغبائى ! 

كما لم يصبر أحد من قبل ..

تقبلتنى بكل مساوئى وأحببتنى .. فعـــشـقـتــك

فسامح لى طيشى .. وما أذرفتَه من دموعِك يوما ما بسببى 

فأنا اليوم لا أتحمل أن تذرف لأجلى دمعة واحدة

أو فلتقل  " لا أستحق ! "

!!

 

 وانا اللى بقالى فترة كبيرة نفسى اكتب ومش عارفة

وانت السبب !

ايوا .. انت اللى شغلتنى وخلتنى مش قادرة اركز ولا قادرة اكتب

دايما متشتتة .. عشان بفكر فيك ..

ودايما ببقى نفسى أقابلك .. ولما أقابلك تهرينى كلام عن كل اللى بتحبهم

إلا أنا !

طب ليه .. هو أنا مستحقش ولا انت اللى أعمى ؟

أعمى .. لانك مش شايف ولا فاهم ..

ازاى مش مقدر كل اللى بعمله عشانك

وفى كل مرة أمسك نفسى عشان مسألش عليك .. مقدرش

ألاقينى ماسكة التليفون وبكلمك ... بس عشان اسمع صوتك !

انت معقد أوى ... أكتر شخصية تعبتنى فى فهمها

كل ما أبعد عنك تقرب .. وكل ما أقرب منك تحرقنى ..

زى ماتكون العلاقة بيننا عكسية .. مليانة خوف ..

مش قادرة استوعبك ..

بس فيك شئ غريب بيشدنى ..

اسمك بقوله فى الجملة خمسوميت مرة كل ماتكلم مع اى حد

وكل ما يلمع اسمك عالموبيل أرد بلهفة زى ماتكون واحشنى ..

زى ما تكون؟!! .... انت اصلا علطول واحشنى ..


صدقنى لو فضلت كدا ... هيصحى كبريائى فى يوم ومش هيرحمك  حتى لو اترجيته مليون سنة ....

فلسطين الحبيبة ..

الحب يخترق الحصار

والشوق يخترق الحصار 

لن يمنع الاسمنت رؤيتها ولن ينتابنا وجع القرار

فالعين إن شاءت لقاء حبيبها ستراه من خلف الجدار

صبــــرًا فلسطين الحبيبة .. لن يطول الإنتظار

 ...على طالى .

...............................................

أى كلام ..

ورجعت تانى اتكلم معاك .. زى مايكون مليش فى الدنيا غيرك

 سؤال بس .. انت مش ناوى تبقى حقيقى بقى ؟ّ!

عارف .. مش مهم تكون حقيقى , المهم انى افضفض وارتاح

..

 شكرا لكل حد استحملنى وهو مش طايق 

..

عشمت فيك أوى فخذلتنى

عارف انت بجد كل ما تخذلنى أعرف ان محدش غير ربنا هو عمره مبيخذلنى

انت مش وحش .. انا بس اللى ساذجة أوى

..

اكتر حاجة بتوجعنى اوى لما تكون اقرب حد ليا وتفقد ايمانك بيا

 او تتريق على شئ انا مؤمنة بيه ..

كل اللى بعدت عنهم فى حياتى بإرادتى كانو بسبب الموضوع دا

انت متخيل انت عملت فيا ايه !

انت كسرت مجاديفى .. وبس

..

كفاكِ تجبرا وغرورا ..فلستِ الأميرة وحدك هنا !

..

عايزة بس اقولك حاجة

ان كل شئ لما بتزوده بيكون طعمه - ماسخ - 

فلما بتتقل زيادة عن اللزوم وتكون مغرور بتكون بايخ اوى

معلش بقولك كدا عشان تفوق لنفسك

مش مهم تعمل كدا معايا .. دى نصيحة ليك وللزمن

ولا كإنك سمعت حاجة ..

 ..

نفسى يارب اقابل حد شبهى اوى 

يارب 

..

علافكرة انا بعرف أشتم واتخانق واقطع علاقاتى بالناس

وبعرف اقول فى وش الناس انهم وحشين وكدابين ومنافقين

ويتوع مصالحهم 

وكمان طلعت بعرف .. أكدب اوى

..

بص من الاخر انا كدا

عارفة انى وحشة اوى .. بس انت لو متمسك بيا

هتحاول تفضل جنبى ..

على الاقل هتحاول صح ؟

.. 

ياما فارقنا ناس قولنا فراقهم هيقلتلنا .. وأدينا اهو عايشين وزى الفل

ياااه دحنا منافقين اوى 

.. 

أنا بقيتك !

- استنى لحظة .. عايزة اقولك حاجة 

_ ايه ؟

- .............. أنا بقيتك 

_ ايه !

- أنا بقيتك , 

عارف يعنى ايه بقيتك ؟!

كل حاجة بقيت بعملها زيك , كل حاجة بقيت بشوفها بعيونك

حتى انى بقيت بشوفنى انت !

تعبيرات وشك ,جنونك, ضحكتك , حتى أغانيك اللى بتدندن بيها 

, صوتك وكلمة " ألو " اللى بتقولها بألاطة , عينيك اللى بتجيبها شمال

ويمين فى الثانية خمسميت مرة , برطمتك من تحت لتحت وهمسك ليا

وسط الناس , كل دا بقيت بعمله زيك

زى ماتكون روحى شربت روحك !

أفلامك , ايفيهاتك , حتى روايحك اللى بتحبها وأقلامك ,

عتابك , وهزارك , ورخامتك وسط صحابك و تريقتك على نفسك

أنا  بجد بقيتك  ..

 

تفتكر هييجى اليوم اللى انت فيه هتبقانى ؟!

ألا تأتى ؟!

ولأن قلبى لم يعد يحتمل الفراق

ولأنه أتعبى السفر الى عالمك وحيده

ألا تأتى ..

ألا تأخذنى من يدى وتوصلنى لأقرب نقطة من روحك

ألا تأتى الآن لتمسح عنى حزنى 

وتربط على قلبى وتشعرنى بدفء قربك

أشتاق إلينا ,

 إلى كل تفصيلة لم نعشها

فقط تمنيناها 

إلى كل لقاء أعددنا له ولم يحالفنا الحظ فيه

..

 

إليك أشتاق .. 

فهلا تأتى ..؟

طريق يخلو من كل شئ سوى حبيبين ..

هو .. يعشقها ويتمنى لو يظفر بنظرة واحدة من عينيها السوداوين ..

هى .. تحبه بجنون , فقط تتمنى سماع صوته الدافئ

هو .. يعشق حياءها , يتمنى لو يكون فارسها , لو أنها تختاره من بين كل 

الفرسان ليكون أمانها وحلمها ودفء قلبها 

آخٍ .. كم يتمنى لو تعلم كم يغار عليها من نظراتهم ..

.....

هى .. تدعو الله فى كل يوم أن يحفظ قلبها ويحفظه ,

 تردد " اللهم ان كان خيرًا لى فاجعله هديتك لى "

هو .. أبدًا لن يصارحها بحبه , فهى جوهرته المصونة 

, يراقبها من بعيد ويرجو الله أن تكون نصفه الثانى المكتوب له

هى .. تدعو ربها ليلًا " اللهم لا تعلق قلبى بما ليس لى "

..............

هو آتٍ من بعيد ينظر للسماء وكأنه لا يعرفها 

, يغض بصره حتى عنها ..

هى تسير على عجلة من أمرها , تنظر الى سواد الأرض 

, تتمنى لو أنها تتمسك جيدًا بقلبها حتى لا يهرب منها 

ويجعلها تنظر له او تبتسم ..

فى أول الطريق " هو " و آتية "هى " ... يلتقيان , 

 يمران بجانب بعضها البعض  , 

عيناهما تجيدان التخفى , 

 والقلب يتمنى لو يلتقيان حقًا